Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:2 - BAEBOLO ANZƐƐ BULUKU NWUANZANWUANZA

² “Ka kile Yizilayɛma kɛ, ‘Me azubɔlɛ ne, aleɛ mɔɔ bɛfa bɛabɔ ɛyelalɛ azu mɔɔ sɔ me nye bɛamaa me la, bɛyɛ bɛ wɔ bɛ mekɛ nloa.’

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 8:21

Nowa azu ne zɔle Ɛdɛnkɛma anye, na ɔzele kɛ, “Ɔvi ɛnɛ mɔɔ kɔ la menrɛdoa sonla nyɛleɛ menrɛmaa munzule mɔɔ le zɛhae la ɛnrɛha azɛlɛ ye bieko; menrɛzɛkye ewiade abɔdeɛ muala, kɛmɔ meyɛ la bieko. Meze kɛ sonla yemɔ, ye ngakula nu amuala ɛnee ye adwenle nee ye ahonle nu le bile.

1 Edk 23:31

nee mekɛ biala mɔɔ bɛlɛyela nane bɛabɔ azu bɛamaa Ɛdɛnkɛma wɔ Ɛnwomenlelielɛ Kenle, Siane Fofolɛ Ɛvoyialilɛ, nee ɛvoyia mɔɔ ɛha la ɛlilɛ nu la. Bɛyɛle ngyehyɛlɛ mɔɔ kile Livaema dodo mɔɔ ɔwɔ kɛ yɛ gyima wɔ Ɛdɛnkɛma ɛzonlenlɛ nu mekɛ biala a.

2 Edk 23:18

Na Gyɛhɔyada manle menli zinzale Ɛzonlenlɛ Sua ne na ɔvale bɛ ɔwulale sɛlɛvolɛma nee Livaema mɔɔ Devidi hyehyɛle kɛ bɛnlea Ɛzonlenlɛ Sua ne gyimayɛlɛ zo la asa anu. Akee ɔzele bɛ kɛ bɛbɔ ɛyelalɛ azu bɛmaa Ɛdɛnkɛma, kɛmɔ bɛhɛlɛ ye wɔ Mosisi mɛla ne anu la, na bɛdo edwɛne bɛmaa bɛ nye ɛlie, kɛmɔ Belemgbunli Devidi hyehyɛle la.

2 Edk 31:3

Belemgbunli afoa nu ɛdeɛ a le kɛ, ɔvale nane ɔmanle bɛvale bɛbɔle nwonlomɔ nee nɔsolɛ ɛyelalɛ azu ne mɔ, nee Ɛnwomenlelielɛ Kenle ɛyelalɛ azu ne mɔ, Siane Fofolɛ Ɛvoyialilɛ azu ne mɔ, nee ɛvoyia mɔɔ ɛha la azu ne mɔ, kɛmɔ bɛhɛlɛ bɛ wɔ Ɛdɛnkɛma Mɛla Buluku ne anu la.

Ɛzela Buluku ne 3:2

Na Gyɛhozadake ara nrenya Dwɔhyua, nee ɔ gɔnwo mɔ sɛlɛvolɛma ne, nee Hyialeteɛle ara Zɛlɛbabɛle nee ye mbusuafoɔ zile Yizilayɛ Nyamenle ne azukponle ne bieko, amaa bɛayela nane zolɛ bɛabɔ azu bɛamaa Nyamenle, kɛmɔ bɛhɛlɛ ye wɔ Nyamenle sonla Mosisi Mɛla ne anu la.

Ɛzela Buluku ne 3:3

Ɛnee bɛsulo menli mɔɔ wɔ maanle ne anu la ɛdeɛ, noko bɛzile azukponle ne wɔ ɔ bo zo ne ala. Na bɛyelale nane wɔ zolɛ bɛbɔle azu bɛmanle Ɛdɛnkɛma nwonlomɔ nee nɔsolɛ biala.

Nihɛmaya Buluku ne 10:34

Ɛvolɛ biala, yɛdayɛ Yizilayɛma, sɛlɛvolɛma, yɛɛ Livaema, yɛbagua nzeleba yɛanwu mbusua mɔɔ ɔwɔ kɛ fa ɛyɛne ba maa bɛfa bɛyela nyɛmoa mɔɔ bɛfa bɛabɔ azu bɛamaa Ɛdɛnkɛma yɛ Nyamenle ne, kɛmɔ mɛla ne kile la.

Edwɛndolɛ Buluku ne 81:3

Siane ne fi fofolɛ a bɛwu aweɛne tendenle ne anu, siane ne yɛ mumua a bɛwu nu bɛli ɛvoyia ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:15

“Bɛli Angye Ɛvoyia ne wɔ siane Ebebe ne anu, kɛmɔ menzele bɛ la. Bɛbali kpanwo mɔɔ mgbɔvonle ɛnle nu la kenle nsuu, ɔluakɛ siane ɛhye anu a bɛvile Yigyibiti a. Biala mmafa ɔ sa mgbane ba me nyunlu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:18

Yela boane ne mumua wɔ azukponle ne azo bɔ azu maa medame Ɛdɛnkɛma. Azubɔlɛ ɛhye mɔɔ bɛfa senle bɛbɔ bɛmaa Ɛdɛnkɛma la sɔ me nye.

Yizikeɛle Buluku ne 16:19

Memanle bɛ aleɛ mɔɔ bɛvale esamo kpalɛ, nwole nee wolɛ a bɛyɛle la, noko bɛmɛ bɛvale bɛmanle bɛ mmonle ne mɔ. Medame Awulae Nyamenle a mese a.

Yizikeɛle Buluku ne 20:41

Saa me nee bɛ vi menli ngakyile nee maanle maanle mɔɔ mendole bɛ memkpondenle nu la anu sia ba a, mebalie bɛ kɛ azubɔlɛ evuanlɛ, na meahile me nwuanzanwuanzayɛlɛ ne wɔ bɛ avinli meamaa maanle maanle kɔsɔɔti anwu ye.

Yizikeɛle Buluku ne 45:17

Ɔle belemgbunli ne gyima kɛ ɔwɔ kɛ ɔfa ɛyelalɛ azubɔdeɛ ne mɔ, ma azubɔdeɛ ne mɔ nee nza azubɔdeɛ ne mɔ ɔmaa, wɔ ɛvoyia ne mɔ ɛlilɛ nu. Ɛvoyia ne mɔ a le Siane fofolɛ nee Ɛnwomenlelielɛ Kenle ne mɔ, nee ɛvoyia mɔɔ ɛha mɔɔ Yizilayɛma di la. Ɔwɔ kɛ ɔfa ɛtane azubɔdeɛ ne mɔ, ma azubɔdeɛ ne mɔ, ɛyelalɛ azubɔdeɛ ne mɔ nee anzonudwolɛ azubɔdeɛ ne mɔ ɔmaa na bɛfa bɛyɛ Yizilayɛma ati mgbɔdalɛ nzɛlɛlɛ.”

Sɛlɛ 1:13

Akee ɔva nzule ɔnrinzi nane ne akunlu ne nee ye ndwɛlɛ ne mɔ anwo. Sɛlɛvolɛ ne ɛva bɛ muala na ɔyela bɛ wɔ azukponle ne azo. Ɛhye le ɛyelalɛ azubɔdeɛ mɔɔ bɛfa senle a bɛbɔ a, na ye evuanlɛ sɔ Ɛdɛnkɛma anye.

Sɛlɛ 1:17

Ɔwɔ kɛ sɛlɛvolɛ ne sɔ anloma ne andɛba ne mɔ na ɔsua anloma ne anu nwiɔ, ɔngyia kɛ ɔkɛhyɛ nu nwiɔ sɛsɛ. Akee ɔyela ye wɔ azukponle ne azo wɔ ɛyɛne ne mɔɔ wɔ senle ne anu la azo. Ɔle ɛyelalɛ azubɔdeɛ mɔɔ bɛfa senle a bɛbɔ a, na ye evuanlɛ sɔ Ɛdɛnkɛma anye.

Sɛlɛ 1:9

Akee ahenle ne ɛva nzule ɛnrinzi nane ne akunlu ninyɛne ne nee ye ndwɛlɛ ne mɔ anwo. Na sɛlɛvolɛ ne ɛyela ɔ muala wɔ azukponle ne azo kɛ ɔle ɛyelalɛ azubɔlɛ. Azubɔlɛ zɛhae mɔɔ bɛfa senle bɛbɔ la evuanlɛ sɔ Ɛdɛnkɛma anye.

Sɛlɛ 21:6

Ɔwɔ kɛ bɛmaa bɛ nwo te maa bɛ Nyamenle; ɔnle kɛ bɛgua bɛ Nyamenle ne anwo evinli. Ɔluakɛ bɛmɛ yɛɛ bɛbɔ ɛyelalɛ azu bɛmaa Ɛdɛnkɛma na eza bɛbɔ aleɛ azu bɛmaa bɛ Nyamenle ne a. Yemɔti ɔwɔ kɛ bɛmaa bɛ nwo te.

Sɛlɛ 21:8

Ɔwɔ kɛ ɛtu ye ɛsie ahane ɛmaa Nyamenle, ɔluakɛ ɔdaye a ɔfa aleɛ ɔbɔ azu ɔmaa wɔ Nyamenle ne a; ɔwɔ kɛ ɔ nwo te maa wɔ, ɔluakɛ medame, Ɛdɛnkɛma, mɔɔ mete ɛ nwo la, mele nwuanzanwuanza.

Sɛlɛ 3:11

Sɛlɛvolɛ ne ɛyela bɛ wɔ azukponle ne azo kɛ aleɛ ɛyelalɛ azubɔdeɛ ɔmaa Ɛdɛnkɛma.

Malakae Buluku ne 1:12

Na bɛmɛ, saa bɛka kɛ ‘Ɛdɛnkɛma azukponle ne anwo ɛnde yɛɛ kpanwo ne ɛnle kpalɛ’ a ɛnee bɛgua azukponle ne anwo evinli.

Malakae Buluku ne 1:7

Bɛfa aleɛ mɔɔ nwolɛ ɛnde la bɛgua me azukponle zo. Noko bɛbiza kɛ, ‘Kɛ yɛzi yɛgua ɛ nwo evinli ɛ?’ Bɛ adwenle a le kɛ Ɛdɛnkɛma azukponle ne bɔbɔ, ɔnle kɛ bɛdi ye eni.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:24

ɛnee kɛmɔ bɛnze la ati, ɔwɔ kɛ bɛfa ɛnlankɛ nyinli bɛyɛ ɛyelalɛ azubɔdeɛ, azubɔdeɛ mɔɔ ye ɛyelalɛ ne evuanlɛ sɔ Ɛdɛnkɛma anye la, nwolɛ ma azubɔdeɛ kpalɛ, yɛɛ nwanye azubɔdeɛ bɛmaa Ɛdɛnkɛma.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:3

na bɛfa ɛnlankɛ anzɛɛ boane kɛ bɛyela ye bɛabɔ azu, anzɛɛ bɛfa bɛaye ɛwɔkɛ, anzɛɛ bɛfa bɛayɛ ahunlunyele azubɔdeɛ, anzɛɛ ɛvoyialilɛ azubɔdeɛ bɛamaa Ɛdɛnkɛma a, amaa yeazɔ ɔ nye la,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:7

na ɔfa nwanye litili ko nee foa ɔyɛ nza azubɔdeɛ ɔboka nwolɛ. Azubɔlɛ ɛhye mɔ sɔ Ɛdɛnkɛma anye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:1

Ɛdɛnkɛma zele Mosisi kɛ,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 29:39

“Saa ɛvoyialilɛ ne mɔ dwu zo a, bɛva bɛ azubɔdeɛ ɛhye mɔ bɛboka bɛ ɛwɔkɛyelɛ, ahunlunyele, ɛyelalɛ, ma nee nwanye, yɛɛ anzonudwolɛ azubɔdeɛ ne mɔ bɛmaa Ɛdɛnkɛma.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 9:13

Awie biala mɔɔ evinli ɛtɛkanle ye, yɛɛ ɔtɛtule adenle na yeanli Akpabɛnwo Ɛvoyia ne la, ɔwɔ kɛ bɛye ye bɛfi ye menli ne avinli, ɔboalekɛ mekɛ ne dwule la, yeanva Ɛdɛnkɛma azubɔdeɛ ne yeamaa ye. Sonla zɔhane ɛtane zo ye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 9:7

bɛhɔhanle kɛ, “Evinli ɛha yɛ, ɔboalekɛ yɛva yɛ sa yɛha funli, na duzu ati a ɔnle kɛ bɛmaa yɛ adenle bɛmaa yɛboka Yizilayɛma anwo na yɛfa yɛ azubɔdeɛ yɛkɔmaa Ɛdɛnkɛma ɛ?”

2 Kɔl 2:15

Ɔluakɛ yɛle kɛ ɛyɛlɛ evuanlɛ mɔɔ Kelaese ɛva ɛbɔ azu ɛmaa Nyamenle, na ye evuanlɛ ne bɔ wolowolo bɛdabɛ mɔɔ bɛlɛdie bɛ ngoane nee bɛdabɛ mɔɔ bɛlɛminli la;

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:2

Bɛmaa ɛhulolɛ ɛvinde bɛ ɛbɛlabɔlɛ nu, kɛmɔ Kelaese hulole yɛ na ɔdole ye ngoane aze ɔmanle yɛ ɔvale ɔyɛle azubɔlɛ evuanlɛ mɔɔ sɔ Nyamenle anye la.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:18

Ahyɛlɛdeɛ biala mɔɔ bɛva bɛnwa me la me sa ɛha ye, ɔzonle somaa! Kɛkala mɔɔ me sa ɛha bɛ nwanle mɔɔ Ɛpafulodaetɛse ɛva ɛrɛlɛ me la, mengyia debie biala anwo bieko. Bɛ ahyɛlɛdeɛ ne le kɛ azubɔlɛ evuanlɛ mɔɔ Nyamenle kulo na ɔ nye sɔ ye la.