Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:15 - BAEBOLO ANZƐƐ BULUKU NWUANZANWUANZA

¹⁵ Saa mekɛ dwu na bɛlɛfi azokoɛleɛ bie, na Aalɔn nee ɔ mra mrenya ne mɔ boɔboa ninyɛne nwuanzanwuanza ne mɔ anloa, kyekye wie a, ɔwɔ kɛ Kohate abusua ekpulike ne anu amra a soa ɛhye mɔ amuala a. Noko ɔnle kɛ bɛfa bɛ sa bɛka ninyɛne nwuanzanwuanza ne mɔ bie, anrɛɛ bɛkɛwu. “Kohate abusua ekpulike ne gyima mɔɔ la bɛ kɔme zo, wɔ mekɛ biala mɔɔ bɛvi azokoɛleɛ ko bɛlɛtu la, yemɔ ɛne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:15 ပူးပေါင်းရင်းမြစ်များ

2 Sam 15:24

Abayata rale bie, Zeedɔko nee Livaema mɔɔ zo Nyamenle Ngyekyeleɛ Ɛlɛka ne la noko rale. Bɛzokoɛle bɛziele ye aze hɔkpulale mekɛ mɔɔ menli ne amuala wiele se la.

2 Sam 6:13

Mɔɔ menli mɔɔ zo Ɛdɛnkɛma Ngyekyeleɛ Ɛlɛka ne la dule bɛ gyakɛ nsia la, Devidi manle bɛgyinlanle na ɔvale ɛnlankɛ nyinli nee ɛnlankɛ mɔɔ ɛhye kpalɛ la ɔbɔle azu ɔmanle Ɛdɛnkɛma.

1 Arl 8:3

Yizilayɛ adile adile ne mɔ amuala rale na sɛlɛvolɛma ne mɔ ramanle Ɛdɛnkɛma Ngyekyeleɛ Ɛlɛka ne zo

1 Edk 15:15

Livaema ne vale mbaka sosɔle ye na bɛzoale ye bɛ kɔme zo, kɛmɔ Ɛdɛnkɛma luale Mosisi anwo zo hanle la.

1 Edk 15:2

Akee ɔhanle kɛ, “Livaema ala a ɔwɔ kɛ soa Ngyekyeleɛ Ɛlɛka ne a. Awie biala ɛnzoa bie, ɔboalekɛ bɛmɛ yɛɛ Ɛdɛnkɛma yele bɛ kɛ bɛzoa na bɛzonle ye dahuu a.”

1 Edk 23:26

Yemɔti ɔngyia kɛ eza Livaema ne kɛzoa Ɛdɛnkɛma Ndanlɛ Sua ne nee ninyɛne mɔɔ bɛfa bɛyɛ ɛzonlenlɛ la kɛkpɔsa.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:12

Gya anyiane, amaa menli ne ambɔ andɛla, na ka kile bɛ kɛ, ‘Bɛnlea boɛ na bɛ biala anvo boka ne azo anzɛɛ ambikye nwolɛ bɔbɔ. Awie biala mɔɔ kɛzie ɔ ti boka ne anwo la, bɛkɛhu ye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:21

Ɛdɛnkɛma zele Mosisi kɛ, “Sia kɔ aze na bɔ menli ne kɔkɔ, anrɛɛ bɛkɛtele zolɛ kɛ bɛbanlea Ɛdɛnkɛma na bɛ dɔɔnwo awu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 27:7

na fa wulowula azukponle ne tɛbanu nwiɔ ne ngɛba ne mɔ anu na mekɛ biala bɛava bɛazoa.

Sɛlɛ 16:13

Ɛkɛ ne, ɔbava ɛyɛlɛ ne yeagua senle ne anu wɔ Ɛdɛnkɛma anyunlu, amaa ɛyɛlɛ ne esike ne aheda Anwunvɔnezelɛ Ebia ne mɔɔ dua Ngyekyeleɛ Ɛlɛka ne azo la azo, amaa yeannwu ye na yeawu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 1:50

Maa Livaema ne ɛnlea me Ndanlɛ Sua ne, nuhua ninyɛne kɔsɔɔti nee debie biala mɔɔ fane sua ne anwo la azo. Bɛmɛ yɛɛ bɛbazoa Ndanlɛ Sua ne nee nuhua ninyɛne ne mɔ a, bɛbazonle nuhua na bɛayɛ bɛ azokoɛleɛ nwolɛ bɛayia.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 1:51

Mekɛ biala mɔɔ bɛvi azokoɛleɛ ko bɛlɛkɔ azokoɛleɛ fofolɛ la, Livaema ne badudu Ndanlɛ Sua ne ahɔ azokoɛleɛ fofolɛ ne na bɛakpɔnla ye bieko. Awie gyɛne biala mɔɔ kɛbikye Ndanlɛ Sua ne la, bɛhu ye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 10:21

Akee Kohate abusua ekpulike ne mɔɔ soa ninyɛne nwuanzanwuanza ne mɔ la toa bɛ. Saa bɛdwu azokoɛleɛ fofolɛ a, ɔwɔ kɛ bɛkyehyɛ Ɛdɛnkɛma Ndanlɛ Sua ne bɛwie kolaa na Livaema mɔɔ zo ninyɛne nwuanzanwuanza ne mɔ la adwu ɛkɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:3

Bɛbazonle wɔ na bɛayɛ bɛ gyima ne wɔ Ndanlɛ Sua ne anu, noko ɔnle kɛ bɛbikye ninyɛne nwuanzanwuanza ne mɔ mɔɔ wɔ Ɛleka Nwuanzanwuanza ne la, anzɛɛ azukponle ne anrɛɛ bɛkɛhu bɛ nee ɛdawɔ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 3:38

Ɔwɔ kɛ Mosisi nee Aalɔn nee ɔ mra ne mɔ tɛnla Ndanlɛ Sua ne anyunlu wɔ aduduleɛ afoa nu. Bɛmɛ yɛɛ bɛyɛ ɛzonlenlɛ gyima wɔ Ɛleka Nwuanzanwuanza ne bɛmaa Yizilayɛma a. Awie gyɛne biala mɔɔ kɛpele kɛ ɔyɛ bie la, bɛhu ye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:14

Bɛva azukponle ne azo debie biala mɔɔ bɛfa bɛbɔ azu la, senlevalɛ ahyɛnze, faka ne mɔ, azofi nee ahyɛnze kuloonwu ne mɔ bɛgua azukponle ne azo. Akee bɛva nwoma kɛnlɛma bɛheda zolɛ, na bɛva ye mbaka mɔɔ bɛfa bɛsoa la bɛwulowula ye ngɛba ne mɔ anu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:19

Amaa ɛhye anzi la, Aalɔn nee ɔ mra mrenya ne mɔ ɛhile awie biala ye gyima mɔɔ ɔwɔ kɛ ɔyɛ nee ye ɛzonle mɔɔ la ɔ nwo zo la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:20

Noko ɔnle kɛ bɛkɔ Ɛdɛnkɛma Ndanlɛ Sua ne anu kɛ bɛfa bɛ nye mgbane bɔbɔ bɛahɔnlea ninyɛne nwuanzanwuanza ne mɔ bie, anrɛɛ bɛkɛwu.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 7:9

Na Kohate asa azo ne, Mosisi ammaa bɛ bie, ɔboalekɛ bɛmɛ, bɛ gyima ɛdeɛ ne ala a le ninyɛne nwuanzanwuanza ne mɔ mɔɔ bɛsoa bɛ bɛ kɔme zo na bɛnea bɛ gyɛlɛɛnye la.

Mɛla 31:9

Akee Mosisi hɛlɛle mɛla ɛhye na ɔvale ɔmanle Livae abo zo amra ne mɔ mɔɔ le sɛlɛvolɛma, mɔɔ zoale Ɛdɛnkɛma Ngyekyeleɛ Ɛlɛka ne la, nee Yizilayɛ mgbanyima ne mɔ.

Dwɔhyua Buluku ne 4:10

Sɛlɛvolɛma ne gyinlanle azule ne avinli hɔkpulale mekɛ mɔɔ debie biala mɔɔ Ɛdɛnkɛma zele Dwɔhyua kɛ ɔha ɔhile menli ne ɔmaa bɛyɛ la lile munli la. Mosisi a hyehyɛle kɛ anrɛɛ Dwɔhyua ɛyɛ a. Menli ne pɛle azule ne ndɛndɛ.

1 Sam 6:19

Ɛdɛnkɛma manle Bɛte Hyimɛhye menli abulasuu wule, ɔboalekɛ bɛnleanle Ɛdɛnkɛma Ngyekyeleɛ Ɛlɛka ne anu. Na menli ne vale ɛzunlɛ lile nyane, ɔboalekɛ Ɛdɛnkɛma ɛmaa menli ɛzɛkye bɛ avinli.