Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 32:22 - BAEBOLO ANZƐƐ BULUKU NWUANZANWUANZA

²² na ɔkɛva azɛlɛ ne la a, yemɔ ɔwɔ kɛ bɛsia bɛ nzi, ɔboalekɛ bɛwie bɛ gyima ne di bɛmaa Ɛdɛnkɛma nee Yizilayɛma, na azɛlɛ ɛhye bayɛ bɛ agyadeɛ wɔ Ɛdɛnkɛma anyunlu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 32:22 ပူးပေါင်းရင်းမြစ်များ

2 Sam 3:28

Nzinlii mɔɔ Devidi dele la, ɔhanle kɛ, “Medame nee me belemgbunli maanle ye ɛnli fɔlɛ wɔ Ɛdɛnkɛma anyunlu wɔ Abenɛɛ mogya nwo.

Edwɛndolɛ Buluku ne 78:55

Ɔvoanle maanle maanle ɔvile bɛ nye zo; ɔhyɛle azɛlɛ ne ɔmanle bɛvale bɛyɛle bɛ ɛdeɛ, na ɔmanle Yizilayɛma dɛnlanle bɛ azua ne mɔ anu.

Sɛlɛ 14:34

“Saa bɛdwu Keena azɛlɛ ne mɔɔ mefa meamaa bɛayɛ bɛ ɛdeɛ la azo, na memaa ewule kokobɛ tɔ awuke bie anu, wɔ azɛlɛ ne mɔɔ bɛde zolɛ kɛ bɛ ɛdeɛ la azo a,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 32:21

saa ɛlɔnenli biala kɛpɛ Dwɔdan ye kɛhɔho Ɛdɛnkɛma anyunlu toonwo kɔkpula kɛ Ɛdɛnkɛma kɛbɛlɛ ye kpɔvolɛma ne aze

Mɛla 3:20

kɔkpula kɛ Ɛdɛnkɛma kɛmaa bɛ mediema ne mɔ amuala kɛnyia ɛleka kɛdɛnla, kɛmɔ yeyɛ yemaa bɛ la, na bɛkɛnyia azɛlɛ ne mɔɔ Ɛdɛnkɛma bɛ Nyamenle ne ɛva ɛmaa bɛ wɔ Azule Dwɔdan ne anzi lɔ la. Na bɛwie a, akee awie biala azia ahɔva ye azɛlɛ ɛdeɛ ne mɔɔ meva memaa ye la.’

Dwɔhyua Buluku ne 1:15

kɔkpula kɛ bɛkɛva Dwɔdan adɔleɛ azɛlɛ ne mɔɔ Ɛdɛnkɛma bɛ Nyamenle ne ɛva ɛmaa bɛ la, na akee bɛazia bɛaradɛnla bɛdabɛ bɛ azɛlɛ ne mɔɔ Ɛdɛnkɛma sonvolɛ Mosisi vale manle bɛ wɔ Dwɔdan aduduleɛ ɛke la azo.”

Dwɔhyua Buluku ne 10:30

Ɛdɛnkɛma manle Yizilayɛma lile konim na bɛvale suakpole ne na bɛhyele belemgbunli ne noko. Bɛangyakyi sonla ko bɔbɔ; bɛhunle bɛ muala. Na Dwɔhyua yɛle belemgbunli ne kɛ mɔɔ ɔyɛle Gyɛleko belemgbunli ne la.

Dwɔhyua Buluku ne 10:42

Dwɔhyua lile arelemgbunli ɛhye mɔ amuala anwo zo konim, ɔvale bɛ azɛlɛ ne, ɔboalekɛ Ɛdɛnkɛma, Yizilayɛ Nyamenle ne, honle manle Yizilayɛma.

Dwɔhyua Buluku ne 11:23

Dwɔhyua vale azɛlɛ ne amuala, kɛmɔ Ɛdɛnkɛma zele Mosisi la. Dwɔhyua vale azɛlɛ ne manle Yizilayɛma kɛ bɛ ɛdeɛ ɔ na bɛdɛnla zolɛ. Ɔhyɛle nu ngyebangyeba ɔmanle Yizilayɛ mbusua ekpunli ekpunli ne mɔ. Akee Yizilayɛma liele bɛ ɛnwomenle na bɛgyakyile konle.

Dwɔhyua Buluku ne 13:8

Wulubɛn nee Gaade mbusua ekpunli ne mɔ nee Manasɛ abusua ekpunli foa ko ne asa hanle azɛlɛ ne mɔɔ wɔ Azule Dwɔdan ne aduduleɛ la. Mosisi a vale manle bɛ a.

Dwɔhyua Buluku ne 18:1

Yizilayɛma honle vale azɛlɛ ne la, nzinlii bɛ muala bɛyiale Hyaelo na bɛzile Ɛdɛnkɛma Ɛzonlenlɛ Ndanlɛ Sua ne.

Dwɔhyua Buluku ne 2:19

Mɔɔ kɛye ɔ nwo wɔ sua nu ɛke kɛvinde la, ye mogya ɛgua ɔdaye ɔ ti zo; yɛnli nwolɛ ɛzonle. Na saa awie biala mɔɔ nee wɔ wɔ ɛke la anwo bu ɛbonle a, ye mogya ɛgua yɛ ti zo.

Dwɔhyua Buluku ne 22:4

Kɛkala, Ɛdɛnkɛma bɛ Nyamenle ne ɛmaa Yizilayɛma anzo nu ɛdwo bɛ, kɛmɔ ye ɛwɔkɛ ne se la. Yemɔti bɛhɔ sua nu, wɔ azɛlɛ ne mɔɔ bɛ sa ɛha ye la azo, wɔ Dwɔdan aduduleɛ lɔ. Ɛdɛnkɛma sonvolɛ Mosisi a vale manle bɛ a.

Dwɔhyua Buluku ne 22:9

Yemɔti Wulubɛn, Gaade, yɛɛ Manasɛ Aduduleɛ mbusua ekpunli ne mɔ ziale hɔle bɛ maanle nu. Bɛgyakyile Yizilayɛma mɔɔ hale la wɔ Hyaelo, wɔ Keena azɛlɛ zo, na bɛbɔle ɔ bo kɛ bɛkɔ bɛdabɛ bɛ maanle nu wɔ Geleade. Azɛlɛ ɛhye a Ɛdɛnkɛma luale Mosisi anwo zo vale manle bɛ a.