Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:14 - BAEBOLO ANZƐƐ BULUKU NWUANZANWUANZA

¹⁴ Na Mosisi vale mgbanyinli mɔɔ nea ɛlɔnema ne anwo zo la, safohyenlema mɔɔ nea ɛlɔnema apenle apenle nwo zo nee safohyenlema mɔɔ nea ɛlɔnema ɛya ɛya nwo zo mɔɔ vi konle ne anloa ɛra la anwo ɛya.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:14 ပူးပေါင်းရင်းမြစ်များ

2 Sam 18:1

Akee Devidi boɔboale ye ɛlɔnema ne anloa. Ɔhyɛle bɛ nuhua ekpunli ekpunli apenle apenle nee ɛya ɛya na ɔmanle bɛ safohyenlema mɔɔ nea bɛ nwo zo a.

1 Arl 20:42

Nyamenle kpɔmanvolɛ ne zele belemgbunli ne kɛ, “Kɛ Ɛdɛnkɛma se la ɛne, ‘Wɔmaa sonla ne mɔɔ meha kɛ bɛhu ye la ɛnriandi, yemɔti ɛbava wɔ ngoane wɔadua. Eza wɔmaa ye ɛlɔnema ne mɔɔ ɔwɔ kɛ bɛsɛkye bɛ la ɛvi ɛsalɛ, yemɔti, ɔwɔ kɛ bɛsɛkye wɔ ɛlɔnema ɛdeɛ ne.’ ”

2 Arl 13:19

Yilaehya vale ɔ nwo ɛya na ɔzele kɛ, “Anrɛɛ ɔwɔ kɛ ɛfi ye aze fane nnu anzɛɛ nsia; anrɛɛ ɛnee wɔzɛkye Seleama wɔwie ala ɛne, mɔɔ bɛ bo zo ɔwɔ kɛ minli bɔkɔɔ a. Kɛkala ɛdeɛ, ɛbali Seleama anwo zo konim fane nsa ala.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:19

Mɔɔ Mosisi bikyele azokoɛleɛ ne na ɔnwunle ɛnlankɛ nyinli ananze ne nee nwolɛ agolezilɛ ne la, ye ahonle futule kpole kpalɛ. Ye ɛya ne bole ɔ nwo zo manle ɔvuandinle awolɛ ndɛbandɛba ne mɔ mɔɔ Mɛla Bulu ne wɔ zolɛ la ɔguale boka ne abo aze ɔbubule bɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:22

Na Aalɔn zele ye kɛ, “Me menle, mmafa me nwo ɛya. Ɛdawɔ ɛze kɛ ɛtane ala a wɔ menli ne adwenle nu a.

Sɛlɛ 10:16

Akee Mosisi bizebizale abɔnkye ne mɔɔ bɛvale bɛyɛle ɛtane azubɔdeɛ ne la anwo edwɛkɛ kpalɛ, na ɔnwunle kɛ bɛyelale ye. Ɔvale Aalɔn amra mrenya ne mɔ mɔɔ ɛha la, Ɛlieza nee Yetamaa anwo ɛya na ɔbizale bɛ kɛ,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:3

(Nɔhalɛ nu, Mosisi le bɛlɛvolɛ. Ɔle bɛlɛvolɛ ɔtɛla dasanli biala mɔɔ wɔ aleɛabo la.)

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:13

Mosisi nee Sɛlɛvolɛ Ɛlieza nee mgbanyima ne mɔ dule bɛ bo wɔ azokoɛleɛ ne hɔyiale ɛlɔnema ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:15

Mosisi bizale bɛ kɛ, “Duzu ati a bɛgyakyi mraalɛ ne mɔ kɔsɔɔti ɛ?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:48

Akee safohyenle mgbanyinli mɔɔ nea ɛlɔnema apenle apenle nwo zo, nee safohyenlema mɔɔ nea ɛlɔnema ɛya ɛya nwo zo la hɔle Mosisi anwo ɛkɛ

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:26

Saa ɛfa ɛya a, mmamaa ɔfa wɔ ɔkɔ ɛtane nu; eza mmamaa sɛnzɛne ne tɔ wɔ ɛya zo.

1 Sam 8:12

Ɔbayɛ bie mɔ ɛlɔnema apenle nwo zo safohyenlema, yɛɛ bie mɔ noko bayɛ ɛlɔnema abulanlu nwo zo safohyenlema. Bɛ mra mrenya ne mɔ bayɛ ye ɛyazonlɛma, bie mɔ babu ye ɛya ne mɔ anu bɛyɔba ne, na bie mɔ ayɛ ye konle ehwili ne mɔ anwo ninyɛne nee adu.