Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 29:39 - BAEBOLO ANZƐƐ BULUKU NWUANZANWUANZA

³⁹ “Saa ɛvoyialilɛ ne mɔ dwu zo a, bɛva bɛ azubɔdeɛ ɛhye mɔ bɛboka bɛ ɛwɔkɛyelɛ, ahunlunyele, ɛyelalɛ, ma nee nwanye, yɛɛ anzonudwolɛ azubɔdeɛ ne mɔ bɛmaa Ɛdɛnkɛma.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 29:39 ပူးပေါင်းရင်းမြစ်များ

1 Edk 23:31

nee mekɛ biala mɔɔ bɛlɛyela nane bɛabɔ azu bɛamaa Ɛdɛnkɛma wɔ Ɛnwomenlelielɛ Kenle, Siane Fofolɛ Ɛvoyialilɛ, nee ɛvoyia mɔɔ ɛha la ɛlilɛ nu la. Bɛyɛle ngyehyɛlɛ mɔɔ kile Livaema dodo mɔɔ ɔwɔ kɛ yɛ gyima wɔ Ɛdɛnkɛma ɛzonlenlɛ nu mekɛ biala a.

2 Edk 31:14

Livaenli Yemena mɔɔ sinza Aduduleɛ Anlenkɛ Kpole ne la ara Kɔli a nea azubɔlɛ ninyɛne ne mɔ mɔɔ bɛyeyele bɛ ahonle nu bɛvale bɛrɛlɛle Nyamenle la azo a, na ɔnea ɔfa mɔɔ bɛva bɛzie ahane bɛmaa Ɛdɛnkɛma la ɔsie, na ɔfa mɔɔ bɛfa bɛabɔ azu nwuanzanwuanza la ɔmaa.

2 Edk 31:3

Belemgbunli afoa nu ɛdeɛ a le kɛ, ɔvale nane ɔmanle bɛvale bɛbɔle nwonlomɔ nee nɔsolɛ ɛyelalɛ azu ne mɔ, nee Ɛnwomenlelielɛ Kenle ɛyelalɛ azu ne mɔ, Siane Fofolɛ Ɛvoyialilɛ azu ne mɔ, nee ɛvoyia mɔɔ ɛha la azu ne mɔ, kɛmɔ bɛhɛlɛ bɛ wɔ Ɛdɛnkɛma Mɛla Buluku ne anu la.

Ɛzela Buluku ne 3:4

Akee bɛlile Kpɔda Bo Ɛdɛnlanlɛ Ɛvoyia ne, kɛmɔ bɛhɛlɛ bɛdo ɛkɛ ne la, bɛyelale nane bɛbɔle azu dahuu biala, kɛmɔ ngyehyɛlɛ ne kile la.

Ɛzela Buluku ne 3:5

Eza bɛyelale nane bɛbɔle azu ngakyile ngakyile ne mɔ, Siane Fofolɛ azubɔlɛ nee azu ngakyile mɔɔ ɛha mɔɔ ɔwɔ kɛ bɛbɔ bɛmaa Ɛdɛnkɛma dahuu la amuala. Eza bɛvale awie biala ɔdaye ye ahunlundwolɛ ahyɛlɛdeɛ mɔɔ ɔvale ɔrale la bɛbɔle azu bɛmanle Ɛdɛnkɛma.

Nihɛmaya Buluku ne 10:33

Yɛbava ninyɛne yɛara yɛamaa bɛava bɛayɛ ɛhye mɔ wɔ Ɛzonlenlɛ Sua ne anu bɛamaa Nyamenle: kpanwo nwuanzanwuanza ne, dahuu aleɛ ma azubɔdeɛ ne, nane mɔɔ kenle ko biala bɛbayela bɛabɔ azu la, Ɛnwomenlelielɛ Kenle ne azubɔlɛ ninyɛne, Siane Fofolɛ ɛvoyialilɛ ninyɛne, yɛɛ azubɔlɛ nwuanzanwuanza mɔɔ ɛha la anwo ninyɛne, azubɔlɛ mɔɔ bɛfa bɛanrinzi Yizilayɛma ɛtane ne mɔ la anwo ninyɛne, yɛɛ debie biala mɔɔ bɛhyia nwolɛ wɔ Ɛzonlenlɛ Sua ne anu la.

Ayezaya Buluku ne 1:14

Mekyi bɛ Siane Fofolɛ Ɛvoyialilɛ ne nee bɛ ɛvoyia mɔɔ ɛha la kɔsɔɔti. Bɛbu me kɔme, mengola bɛ soa bieko.

Sɛlɛ 23:2

“Ka kile Yizilayɛma kɛ, Ɛdɛnkɛma ɛvoyia ne mɔ, mɔɔ le medame me ɛvoyia ne mɔ mɔɔ le nwuanzanwuanza la a le ɛhye mɔ.

Sɛlɛ 23:28

Ɔnle kɛ bɛyɛ gyima biala kenle ko ne, ɔluakɛ ɔle mgbɔdalɛlilɛ kenle mɔɔ bɛyɛ mgbɔdalɛ nzɛlɛlɛ bɛmaa bɛ wɔ Ɛdɛnkɛma bɛ Nyamenle ne anyunlu a.

Sɛlɛ 23:38

bɛboka Ɛdɛnkɛma Ɛnwomenlelielɛ Kenle ne mɔ anwo, na bɛfa bɛ ahyɛlɛdeɛ ngakyile ne mɔ, bɛ ɛwɔkɛyelɛ azubɔdeɛ ne mɔ, yɛɛ bɛ ahonle fufule nu azubɔdeɛ ne mɔ bɛmaa Ɛdɛnkɛma.)

Sɛlɛ 7:11

“Anzonudwolɛ azubɔdeɛ mɔɔ bɛfa bɛabɔ azu bɛamaa Ɛdɛnkɛma la anwo mɛla ɛne:

Emɔzo Buluku ne 5:22

Bɛfa bɛ ɛyelalɛ azubɔdeɛ nee bɛ ma azubɔdeɛ ne mɔ bɛba bɔbɔ ɛdeɛ, noko menrɛlie, yɛɛ menrɛnlea bɛ nane dɔlera anzonudwolɛ azubɔdeɛ ne mɔ bɔbɔ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:2

“Ka kile Yizilayɛma kɛ, ‘Me azubɔlɛ ne, aleɛ mɔɔ bɛfa bɛabɔ ɛyelalɛ azu mɔɔ sɔ me nye bɛamaa me la, bɛyɛ bɛ wɔ bɛ mekɛ nloa.’

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 29:40

Yemɔti Mosisi hanle edwɛkɛ biala mɔɔ Ɛdɛnkɛma hanle hilele ye la hilele Yizilayɛma ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:21

“Ɛhye mɔ a le menli mɔɔ tu bɛ nwo sie ɛkɛ maa Ɛdɛnkɛma la ngyehyɛlɛ a, na saa awie tu ɔ nwo azie ɛkɛ amaa Ɛdɛnkɛma, na ɔbɔ ɛwɔkɛ bie, na mekɛ ne dwu a, ɔwɔ kɛ ɔye ɛwɔkɛ ne ɔboka ngyehyɛlɛ mɔɔ wɔ ɛkɛ ne la anwo.”

1 Kɔl 10:31

Bɛdie ɛ. Debie biala mɔɔ bɛyɛ la, saa aleɛ a bɛdi o, saa nzule a bɛno o, bɛyɛ bɛde Nyamenle anyunlu.

Mɛla 12:6

Ɛkɛ ne yɛɛ bɛbava bɛ ɛyelalɛ azubɔlɛ ninyɛne ne mɔ bɛahɔ a. Bɛbava bɛ azubɔlɛ ninyɛne ngakyile kɔsɔɔti, bɛ ngyɛnu bulu ɛkpɔ ngoko ne mɔ nee azubɔdeɛ biala, bɛ ahyɛlɛ ninyɛne, azubɔdeɛ mɔɔ bɛkɛyeye bɛ ahonle nu bɛkɛva bɛkɛmaa, yɛɛ bɛ nyɛmoa mralɛ mɔɔ bɛkɛlumua bɛkɛwo bɛ la noko bɛahɔ ɛkɛ.