Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:28 - BAEBOLO ANZƐƐ BULUKU NWUANZANWUANZA

²⁸ Ɛlɔnema ne afoa nu ɛdeɛ ne, die nwolɛ adwule maa Ɛdɛnkɛma. Menli ɛya nnu biala, bɛye nuhua sonla ko, zɔhane ala yɛɛ bɛyɛ nlankɛ, asoaso, mboane, yɛɛ mbɔnkye ne mɔ a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:28 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 14:20

Ayɛlɛyelɛ ɛha Anwuma Anwuma Nyamenle ne mɔɔ ɛye wɔ kpɔvolɛma ne ɛmaa wɔli bɛ nwo zo konim la.” Na Ebilam hyɛle debie biala mɔɔ ɔnyianle la anu bulu na ɔdule ɛkpɔ ko ɔmanle Mɛlekezɛdɛke.

1 Edk 18:11

Belemgbunli Devidi dule ninyɛne ɛhye mɔ ziele ahane kɛ bɛva bɛboka ezukoa nvutuke nee dwɛtɛ fufule mɔɔ ɔzale maanle maanle mɔɔ ɔlile bɛ nwo zo konim la ɔliele la anwo bɛva bɛzonle Nyamenle. Ɔliele ezukoa nvutuke ne nee dwɛtɛ fufule ne mɔ ɔvile maanle maanle ɛhye mɔ ɛkɛ: Yidɔm, Mowabe, Amɔn, Filisitia, yɛɛ Amalɛke.

2 Edk 15:11

Kenle ko ne bɛbɔle azu bɛmanle Ɛdɛnkɛma. Ninyɛne mɔɔ bɛnyianle bɛ wɔ bɛ konle ne mɔ anu la, bɛvale nuhua nlankɛ ɛya nsuu nee mboane apenle nsuu bɛbɔle azu ne.

Ayezaya Buluku ne 18:7

Mekɛ ne anu menli ndendenle anwo fɛlɛko mɔɔ ewiade amra sulo bɛ, na bɛle maanle anwo ɛzulolɛ mɔɔ di konim wɔ konle nu, mɔɔ azule dɔɔnwo ɛgyigya bɛ azɛlɛ ne anu la bava ahyɛlɛ ninyɛne arɛlɛ Tumivolɛ Ɛdɛnkɛma wɔ Zayɔn Boka, ɛleka mɔɔ bɛsonle Tumivolɛ Ɛdɛnkɛma la.

Ayezaya Buluku ne 23:18

Ye gualilɛ ninyɛne nee mɔɔ ɔkɛnyia bɛ wɔ ɛkpa ɛbɔlɛ nu la, bɛbadu bɛamaa Ɛdɛnkɛma. Bɛnrɛva bɛnrɛzie yɛɛ bɛnrɛva bɛnrɛvea. Ye gualilɛ ninyɛne bamaa yeanyia aleɛ dɔɔnwo nee ndanlɛ ngɛnlɛma yeamaa bɛdabɛ mɔɔ bɛsonle Ɛdɛnkɛma la.

Ayezaya Buluku ne 60:9

Ɔluakɛ moa moa maanle maanle bahendɛ me, Tahyehye meli ne mɔ a balumua Ava bɛ mra mrenya ne mɔ avi moa moa ara a; Bɛbava dwɛtɛ fufule nee ezukoa nvutuke bɛara. Bɛbava bɛarɛlɛ Ɛdɛnkɛma bɛ Nyamenle ne, Bɛbava bɛarɛlɛ Yizilayɛ Nwuanzanwuanza Ko ne, Ɔboalekɛ yemaa bɛ nyunlu ɛra anyia.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:21

Ɛdɛnkɛma zele kɛ, “Meva debie biala ngyɛnu bulu ɛkpɔ ko ne mɔɔ Yizilayɛma kɛva kɛrɛlɛ me la memaa Livaema. Ɛhye le gyima mɔɔ bɛyɛ wɔ Ndanlɛ Sua ne anu la kakɛdualɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:26

“Ka kile Livaema kɛ saa bɛ sa ka Yizilayɛma ngyɛnu bulu ɛkpɔ ngoko ne mɔ mɔɔ Ɛdɛnkɛma se ɔle bɛ ɛdeɛ la a, bɛdabɛ noko bɛhyɛ nu bulu bɛdu ɛkpɔ ko bɛyɛ azubɔdeɛ bɛmaa Ɛdɛnkɛma kɛ ahyɛlɛdeɛ mɔɔ sonle bolɛ la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:29

Bɛva bɛmaa Sɛlɛvolɛ Ɛlieza bɛmaa ɔva ɔyɛ azubɔdeɛ ɔmaa Ɛdɛnkɛma.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:30

Yizilayɛma mɔɔ ɛha la afoa nu ɛdeɛ ne, menli abulanlu biala, bɛye nuhua ko, zɔhane ala yɛɛ bɛyɛ nlankɛ, asoaso, mboane, yɛɛ mbɔnkye ne mɔ a. Bɛva bɛmaa Livaema mɔɔ nea Ɛdɛnkɛma Ndanlɛ Sua ne la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:47

Na kɛmɔ Ɛdɛnkɛma zele la, Mosisi vale menli abulanlu biala anu ko yɛɛ nyɛmoa abulanlu biala anu ko manle Livaema mɔɔ nea Ɛdɛnkɛma Ndanlɛ Sua ne la.

Edwɛkpa ne kɛmɔ Mateyu hɛlɛle la 22:21

Bɛzele kɛ, “Siza ɔ.” Gyisɛse zele bɛ kɛ, “Ɛnee bɛva mɔɔ le Siza ɛdeɛ la bɛmaa ye ɛ, na bɛva mɔɔ le Nyamenle ɛdeɛ noko la bɛmaa ye.”

Dwɔhyua Buluku ne 6:19

Debie biala mɔɔ bɛva dwɛtɛ fufule, ezukoa nvutuke, kɔbele anzɛɛ bulalɛ bɛyɛ la, bɛva bɛzie ɛkɛ bɛmaa Ɛdɛnkɛma. Bɛva zɔhane ninyɛne ne mɔ bɛhɔgua Ɛdɛnkɛma gya ne anu.”

Dwɔhyua Buluku ne 6:24

Akee bɛdole senle suakpole ne azo bɛyelale ye boka debie biala mɔɔ wɔ zolɛ la. Ninyɛne mɔɔ bɛva ezukoa nvutuke, dwɛtɛ fufule, kɔbele anzɛɛ bulalɛ bɛyɛ la, bɛvale bɛ muala bɛraguale Ɛdɛnkɛma gya ne anu.

Dwɔhyua Buluku ne 9:27

Na ɔyɛle bɛ ahanra ɔmanle bɛzoale ɛyɛne nee nzule bɛmanle Yizilayɛma na bɛvale bie bɛhɔle ɛleka mɔɔ Ɛdɛnkɛma azukponle ne wɔ la. Ɛnɛ nee ɛnɛ ala bɛtɛdi zɔhane gyima ne wɔ ɛleka mɔɔ Ɛdɛnkɛma kɛhile kɛ bɛzonle ye la.