Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:33 - BAEBOLO ANZƐƐ BULUKU NWUANZANWUANZA

³³ Ɛhye mɔ a le Mɛlɛlae abusua ekpulike ne gyima wɔ Ɛdɛnkɛma Ndanlɛ Sua ne anwo a. Sɛlɛvolɛ Aalɔn ara nrenya Yetamaa a banlea yeamaa bɛayɛ gyima ne a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:33 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 38:21

Ninyɛne mɔɔ bɛvale bɛyɛle Ɛdɛnkɛma Ndanlɛ Sua ne anu, ɛleka mɔɔ awolɛ ndɛbandɛba nwiɔ ne mɔɔ bɛhɛlɛ Nyamenle Mɛla Bulu ne wɔ zo la wɔ la, bɛmɛ ɛne. Mosisi a hanle kɛ bɛhɛlɛ bɛ dodo a, yɛɛ Livaema mɔɔ sɛlɛvolɛ Aalɔn ara Yetamaa a nea bɛ nwo zo la a hɛlɛle a.

Ayezaya Buluku ne 3:6

Mekɛ ne anu sonla bazɔ ɔ diema mɔɔ ɔ nee ye wɔ abusua ekpulike ko anu la na yeaze ye kɛ, “Wɔmɔ, ɛlɛ ndanlɛ ɛkeda, yemɔti yɛ yɛ abusua kpanyinli na nea yɛ nwo zo wɔ yɛ ngyianlɛ nee yɛ amaneɛnwunlɛ ye anu.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:28

Ɛhye mɔ a le Gɛhyɔn abusua ekpulike ne anu amra gyima mɔɔ ɔwɔ kɛ bɛyɛ wɔ Ndanlɛ Sua ne anwo a, yɛɛ Sɛlɛvolɛ Aalɔn ara nrenya Yetamaa a ɔwɔ kɛ nea maa bɛyɛ gyima ne a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:32

alie ne mɔɔ bɛnra yia Ɛdɛnkɛma Ndanlɛ Sua ne la bane ne mbaka nee bɛ adiabo ne mɔ, bɛ adakola ne mɔ, bɛ nyɛma ne mɔ, yɛɛ debie biala mɔɔ fane Ɛdɛnkɛma Ndanlɛ Sua ne anwo la. Fa bɛ aluma kyɛ debie biala mɔɔ ɔwɔ kɛ bɛsoa la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:34

Kɛmɔ Ɛdɛnkɛma zele la, Mosisi, Aalɔn, yɛɛ menli ne mgbanyima ne mɔ dianle Livae abusua ekpulike nsa ne anu amra. Bɛmɛ a le: Kohate, Gɛhyɔn, yɛɛ Mɛlɛlae. Bɛdianle bɛ selɛ nu na bɛhɛlɛle mrenya mɔɔ wɔ nu, mɔɔ ɛli ɛvolɛ abulasa mɔɔ kɔdwu ɛvolɛ abulanlu, mɔɔ kola yɛ gyima la aluma, amaa bɛayɛ gyima wɔ Ɛdɛnkɛma Ndanlɛ Sua ne anu. Menli dodo mɔɔ bɛnyianle la ɛne: Abusua ekpulike Bɛ dodo Kohate apenle nwiɔ, ɛya nsuu abulanlu Gɛhyɔn apenle nwiɔ, ɛya nsia abulasa Mɛlɛlae apenle nsa, ɛya nwiɔ Bɛ muala bɛ dodo le apenle mɔtwɛ, ɛya nnu abulatwɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 7:8

yɛɛ kɛmɔ bɛ gyima ne si de la, ɔvale ehwili nna nee nlankɛ mɔtwɛ ɔmanle Mɛlɛlae asa azo ne mɔɔ Sɛlɛvolɛ Aalɔn ara nrenya Yetamaa a nea bɛ nwo zo la.

Dwɔhyua Buluku ne 3:6

Akee ɔzele sɛlɛvolɛma ne kɛ, “Bɛva Ngyekyeleɛ Ɛlɛka ne bɛze bɛlumua menli ne anyunlu.” Na bɛyɛle ye zɔhane.