Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:28 - BAEBOLO ANZƐƐ BULUKU NWUANZANWUANZA

²⁸ Bɛ ma azubɔdeɛ ne, bɛva esamo mɔɔ bɛva ɔlivi nwole bɛfɔtɔ la: ɛnlankɛ nyinli ko biala, bɛva esamo kilo nsa, boane nyinli ko biala, bɛva esamo kilo nwiɔ,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:28 ပူးပေါင်းရင်းမြစ်များ

2 Edk 23:18

Na Gyɛhɔyada manle menli zinzale Ɛzonlenlɛ Sua ne na ɔvale bɛ ɔwulale sɛlɛvolɛma nee Livaema mɔɔ Devidi hyehyɛle kɛ bɛnlea Ɛzonlenlɛ Sua ne gyimayɛlɛ zo la asa anu. Akee ɔzele bɛ kɛ bɛbɔ ɛyelalɛ azu bɛmaa Ɛdɛnkɛma, kɛmɔ bɛhɛlɛ ye wɔ Mosisi mɛla ne anu la, na bɛdo edwɛne bɛmaa bɛ nye ɛlie, kɛmɔ Belemgbunli Devidi hyehyɛle la.

2 Edk 31:3

Belemgbunli afoa nu ɛdeɛ a le kɛ, ɔvale nane ɔmanle bɛvale bɛbɔle nwonlomɔ nee nɔsolɛ ɛyelalɛ azu ne mɔ, nee Ɛnwomenlelielɛ Kenle ɛyelalɛ azu ne mɔ, Siane Fofolɛ Ɛvoyialilɛ azu ne mɔ, nee ɛvoyia mɔɔ ɛha la azu ne mɔ, kɛmɔ bɛhɛlɛ bɛ wɔ Ɛdɛnkɛma Mɛla Buluku ne anu la.

Ɛzela Buluku ne 3:2

Na Gyɛhozadake ara nrenya Dwɔhyua, nee ɔ gɔnwo mɔ sɛlɛvolɛma ne, nee Hyialeteɛle ara Zɛlɛbabɛle nee ye mbusuafoɔ zile Yizilayɛ Nyamenle ne azukponle ne bieko, amaa bɛayela nane zolɛ bɛabɔ azu bɛamaa Nyamenle, kɛmɔ bɛhɛlɛ ye wɔ Nyamenle sonla Mosisi Mɛla ne anu la.

Gyɛlɛmaya Buluku ne 48:35

Mebadua Mowabema kpunli mɔɔ bɛmbɔ azu anzɛɛ bɛmkpu ɛyɛlɛ bɛmmaa bɛ nyamenle ne mɔ wɔ bɛ ɛzonlenlɛ ɛleka ne mɔ a. Medame Ɛdɛnkɛma a mese a.

Yizikeɛle Buluku ne 45:17

Ɔle belemgbunli ne gyima kɛ ɔwɔ kɛ ɔfa ɛyelalɛ azubɔdeɛ ne mɔ, ma azubɔdeɛ ne mɔ nee nza azubɔdeɛ ne mɔ ɔmaa, wɔ ɛvoyia ne mɔ ɛlilɛ nu. Ɛvoyia ne mɔ a le Siane fofolɛ nee Ɛnwomenlelielɛ Kenle ne mɔ, nee ɛvoyia mɔɔ ɛha mɔɔ Yizilayɛma di la. Ɔwɔ kɛ ɔfa ɛtane azubɔdeɛ ne mɔ, ma azubɔdeɛ ne mɔ, ɛyelalɛ azubɔdeɛ ne mɔ nee anzonudwolɛ azubɔdeɛ ne mɔ ɔmaa na bɛfa bɛyɛ Yizilayɛma ati mgbɔdalɛ nzɛlɛlɛ.”

Sɛlɛ 14:10

“Kenle mɔtwɛ ne azo, ɔwɔ kɛ ɔfa mboane nyinli nwiɔ mɔɔ anwo ɛnlɛ dɛne la, boane belɛ ko mɔɔ ɛli ɛvolɛ ko na ɔ nwo ɛnlɛ dɛne la, ma azubɔdeɛ mɔɔ bɛdi bɛyɛ ye esamo na bɛva ɔlivi nwole bɛfɔtɔ la kilo nsa, yɛɛ ɔlivi nwole toba foa ko ɔbɛlɛ sɛlɛvolɛ ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:27

Bɛbɔ ɛyelalɛ azu mɔɔ ye evuanlɛ sɔ Ɛdɛnkɛma anye la bɛmaa Ɛdɛnkɛma. Bɛva nlankɛ nyinli ndonrandonra nwiɔ, boane nyinli ko, yɛɛ mboane nyinli ndonrandonra mɔɔ ɛli ɛvolɛ ngoko na bɛ nwo ɛnlɛ dɛne la nsuu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:29

yɛɛ boane edonraa ko biala, bɛva esamo kilo ko.