Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:3 - BAEBOLO ANZƐƐ BULUKU NWUANZANWUANZA

³ Bɛye bɛ, mrenya nee mraalɛ kɔsɔɔti, na bɛva bɛ bɛhɔ azokoɛleɛ ne kandiba, amaa bɛanva evinli bɛanga azokoɛleɛ ye, mɔɔ medame mede me menli avinli la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:3 ပူးပေါင်းရင်းမြစ်များ

1 Arl 7:3

Bɛvale sida mbaka ne bie ala bɛguale zolɛ. Sua ne aakɔ ne mɔ le sida mbaka. Aakɔ ne mɔ gua sua ne azo a bɛ ndendenle bagua azua ngyikyi ne mɔ mɔɔ bɛfa ninyɛne bɛsiezie nu la azo.

Edwɛndolɛ Buluku ne 68:18

Ɛvole boka tendenle ne, ɛzanle menli mɔɔ ɛhyele bɛ la nyɛma zo ɛlile ɛ nzi. ɛliele ahyɛlɛ ninyɛne ɛvile menli ɛkɛ, atuadelɛma bɔbɔ hyɛle wɔ bie, amaa Ɛdɛnkɛma Nyamenle ne adɛnla ɛkɛ ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 25:8

Maa menli ne ɛziezie ɛleka nwuanzanwuanza ɛmaa me, amaa meadɛnla bɛ avinli.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:45

Mebadɛnla Yizilayɛma avinli na meayɛ bɛ Nyamenle.

Ayezaya Buluku ne 12:6

Bɛdeɛdea nu, bɛva anyelielɛ bɛdo edwɛne, O Zayɔnoma, ɔluakɛ Yizilayɛ Nwuanzanwuanza Ko ne mɔɔ de bɛ avinli la le kpole.”

Sɛlɛ 14:8

Akee ahenle mɔɔ bɛnua ye la bakpo ye adɛladeɛ, yeakpa ɔ nwo enrinli kɔsɔɔti na yeabia; ɛnee ɔ nwo ɛde. Ɛhye anzi ɔbara sua zo, noko ɔnrɛhɔ ye ndanlɛ sua ne anu. Ɔbala alie nwo toonwo kenle nsuu.

Sɛlɛ 15:31

“ ‘Zɛhae yɛɛ ɛbayɛ wɔava wɔade Yizilayɛma anwo wɔ evinli mɔɔ kɛha bɛ la anwo a, amaa bɛanva evinli bɛanga me Ndanlɛ Sua ne mɔɔ gyi bɛ avinli la na bɛawu.’ ”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:3

Na bɛzele bɛ kɛ, “Akee bɛyɛ bɛmaa yebo zolɛ! Ɛlɔne ne kɔsɔɔti le Ɛdɛnkɛma menli, yɛɛ Ɛdɛnkɛma nee yɛ muala lua. Duzu ati a bɛvo bɛdɛnla Ɛdɛnkɛma menli ne akɔme zo zɛhae a?”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:22

Debie biala mɔɔ sonla mɔɔ evinli ɛha ye la kɛzɔ nu la ɛnee evinli ɛha ye, yɛɛ awie mɔɔ kɛva ɔ sa kɛha deɛ ne la anwo ɛnde toonwo ɔkɔdwu nɔsolɛ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 35:34

Azɛlɛ ne mɔɔ bɛde zolɛ la, bɛmmamaa evinli ka ye, ɔboalekɛ medame a mele Ɛdɛnkɛma a, yɛɛ mede me menli Yizilayɛma avinli.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:4

Na Yizilayɛma yele menli ɛhye mɔ vile bɛ avinli, kɛmɔ Ɛdɛnkɛma zele Mosisi la.

Mɛla 23:14

Ɔboalekɛ Ɛdɛnkɛma bɛ Nyamenle ne luolua bɛ azokoɛleɛ ne kɛ ɔbalie bɛ na yeaye bɛ kpɔvolɛma ne yeamaa bɛ. Ɛhye ati ɔwɔ kɛ azokoɛleɛ ɛkɛ ne te, amaa yeannwu debie ɛtane biala wɔ ɛkɛ ne na yeahakyi ɔ nwo yeahɔ.

Mɛla 23:15

“Saa kanranli bie nriandi batane bɛ a, bɛmmaye ye bɛmaa ɔ menle.

2 Tɛs 3:6

Mediema, yɛlua Awulae Gyisɛse Kelaese duma nu, yɛka yɛahile bɛ kɛ bɛhwe bɛ nwo bɛvi mediema mɔɔ ɛlɛyɛ mgbovonle na bɛngulo kɛ bɛdi folɛ mɔɔ yɛdule bɛ la azo la anwo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:10

Sonla mɔɔ fa mgbakyemgbakye ara la, bɔ ye kɔkɔ fane kɛyɛ nwiɔ, na gyakyi ye maa ɔva ɔ nwo.

Yekile 21:27

Na debie biala mɔɔ anwo ɛnde la ɛnrɛhɔ suakpole ne azo. Zɔhane ala yɛɛ mɔɔ bɔ anyiemgba ɛbɛla na ɔbɔ adalɛ la ɛnrɛhɔ ɛkɛ a. Bɛdabɛ mɔɔ bɛhɛlɛ bɛ aluma wɔ Boaneralɛ ne teasema buluku ne anu la angome a bahɔ suakpole ne azo a.

Yekile 21:3

Mendele ɛnelɛ kpole bie wɔ belemgbunli ebia kpole ne anwo, ɔse, “Kɛkala, akee Nyamenle sua nu a le ye menli avinli. Ɔ nee bɛ badɛnla na bɛayɛ ye menli. Nyamenle mumua ne nee bɛ badɛnla na yeayɛ bɛ Nyamenle.