Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:23 - BAEBOLO ANZƐƐ BULUKU NWUANZANWUANZA

²³ “Akee sɛlɛvolɛ ne ɛhɛlɛ amonle ne debie zo na ɔwowo ɔgua kanrɛlɛ ne mɔɔ nzule ɛnwonle ne wɔ nu la anu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:23 ပူးပေါင်းရင်းမြစ်များ

2 Edk 34:24

Medame, Ɛdɛnkɛma, mebadea suakpole ye nee menli mɔɔ wɔ zolɛ la amuala, na meava munzule ne mɔɔ bɛhɛlɛ ye wɔ buluku ne anu la amuala meagua Dwudama anwo zo, kɛmɔ bɛgenga bɛhile belemgbunli ne ala la.

Dwobu Buluku ne 31:35

“O, anrɛɛ meanyia awie adie me! Me edwɛkɛ ne amuala ɛne! Bɛmaa Tumivolɛ Nyamenle ne ɛbua me. “O, anrɛɛ me kpɔvolɛ ne ahɛlɛ me munzule mɔɔ mebɔ la kɔsɔɔti amaa meanwu ye.

Edwɛndolɛ Buluku ne 51:1

O Nyamenle, nwu me anwunvɔne, kɛmɔ wɔ ɛhulolɛ kpundii ne de la; wɔ anwunvɔnezelɛ kpole ne ati, nunu me mɛladonlɛ ne mɔ.

Edwɛndolɛ Buluku ne 51:9

Ye ɛ nye fi me ɛtane ne mɔ anwo, na nunu me amumuyɛ ne mɔ amuala.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 17:14

Akee Ɛdɛnkɛma zele Mosisi kɛ, “Kɛlɛ ɛhye wɔ buluku nu maa ɔyɛ ngakyelɛ na kenga kile Dwɔhyua kɛ: Mebanunu Amalɛkema abo zo bɔkɔɔ wɔ aleɛabo.”

Ayezaya Buluku ne 43:25

Medame, medame a mele Nyamenle, mɔɔ medame me ti, mefa bɛ ɛtane mekyɛ bɛ a. Menrɛhakye bɛ ɛtane ne mɔ bieko.

Ayezaya Buluku ne 44:22

Mepia bɛ mɛladonlɛ ne mɔ amuala kɛ amungu mehɔ, yɛɛ mepia bɛ ɛtane ne mɔ kɛ ɛbɔlɛ megua; bɛzia bɛrɛla, ɔluakɛ mekpɔne bɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:22

Amonle ɛhye ɛdenrɛ ɛ kunlu na ɔmaa ɛwulowula, na wɔ awodeɛ ɛnwoso. “Raalɛ ne ɛlie zolɛ kɛ, ‘Amen, mekponle zolɛ.’

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:24

Ɔmaa raalɛ ne ɛnlo nzule ɛnwonle ne, mɔɔ wɔannea ye boɛ a ɔbamaa yeade nyane kpole wɔ ɔ kunlu la.

Ɛzoanvolɛma Gyima ne 3:19

Zɔhane ati bɛnlu bɛ nwo na bɛzia bɛrɛla Nyamenle ɛkɛ, amaa yeava bɛ ɛtane ne mɔ amuala yeahyɛ bɛ,

Mɛla 31:19

“Zɔhane ati, kɛlɛ edwɛne ɛhye na kile Yizilayɛma. Maa bɛdo ye dahuu bɛmaa ɔkokoa bɛ nloa anu, amaa yeayɛ daselɛ wɔ me nee bɛ yɛ avinli.

Yekile 20:12

Na menwunle mɔwuamra, mgbole nee ngyikyi kɔsɔɔti, kɛ bɛgyigyi belemgbunli ebia kpole ne anyunlu, na bɛbukebuke mbuluku nu wɔ ɛkɛ. Eza bɛbukele teasema buluku ne noko anu, na bɛbuale mɔwuamra ndɛne wɔ mɔɔ bɛyɛle na bɛhɛlɛ bɛ wɔ mbuluku ne mɔ anu la anwo.