Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:6 - BAEBOLO ANZƐƐ BULUKU NWUANZANWUANZA

⁶ Na Mosisi manle Sɛlɛvolɛ Ɛlieza ara Fenɛhaze lile bɛ ti, na ɔsesale ninyɛne mɔɔ wɔ ɛleka nwuanzanwuanza ne la nee aweɛne ndendenle ne mɔ mɔɔ bɛbɔ bɛfɛlɛ ɛlɔnema ne la na ɔ nee bɛ hɔle.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:6 ပူးပေါင်းရင်းမြစ်များ

2 Sam 11:11

Yulaya buale kɛ, “Nana, Yizilayɛma nee Dwudama wɔ konle nloa. Nyamenle Ngyekyeleɛ Ɛlɛka ne nee bɛ a wɔ lɔ a; me Safohyenle Kpanyinli Dwowabe nee ye boavolɛma la kpatawienyi nu. Duzu ati a ɔwɔ kɛ mame mekɔ sua nu, mekɔdi meno, na me nee me ye da ɛ? Meka ɛ ti metane wɔ kɛ menrɛyɛ nyɛleɛ mɔɔ le zɛhae la fee.”

Ɛzela Buluku ne 7:5

Bɛkae ɔ ze a le Abaehyua, Abaehyua ɔ ze a le Fenɛhase, yɛɛ Fenɛhase ɔ ze a le Ɛlieza, Ɛlieza ɔ ze a le Sɛlɛvolɛma Kpanyinli Aalɔn.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 25:9

Yɛɛ siezie nuhua, kɛmɔ menwɔzi menwɔhile wɔ la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:44

Na bɛhehanle bɛ nwo kɛ bɛkɔ azua mɔɔ gua awoka ne mɔ azo lɔ la azo wɔ mekɛ mɔɔ Ɛdɛnkɛma Ngyekyeleɛ Ɛlɛka ne anzɛɛ Mosisi andu ɔ bo wɔ azokoɛleɛ ne la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:5

Yemɔti bɛ muala bɛ dodo yɛle apenle ngoko bulu nee nwiɔ.

Mɛla 20:2

Saa bɛdwu konle ne anloa a, bɛmaa sɛlɛvolɛma ne ɛpɛ ɛli bɛ nyunlu na bɛ nee ɛlɔnema ne ɛdendɛ na bɛze bɛ kɛ,

Dwɔhyua Buluku ne 22:13

Yizilayɛma zoanle sɛlɛvolɛ Ɛlieza ara Fenɛhaze wɔ Wulubɛn, Gaade, yɛɛ Manasɛ Aduduleɛ mbusua ne mɔ anwo ɛkɛ wɔ Geleade.

1 Sam 14:18

Yemɔti Sɔɔlo zele sɛlɛvolɛ Ahaegya kɛ, “Bɛva Nyamenle Ngyekyeleɛ Ɛlɛka ne bɛrɛla.” (Mekɛ zɔhane ɛnee sɛlɛvolɛ Ahaya lɛ Nyamenle Ngyekyeleɛ Ɛlɛka ne li Yizilayɛma anyunlu.)

1 Sam 23:9

Devidi dele kɛ Sɔɔlo nee ye ɛlɔnema ɛlɛba ɔ nwo zo la, ɔzele sɛlɛvolɛ Abayata kɛ, “Fa yifɔdo ne bɛla.”

1 Sam 4:17

Nrenya ne buale ye kɛ, “Yizilayɛma ɛgua ɛbɔ nu wɔ Filisitiama anyunlu, konle ne sinli nyunlu yɛle ɛzulolɛ; ɛ mra nwiɔ ne, Hɔfenae nee Fenɛhaze ɛdɔ amolɛ nu, bɛhu yɛ ɛlɔnema ne bɔkɔɔ, yɛɛ bɛva Nyamenle Ngyekyeleɛ Ɛlɛka ne donvula.”