Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:21 - BAEBOLO ANZƐƐ BULUKU NWUANZANWUANZA

²¹ (Sɛlɛvolɛ ne ɛmaa raalɛ ne ɛli amonle ne na ɔha ɔhile raalɛ ne kɛ) ɛnee Ɛdɛnkɛma ɛmaa bɛhyi wɔ, wɔ wɔ menli avinli, ɔmaa wɔ awodeɛ ɛnwoso na ɛwulowula.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:21 ပူးပေါင်းရင်းမြစ်များ

2 Edk 21:15

Ɛdawɔ mumua ne noko ɛbanyia ɛkolɛ ewule mɔɔ babɔ wɔ anwonyane mɔɔ anu bayɛ se alehyenlɛ biala la.’ ”

Nihɛmaya Buluku ne 10:29

yɛ nee yɛ mgbanyima yɛbɔ nuhua yɛdi amonle, kɛ saa yɛbulu zolɛ a munzule ɛha yɛ, na yɛse kɛ, yɛbali Nyamenle Mɛla ne mɔɔ ɔluale ye sonvolɛ Mosisi anwo zo ɔvale ɔmanle yɛ la azo; yɛbali mɔɔ Ɛdɛnkɛma, yɛ Awulae ne kɛze yɛ biala la, yɛɛ yɛbali mɛla ne nee ngyehyɛlɛ ne mɔ azo.

Mrɛlɛbulɛ Buluku ne 10:7

Tenlenema ɛhakyelɛ le nyilalɛ, na amumuyɛnli duma baminli.

Ayezaya Buluku ne 65:15

Me menli ne mɔɔ mekpa nu meye bɛ la bava bɛ duma awa amonle, yɛɛ Awulae Nyamenle ne bahu bɛ; na me sonvolɛma ne ɛdeɛ, mebava duma fofolɛ meavɛlɛ bɛ.

Gyɛlɛmaya Buluku ne 29:22

Menli mɔɔ bɛhyele bɛ wɔ Gyɛlusalɛm bɛhɔle nlɔnu wɔ Babelonia la bava awa amonle kɛ, ‘Ɛdɛnkɛma ɛyɛ wɔ kɛ Zɛdikaya nee Ehabe mɔɔ Babelonia belemgbunli dondonle bɛ senle nu la.’

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:27

Saa nrenya gyɛne ɛva ye yɛɛ yeanli nɔhalɛ yeammaa ɔ hu a, amonle ne bamaa yeade nyane kpole, yeamaa yeawulowula, ye awodeɛ anwoso, na bɛahyi ye wɔ ye menli ne avinli.

Edwɛkpa ne kɛmɔ Mateyu hɛlɛle la 26:74

Pita hanle ndane, wale ɔ nwo amonle na ɔhanle ɔzɔle zolɛ kɛ, “Nɔhalɛ, menze nrenya ne!” Ɛkɛ ne ala akɔlɛ bɔle,

Dwɔhyua Buluku ne 6:26

Mekɛ ne anu Dwɔhyua bɔle kɔkɔ mɔɔ anu yɛ se la kɛ, “Awie ko biala mɔɔ kɛbɔ mɔdenle kɛ ɔkyekye suakpole Gyɛleko bieko la, Ɛdɛnkɛma ɛdua ye kakɛ. Mɔɔ kɛwula suakpole ne abo aze la, ɔ ra nrenya kpanyinli ne ɛwu. Mɔɔ kɛdua suakpole ne anuhɔlɛ mgbole ne mɔ ɛbonle la, ye nrenya kazima ne ɛwu.”

1 Sam 14:24

Kenle ko ne Yizilayɛma adwenle zɛkyele, ɔluakɛ Sɔɔlo guale bɛ amonle kɛ, “Toonwo mɔɔ ɔkadwu nɔsolɛ la, awie biala mmadi debie kɔkpula kɛ menwɔli me kpɔvolɛma anwo zo konim la. Ɛdawɔ mɔɔ ɛkɛli debie la, munzule ɛha wɔ.” Yemɔti awie biala anva debie anga ɔ nloa.