Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:20 - BAEBOLO ANZƐƐ BULUKU NWUANZANWUANZA

²⁰ Akee sɛlɛvolɛ ne to bɛ ehono maa Ɛdɛnkɛma kɛ ehono azubɔdeɛ. Bɛle azubɔdeɛ nwuanzanwuanza mɔɔ le sɛlɛvolɛ ne ɛdeɛ na bɛfa bɛboka boane nyinli ne akɛnrazo ne nee ye ndwɛlɛ ne mɔɔ le maamɛla kɛ sɛlɛvolɛ ne ɛdeɛ ɔ la anwo. Ɛhye wie a, sonla ne mɔɔ dule ɔ nwo ziele ɛkɛ manle Ɛdɛnkɛma la kola no nza.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:20 ပူးပေါင်းရင်းမြစ်များ

Nolo 9:7

Kɔ zolɛ, di wɔ aleɛ anyelielɛ nu, na fa anyelielɛ no wɔ nza, ɔluakɛ Nyamenle ɛlie debie biala mɔɔ ɛyɛ la ɛdo nu.

Ayezaya Buluku ne 25:6

Zayɔn Boka ye azo yɛɛ Tumivolɛ Ɛdɛnkɛma bava nane mɔɔ ɛlɔ nee nwanye mɔɔ ɛbe kpalɛ la ado ɛkponle amaa maanle maanle ne mɔ a.

Ayezaya Buluku ne 35:10

Bɛdabɛ mɔɔ Ɛdɛnkɛma ɛkpɔne bɛ la bava edwɛndolɛ azia ara Gyɛlusalɛm. Bɛbali fɛlɛko mɔɔ ɛnlɛ awieleɛ; bɛ nye balie, bɛali fɛlɛko, na nyane nee alɔbɔlɛ baminliminli.

Sɛlɛ 10:15

Nane ɛzɔlɛ ne mɔɔ bɛfa bɛabɔ azu ne nee nane ne akɛnra azo ne mɔɔ bɛdo ye ehono la, ɔwɔ kɛ bɛfa bɛboka ɛnlome ne mɔɔ bɛyela la anwo bɛto ye ehono, kɛ ehono azubɔdeɛ wɔ Ɛdɛnkɛma anyunlu, na akee yeayɛ ɛdawɔ nee ɛ mra ne mɔ ɛdeɛ dahuu, kɛmɔ Ɛdɛnkɛma zele la.”

Sɛlɛ 23:11

Sɛlɛvolɛ ne bado bɛ azubɔdeɛ ne mɔ ehono abɔ ehono azu amaa Ɛdɛnkɛma, amaa bɛazɔ ɔ nye. Sɛlɛvolɛ ne babɔ azu zɔhane Ɛnwomenlelielɛ Kenle ne ye alehyenlɛ nu.

Sɛlɛ 7:30

ɔwɔ kɛ ɔdaye mumua ne ɔfa nuhua ɛyelalɛ azubɔdeɛ ne ɔ sa nu ɔbɛlɛ Ɛdɛnkɛma. Ɔwɔ kɛ ɔfa nane ne ɛnlome ne nee ɔ kɛnra azo ne a ba a, amaa bɛado ɔ kɛnra azo ne ehono bɛabɔ ehono azu bɛamaa Ɛdɛnkɛma.

Sɛlɛ 7:31

Sɛlɛvolɛ ne bayela ɛnlome ne wɔ azukponle ne azo, na ɔ kɛnra azo ne le Aalɔn nee ɔ mra ne mɔ ɛdeɛ.

Sɛlɛ 7:32

Ɔwɔ kɛ bɛfa nane ne ɛzɔlɛ fema ne mɔɔ bɛkɛdu la bɛmaa sɛlɛvolɛ ne kɛ azubɔdeɛ mɔɔ vi anzonudwolɛ azubɔdeɛ ne anu la.

Sɛlɛ 7:34

Ɔluakɛ nane ne akɛnra azo ne nee ɛzɔlɛ ne mɔɔ bɛkɛdu la, melie mevi Yizilayɛma ɛkɛ, mevi bɛ anzonudwolɛ azubɔdeɛ ne mɔ anu, na meva memaa Sɛlɛvolɛ Aalɔn nee ɔ mra ne mɔ na meyɛ ye kɛ dahuu biala ɔle bɛ ɛdeɛ.

Sɛlɛ 9:21

Na nane ne mɔ akɛnra azo ne mɔ nee bɛ ɛzɔlɛ fema ne mɔ mɔɔ bɛdudule la, Aalɔn dole bɛ ehono na ɔvale ɔbɔle ehono azu ɔmanle Ɛdɛnkɛma, kɛmɔ Mosisi zele la.

Zɛkalaya Buluku ne 10:7

Yifelaemma bayɛ kɛ katakyiema, na bɛali fɛlɛko kɛ menli mɔɔ ɛnlo nza la. Bɛ mra banwu ye na bɛ nye alie, na bɛali fɛlɛko wɔ mɔɔ Ɛdɛnkɛma ɛyɛ la anwo.

Zɛkalaya Buluku ne 9:15

Tumivolɛ Ɛdɛnkɛma bawowa bɛ; bɛbahu totoabɔma ne bɛatietia bɛ nwo zo. Bɛbayɛ begyebegye kɛ asɛɛ bɛbo nza; bɛbaha bɛ kpɔvolɛma mogya bɛagua, yeazonyi kɛ asɛɛ ɔgyi kɔpo nu na bɛlɛwola bɛagua azukponle ne mgbɛne zo.

Zɛkalaya Buluku ne 9:17

Ɛhɛe, azɛlɛ ne bayɛ kpalɛ, ayɛ kɛnlɛma! Zolɛ abɛlɛ nee nwanye fofolɛ bamaa zolɛ mgbavolɛ nee mbɛlɛra anyia anwosesebɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:18

Bɛ nane ne le bɛ ɛdeɛ, kɛmɔ bɛ kɛnrazo ne mɔɔ bɛkɛdo ye ehono nee bɛ ɛzɔlɛ fema ne le bɛ ɛdeɛ la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:25

Sɛlɛvolɛ ne ɛlie ma azubɔdeɛ ne wɔ raalɛ ne asa anu, ɔdo ye ehono wɔ Ɛdɛnkɛma anyunlu, na ɔva ɔzie azukponle ne azo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:21

“Ɛhye mɔ a le menli mɔɔ tu bɛ nwo sie ɛkɛ maa Ɛdɛnkɛma la ngyehyɛlɛ a, na saa awie tu ɔ nwo azie ɛkɛ amaa Ɛdɛnkɛma, na ɔbɔ ɛwɔkɛ bie, na mekɛ ne dwu a, ɔwɔ kɛ ɔye ɛwɔkɛ ne ɔboka ngyehyɛlɛ mɔɔ wɔ ɛkɛ ne la anwo.”

Edwɛkpa ne kɛmɔ Mateyu hɛlɛle la 26:29

Meka meahile bɛ, menrɛnlo vanye ma nu nzule bieko kɔkpula kenle ne mɔɔ me nee bɛ banlo ye bieko wɔ Egya Belemgbunlililɛ nu la.”

Edwɛkpa ne kɛmɔ Maake hɛlɛle la 14:25

Nɔhalɛ, menrɛnlo nwanye ɛhye bieko, kyesɛ Nyamenle Belemgbunlililɛ nu na meanlo nwanye bieko.”

Dw 19:30

Gyisɛse liele nwanye ne na ɔhanle kɛ, “Yewie!” Akee ɔbɔle ɔ ti aze na ɔwule.