Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:3 - BAEBOLO ANZƐƐ BULUKU NWUANZANWUANZA

³ Na Mosisi hanle hilele menli ne kɛ, “Ɛlɔnema mɔɔ wɔ bɛ avinli la ɛboɔboa bɛ nwo na yɛkɔ konle. Yɛkazenra Medeanema wɔ mɔɔ bɛyɛle bɛmanle Ɛdɛnkɛma la anwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:3 ပူးပေါင်းရင်းမြစ်များ

2 Arl 10:30

Na Ɛdɛnkɛma zele Gyihu kɛ, “Kɛmɔ wɔyɛ mɔɔ sɔ me nye na wɔyɛ Ehabe sua nu amra, kɛmɔ mekpondɛ la ati, mebɔ wɔ ɛwɔkɛ kɛ ɛ bo zo amra bali Yizilayɛ ebia ne bie toonwo yeahɔdwu awolɛndoazo nna ne azo.”

2 Arl 9:7

Ɛbahu ɛ menle Ehabe nee ɔ bo zo amra, amaa meanyia adenle meazenra Gyɛzɛbɛle kɛ ɔhunle Ɛdɛnkɛma kpɔmanvolɛma ne mɔ, na ɔhanle me sonvolɛma mogya ɔguale a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 17:16

Ɔse, “Bɛmaa Ɛdɛnkɛma fɛlɛnra ne zo! Ɔvi awolɛndoazo mɔɔ kɔ awolɛndoazo la, Ɛdɛnkɛma baho atia Amalɛkema.”

Gyɛlɛmaya Buluku ne 46:10

Kenle ne le medame Tumivolɛ Awulae Nyamenle me kenle, ɔle nzenralɛlilɛ kenle; mebali me kpɔvolɛma nzenralɛ. Dadeɛ bali bɛ antɛnlɛma; bɛ mogya bavɔ ye soonwu, ɔluakɛ Tumivolɛ Awulae Nyamenle bɔ azu wɔ sɔlɔ maanle nu, wɔ Azule Yufileti ne anloa.

Gyɛlɛmaya Buluku ne 50:28

(Menli vi Babelonia azɛlɛ zo nriandi ba Gyɛlusalɛm, baka kɛ Ɛdɛnkɛma, yɛ Nyamenle ne ɛzi ɛli debie mɔɔ Babeloniama vale yɛle ye Ɛzonlenlɛ Sua ne la anwo nzenralɛ la.)

Sɛlɛ 26:25

Mebamaa ɛlɔnema ara bɛ nwo zo na bɛahu bɛ bɛadua me ngyekyeleɛ ne mɔɔ bɛtulu ye la abo zo. Saa bɛnriandi bɛkɔfea bɛ azuamgbole zo a, mebava ewule meado bɛ nwo, meamaa bɛ kpɔvolɛma asa aha bɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 25:11

“Ɔlua mɔɔ Sɛlɛvolɛ Aalɔn ara Ɛlieza ara Fenɛhaze ɛyɛ la ati, megyakyi Yizilayɛma anwo ɛya ne mɔɔ menvale la anu. Ɔliele me ti nungule ɔhwenle, yemɔti a meambɔ Yizilayɛma abo zo wɔ me ɛyavalɛ nu a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 25:13

ɔdaye nee ɔ bo zo amra bayɛ sɛlɛvolɛma mɔɔ ɛmbɔ aze ɛlɛ a, ɔboalekɛ ɔhwenle ye Nyamenle ne ati nungule ɔvale ɔkpɔdale Yizilayɛma ati.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:4

Bɛye menli apenle ko bɛvi abusua ekpunli biala anu.”

Maanlebuvolɛma Buluku ne 5:2

Bɛye Ɛdɛnkɛma ayɛlɛ! Yizilayɛ mgbanyima dele bɛ kunlu, menli ne yeyele bɛ kunlu honle.

Maanlebuvolɛma Buluku ne 5:23

Ɛdɛnkɛma soanvolɛ ne zele ɔ, “Abule ɛbu Milɔzo, abule ɛbu menli mɔɔ wɔ zo, ɔboalekɛ bɛambamboa Ɛdɛnkɛma, bɛambamboa Ɛdɛnkɛma bɛantia katakyiema.”