Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:15 - BAEBOLO ANZƐƐ BULUKU NWUANZANWUANZA

¹⁵ Mosisi bizale bɛ kɛ, “Duzu ati a bɛgyakyi mraalɛ ne mɔ kɔsɔɔti ɛ?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:15 ပူးပေါင်းရင်းမြစ်များ

Gyɛlɛmaya Buluku ne 48:10

(Munzule ɛha sonla mɔɔ ɛnyeye ɔ ti anu ɛnyɛ Ɛdɛnkɛma gyima la! Munzule ɛha sonla mɔɔ ɛnva ye dadeɛ ne ɛnga mogya ɛngua la!)

Yizikeɛle Buluku ne 9:6

Bɛhu mrenya mgbanyinli, mgbavolɛ nee mbɛlɛra, ngakula nee mraalɛ kɔsɔɔti, noko bɛmmafa bɛ sa bɛka awie biala mɔɔ lɛ nzonlɛ ne wɔ ɔ nwoma azo la. Bɛbɔ ɔ bo wɔ me ɛleka nwuanzanwuanza ne.” Yemɔti bɛbɔle ɔ bo wɔ mgbanyima ne mɔ mɔɔ gyi Ɛzonlenlɛ Sua ne anyunlu la anwo zo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:14

Na Mosisi vale mgbanyinli mɔɔ nea ɛlɔnema ne anwo zo la, safohyenlema mɔɔ nea ɛlɔnema apenle apenle nwo zo nee safohyenlema mɔɔ nea ɛlɔnema ɛya ɛya nwo zo mɔɔ vi konle ne anloa ɛra la anwo ɛya.

Mɛla 2:34

Yɛhonle yɛvale ye azuamgbole ne mɔ amuala, wɔ mekɛ ne anu na yɛbɔle suakpole biala, yɛhunle menli mɔɔ wɔ zolɛ la, mrenya, mraalɛ, nee ngakula kɔsɔɔti. Yɛangyakyi ko bɔbɔ.

Mɛla 20:13

na saa Ɛdɛnkɛma bɛ Nyamenle ne fa suakpole ne maa bɛ ɔmaa bɛdi bɛ nwo zo konim a, bɛhu mrenya mɔɔ wɔ zolɛ la amuala,

Mɛla 20:14

na bɛva ngakula, mraalɛ, nlankɛ, nee debie biala mɔɔ bɛkɛnyia ye wɔ suakpole ne azo la. Debie biala mɔɔ le bɛ kpɔvolɛma ne ɛdeɛ la, bɛva, ɔluakɛ Ɛdɛnkɛma bɛ Nyamenle ne a ɛva ɛmaa bɛ a.

Dwɔhyua Buluku ne 10:40

Dwɔhyua honle vale maanle ne amuala. Arelemgbunli mɔɔ wɔ maanle ne anu awoka ne mɔ azo, nee mɔɔ wɔ aduduleɛ ndololeɛ ne mɔ anu, nee mɔɔ wɔ adɔleɛ awoka ne mɔ azo, nee bɛdabɛ mɔɔ bɛwɔ nyiakɛ maanle ne mɔ anu la amuala; yeanvavi sonla ko bɔbɔ; ɔhunle awie biala, kɛmɔ Ɛdɛnkɛma, Yizilayɛ Nyamenle ne zele kɛ bɛyɛ la.

Dwɔhyua Buluku ne 11:14

Yizilayɛma ne vale ninyɛne mɔɔ anwo hyia nee nyɛmoa mɔɔ wɔ azuamgbole ne mɔ azo la. Na bɛhunle awie biala; ko bɔbɔ anga.

Dwɔhyua Buluku ne 6:21

Bɛhunle awie biala mɔɔ wɔ suakpole ne azo la, mrenya nee mraalɛ, ngakula nee mgbanyinli. Eza bɛhunle nlankɛ, mboane, yɛɛ asoaso muala.

Dwɔhyua Buluku ne 8:25

Dwɔhyua dendenle ye atwɛ ne wɔ Eyae la, yeando ye aze toonwo ɔhɔkpulale kɛ bɛhunle awie biala mɔɔ wɔ suakpole ne azo la. Bɛhunle awie biala mɔɔ wɔ Eyae la, mrenya nee mraalɛ kɔsɔɔti, na bɛ muala bɛlua apenle ngoko bulu nee nwiɔ.

1 Sam 15:3

Yemɔti kɔ na kɔhu Amalɛkema kɔsɔɔti, sɛkye bɛ debie biala mɔɔ bɛlɛ la, mmagyakyi debie biala fee; ku mrenya nee mraalɛ, ngakula nee nlɔma, nlankɛ nee mboane, afunlumu nee asoaso kɔsɔɔti. Mmagyakyi ko bɔbɔ.’ ”