Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:2 - BAEBOLO ANZƐƐ BULUKU NWUANZANWUANZA

² ɔva ngyehyɛlɛ ɛhye mɔ ɔmaa Yizilayɛma. “Saa nrenya anzɛɛ raalɛ bɔ ɛwɔkɛ kɛ ɔtu ɔ nwo yeazie ɛkɛ yeamaa Ɛdɛnkɛma a,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:2 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:16

Ɔluakɛ, kɛ ɔkɛyɛ na bɛanwu kɛ medame nee wɔ menli ne yɛsɔ ɛ nye ɛ? Wɔ ɛlualɛ mɔɔ ɛ nee yɛ lua la yɛɛ maa menli nwu ngakyile mɔɔ wɔ yɛ nee menli gyɛne gyɛne mɔɔ wɔ aleɛabo la avinli a.”

Mrɛlɛbulɛ Buluku ne 18:1

Sonla mɔɔ ɛnzo menli avinli la bua ɔ nwo benle ɔfa ɔsɛkye ndɛnebualɛ kpalɛ biala.

Gyɛlɛmaya Buluku ne 35:6

Na bɛbuale kɛ, “Yɛnrɛnlo nwanye biala, ɔboalekɛ yɛ nlenya Rilikabe bɔle yɛ ze Dwɔnadabe kɔkɔ kɛ, ‘Bɛdabɛ o, bɛ bo zo amra o, biala mmafa nwanye ka ɔ nloa ɛlɛ;

Sɛlɛ 20:26

Ɔwɔ kɛ bɛmaa bɛ nwo te maa me, ɔluakɛ medame Ɛdɛnkɛma, mele nwuanzanwuanza, yɛɛ meye bɛ mevi menli kɔsɔɔti avinli mezie ahane, kɛ bɛle me ɛdeɛ mekɛ biala.

Sɛlɛ 27:2

“Ka kile Yizilayɛma kɛ: Saa awie fa sonla bɔ ɛwɔkɛ maa Ɛdɛnkɛma a, ɔkola ɔtua ezukoa ɔkpɔne sonla zɔhane,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 30:3

“Anzɛɛ saa raalɛ ka ndane kɛ ɔyɛ debie yeamaa Ɛdɛnkɛma, anzɛɛ ɔfa ɔ nwo ɔbɔ ɛwɔkɛ ɔmaa Ɛdɛnkɛma, wɔ mekɛ mɔɔ ɔde ɔ ze sua nu la,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:1

Ɛdɛnkɛma zele Mosisi kɛ

Edwɛkpa ne kɛmɔ Luku hɛlɛle la 1:15

Ɔbayɛ sonlakpole wɔ Awulae anyunlu. Ɔnle kɛ ɔno nwanye anzɛɛ nza ɛsesebɛ biala. Sunsum Nwuanzanwuanza ne bawolo ye, bɔbɔ, wɔ mekɛ mɔɔ ɔla ɔ nli akunlu la.

Ɛzoanvolɛma Gyima ne 18:18

Pɔɔlo lile mekɛ ekyi wɔ diedima ne mɔ anwo ɛkɛ ne la, nzinlii ɔ nee Pelesela nee Akoyela bɛvile ɛkɛ bɛvale azule nye kɛ bɛkɔ Selea. Bɛdwule Sɛnkilia la Pɔɔlo bɔle ɛwɔkɛ manle Nyamenle, yemɔti ɔmanle bɛkpale ɔ ti.

Wulo 1:1

Medame Pɔɔlo, mɔɔ mele Kelaese Gyisɛse akɛlɛ, na Nyamenle ɛvɛlɛ me kɛ membanyɛ ɛzoanvolɛ na yeze me kɛ membɔ ye Edwɛkpa ne nolo la a melɛkɛlɛ kɛlata ɛhye a.

2 Kɔl 6:16

Duzu ngitanwo a wɔ Nyamenle Ɛzonlenlɛ Sua nee awozonle ɛzonlenlɛ sua avinli a? Yɛle tease Nyamenle ne ɛzonlenlɛ sua! Kɛ ɔdaye Nyamenle mumua ne yeha la ɛne. Ɔse, “Mebabu me awuke wɔ me maanlema avinli na me nee bɛ adɛnla; Mebayɛ bɛ Nyamenle na bɛayɛ me menli.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:15

Na amuanrɛɛ wɔ ɛhye mɔ amuala anu, ɛnee Nyamenle ɛye me ɛzie ɛkɛ dɛba ɛmaa ɔ nwo, bɔbɔ kolaa na bɛawo me, yɛɛ akee yelua ye ɛlolɛ zo yevɛlɛ me kɛ mendoa ɔ bo zo na menyɛ ye gyima a. Yemɔti mɔɔ mekɛ ne dwule na ɔbɔle kpɔkɛ

Kɛlata mɔɔ bɛhɛlɛle bɛhɔmanle Hibuluma la 7:27

Ɔnle kɛ sɛlɛvolɛ mgbanyinli ɛhendeɛ ne mɔ, mɔɔ ɔwɔ kɛ kɔ azukponle nwo kenle biala, kɛ bɛkabɔ bɛ ɛtane nwo azu na bɛabɔ bie bɛamaa awie mɔ la. Ɔvale ɔ nwo ɔbɔle azu ne kokye ala.

Maanlebuvolɛma Buluku ne 13:14

Debie biala mɔɔ bɛva vanye ma bɛyɛ la, ɔmmafa bie ɔka ɔ nloa. Eza ɔmmano nwanye anzɛɛ nza ɛsesebɛ biala, yɛɛ ɔmmadi debie biala mɔɔ nwolɛ ɛnde la. Ɛhye mɔ kɔsɔɔti mɔɔ meha la ɔwɔ kɛ ɔdi zolɛ.”

Maanlebuvolɛma Buluku ne 13:4

Yemɔti nea boɛ. Mmano nwanye anzɛɛ nza ɛsesebɛ biala.

Maanlebuvolɛma Buluku ne 13:5

Mmadi debie biala mɔɔ nwolɛ ɛnde la. Ɔluakɛ ɛbanrenzɛ wɔawo ralɛ nrenya. Mmafa dadeɛ dɛma ɛka ɔ ti enrinli, ɔluakɛ kenle ko ne ala mɔɔ bɛkɛwo ye bɛkɛdo aze la, bɛbadu ye bɛazie ahane bɛamaa Nyamenle kɛ ɔle ‘Tusiemaa-Nyamenle’ ralɛ. Na yemɔ yɛɛ ɔbalie Yizilayɛma yeavi Filisitiama asa anu a.”

Maanlebuvolɛma Buluku ne 16:17

Na ɔhanle nɔhalɛ ne kɔsɔɔti ɔhilele ye kɛ, “Dadeɛ dɛma ɛtɛkanle me ti enrinli ɛlɛ, ɔluakɛ mele ‘Tusiemaa-Nyamenle’ ralɛ mɔɔ bɛdule me bɛziele ɛkɛ bɛmanle Nyamenle kolaa na bɛawo me a. Kenle ko ne mɔɔ dadeɛ dɛma kɛha me ti enrinli la, kenle zɔhane, me anwosesebɛ ne kɛvi me nu; me nwo bagolo me, na menwɔyɛ kɛ nrenya gyɛne biala la.”

1 Sam 1:28

Yemɔti medu ye memaa Ɛdɛnkɛma. Mekɛ dodo mɔɔ ɔdi ye wɔ azɛlɛ ye azo la, ɔle Ɛdɛnkɛma ɛdeɛ.” Na ɔyeyɛle Ɛdɛnkɛma wɔ ɛkɛ ne.