Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:31 - BAEBOLO ANZƐƐ BULUKU NWUANZANWUANZA

³¹ Bɛyɛ ɛhye mɔ nee nwanye azubɔdeɛ ne bɛboka dahudahu ɛyelalɛ azubɔdeɛ ne nee ma azubɔdeɛ ne anwo. Bɛnlea kɛ nane ne mɔ anwo ɛnlɛ dɛne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:31 ပူးပေါင်းရင်းမြစ်များ

2 Edk 35:12

Akee bɛhyɛle nane ne mɔ mɔɔ bɛfa bɛabɔ ɛyelalɛ azu ne la bɛmanle menli ne, kɛmɔ bɛ mbusua ekpulike ekpulike ne mɔ de la, amaa bɛava bɛabɔ azu bɛamaa Ɛdɛnkɛma, kɛmɔ bɛhɛlɛ wɔ Mosisi Mɛla buluku ne anu la. Zɔhane ala noko yɛɛ bɛyɛle nlankɛ ne mɔ a.

Sɛlɛ 1:3

Saa ɔfa ɛnlankɛ yeabɔ ɛyelalɛ azu a, ɔwɔ kɛ ɔfa nyinli mɔɔ anwo ɛnlɛ dɛne la. Ɔwɔ kɛ ɔfa ɔbagyinla Ɛdɛnkɛma Ndanlɛ Sua ne anuhɔlɛ ne, amaa Ɛdɛnkɛma alie ɔdaye mumua ne ado nu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:19

Bɛva nlankɛ nyinli ndonrandonra nwiɔ, boane nyinli ko, yɛɛ mboane nyinli ndonrandonra nsuu mɔɔ ɛli ɛvolɛ ngoko na bɛ nwo ɛnlɛ dɛne la bɛbɔ ɛyelalɛ azu bɛmaa Ɛdɛnkɛma.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:3

“Ka kile bɛ kɛ, ɛyelalɛ azubɔdeɛ ɛhye mɔ a bɛva bɛrɛlɛ Ɛdɛnkɛma a: Kenle ko biala bɛva mboane mralɛ nyinli nwiɔ mɔɔ ɛli ɛvolɛ ngoko, mɔɔ anwo ɛnlɛ dɛne la bɛbɔ azu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:30

Eza bɛbɔ menli ne ati bɛva abɔnkye nyinli ko bɛyɛ ɛtane azubɔdeɛ bɛyɛ mgbɔdalɛ nzɛlɛlɛ bɛmaa bɛ.