Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 25:13 - BAEBOLO ANZƐƐ BULUKU NWUANZANWUANZA

¹³ ɔdaye nee ɔ bo zo amra bayɛ sɛlɛvolɛma mɔɔ ɛmbɔ aze ɛlɛ a, ɔboalekɛ ɔhwenle ye Nyamenle ne ati nungule ɔvale ɔkpɔdale Yizilayɛma ati.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 25:13 ပူးပေါင်းရင်းမြစ်များ

2 Sam 21:3

Devidi bizale Gebɛyɔnoma kɛ, “Duzu a menyɛ memaa bɛ a? Ɛtane mɔɔ bɛva bɛyɛ bɛ la, duzu debie yɛɛ meyɛ a bɛ kunlu kɛdwo na bɛayileyila Ɛdɛnkɛma menli ne a?”

1 Arl 19:10

Ɔbuale kɛ, “Melɛtwe ɛdawɔ Tumivolɛ Ɛdɛnkɛma Nyamenle ɛ ti nungule, ɔluakɛ Yizilayɛma ɛgyakyi wɔ edwɛkɛ ne anzi ɛlilɛ, bɛbubu wɔ azukponle ne mɔ, na bɛhu wɔ kpɔmanvolɛma ne mɔ amuala; me ngomekye ala yɛɛ meha a, yɛɛ eza bɛlɛkpondɛ medame noko bɛahu me.”

1 Arl 19:14

Yilaegya buale kɛ, “Melɛtwe ɛdawɔ Tumivolɛ Ɛdɛnkɛma Nyamenle ɛ ti nungule, ɔluakɛ Yizilayɛma ɛkpo wɔ ngyekyeleɛ ne, bɛbubu wɔ azukponle ne mɔ na bɛhu wɔ kpɔmanvolɛma ne mɔ amuala; me ngomekye ala a meha a, yɛɛ eza bɛkpondɛ medame noko bɛahu me.”

1 Arl 2:27

Ɛhye ati Sɔlɔmɔn yele Abayata gyima nu kɛ ɔnle Ɛdɛnkɛma sɛlɛvolɛ bieko. Ɔyɛle ɛhye, amaa Ɛdɛnkɛma edwɛkɛ ne mɔɔ ɔhanle wɔ Yilae abusua ne anwo wɔ Hyaelo la ayɛ nɔhalɛ.

Nihɛmaya Buluku ne 13:29

O me Nyamenle, kakye bɛ kɛ bɛgua sɛlɛvolɛlilɛ ne nee sɛlɛvolɛma nee Livaema ngyekyeleɛ ne anwo evinli a.

Edwɛndolɛ Buluku ne 106:31

Bɛkakye ye wɔ ɛhye anwo kɛ ɔle tenlenenli, wɔ awolɛndoazo muala anu.

Edwɛndolɛ Buluku ne 119:139

Me nwo yelɛyela me kɛ senle, ɔboalekɛ me kpɔvolɛma arɛle fi wɔ edwɛkɛ ne.

Edwɛndolɛ Buluku ne 69:9

Ɔluakɛ wɔ Ɛzonlenlɛ Sua ne anwo ɛhulolɛ sɔ kɛ senle wɔ me nu, yɛɛ aholoba mɔɔ bɛbɔ wɔ la amuala gua me nwo zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:9

wɔava akyeso ne mɔ wɔahye bɛ nze zo na wɔazoa bɛ ahyɛlɛ. Ɛnee kɛ ɛbazi wɔawula Aalɔn nee ɔ mra mrenya ne mɔ sɛlɛvolɛ la ɛne. Ɔwɔ kɛ bɛdabɛ nee bɛ bo zo amra sonle me kɛ sɛlɛvolɛma wɔ mekɛ mɔɔ ɛnlɛ awieleɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:30

Aleɛ hyenle la Mosisi zele menli ne kɛ, “Bɛyɛ ɛtane kpole. Yemɔti mesia meahɔ Ɛdɛnkɛma anwo lɔ wɔ boka ne azo. Wɔannea a mebahola meali bɛ ɛtane ne mɔ anwo mgbɔdalɛ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:15

Akee kpokpa bɛ nwole, kɛmɔ ɛkpokpale bɛ ze ala la, amaa bɛazonle me kɛ bɛle me sɛlɛvolɛma. Ɛkpokpalɛ ɛhye bamaa bɛayɛ sɛlɛvolɛma dahuu.”

Ayezaya Buluku ne 61:6

Na bɛmɛ, bɛbavɛlɛ bɛ Ɛdɛnkɛma sɛlɛvolɛma, Menli bavɛlɛ bɛ Nyamenle sonvolɛma. Maanle maanle bava bɛ anwonyia arɛlɛ bɛ, Na bɛali fɛlɛko kɛ anwonyia ne mɔ le bɛ ɛdeɛ.

Gyɛlɛmaya Buluku ne 33:18

yɛɛ sɛlɛvolɛma mɔɔ le Livae abo zo amra la a bazonle me, bɛava ɛyelalɛ azubɔdeɛ, bɛayela ma azubɔdeɛ, na bɛabɔ azu bɛamaa me dahuu a.”

Gyɛlɛmaya Buluku ne 33:22

Mebamaa me akɛlɛ Devidi abo zo amra nee Livae abo zo amra sɛlɛvolɛma mɔɔ sonle me la anwo azo kɛ anwomanyunlu nwɔlɔra anzɛɛ ɛnweazo anwea mɔɔ bɛtia a ɔnyɛ boɛ la.”

Sɛlɛ 15:15

Sɛlɛvolɛ ne bava abɔ azu; ɔbava ko yeayɛ ɛtane azubɔdeɛ na yeava ko ne yeayɛ ɛyelalɛ azubɔdeɛ, na yeayɛ mgbɔdalɛ nzɛlɛlɛ yeamaa ye wɔ Ɛdɛnkɛma anyunlu wɔ ye mrenyanu ewule ne anwo.

Malakae Buluku ne 2:8

“Noko bɛmɛ, bɛvi adenle ɛhye azo bɛye bɛ nwo yɛɛ bɛva bɛ ngilehilelɛ bɛmaa menli dɔɔnwo ɛdu koti; bɛtulu ngyekyeleɛ ne mɔɔ me nee Livae kyekyele la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:46

na Mosisi hanle hilele Aalɔn kɛ, “Fa wɔ ɛyɛlɛkpunlɛ kyɛnze ne, fa senle wɔ azukponle ne azo gua nuhua, na fa ɛyɛlɛ gua senle ne anu. Akee ka ɛ nwo ndɛndɛ fa kɔ menli ne anwo lɔ na kɔyɛ mgbɔdalɛ nzɛlɛlɛ maa bɛ. Maa ɔyɛ ndɛ! Ɛdɛnkɛma ɛya ne ɛdwu aze, yɛɛ ewulenzane ɛbɔ ɔ bo.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:47

Aalɔn yɛle tieyɛ, ɔvale ye ɛyɛlɛkpunlɛ kyɛnze ne na ɔnriandile ɔhɔle ɛlɔne ne avinli. Mɔɔ ɔnwunle kɛ ewulenzane ne ɛbɔ ɔ bo dɛbadɛba la, ɔvale ɛyɛlɛ ɔguale senle ne anu na ɔyɛle mgbɔdalɛ nzɛlɛlɛ ɔmanle menli ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 17:12

Yizilayɛma ne hanle hilele Mosisi kɛ, “Kɛkala ɛdeɛ, yɛ awieleɛ ne ala ɛne!

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 25:14

Bɛfɛlɛ Yizilayɛnli ne mɔɔ bɛhunle ye nee Medean raalɛ ne la Zemelae. Ɔ ze a le Seelu mɔɔ le Semɛyɔn abusua ekpunli ne anu abusua ekpulike ko abusua kpanyinli la.

Dw 2:17

Ye ɛdoavolɛma ne hakyele kɛ Nyamenle Edwɛkɛ ne ɛha ɛdo ɛkɛ ne kɛ, “Nyamenle, wɔ sua ne anwo ɛhulolɛ sɔ kɛ senle la wɔ me nu.”

Kɛlata mɔɔ bɛhɛlɛle bɛhɔmanle Hibuluma la 2:17

Ɛhye kile kɛ ɔwɔ kɛ ɔyɛ kɛ ɔ mediema ne mɔ la wɔ adenle biala anu, amaa yeayɛ bɛ Sɛlɛvolɛ Kpanyinli mɔɔ di nɔhalɛ na ɔse anwunvɔne wɔ ye Nyamenle gyimayɛlɛ nu, na yeali bɛ ti mgbɔdalɛ, amaa bɛava menli ɛtane bɛahyɛ bɛ.

Kɛlata mɔɔ bɛhɛlɛle bɛhɔmanle Hibuluma la 7:11

Ɔlua Livae abusua ne sɛlɛvolɛlilɛ gyima ngyehyɛlɛ ne azo yɛɛ bɛvale mɛla ne bɛrɛlɛle Yizilayɛma a. Na saa Livae abusua ne sɛlɛvolɛlilɛ gyima ne lile munli a, anrɛɛ Aalɔn yɛɛ ɔwɔ kɛ bɛsie ɔ gyakɛ anu a, na ɔnrɛhyia kɛ eza bɛkɛva sɛlɛvolɛ ngakyile bie bɛkɛzie Mɛlekezidɛke agyakɛ anu.

Dwɔhyua Buluku ne 7:12

Ɛhye ati yɛɛ bɛangola bɛangyinla bɛ kpɔvolɛma anyunlu a. Bɛnriandile, ɔboalekɛ bɛdabɛ mumua ne, ɔwɔ kɛ bɛsɛkye bɛ! Me nee bɛ ɛnrɛlua bieko kyesɛ bɛsɛkye ninyɛne ne mɔɔ bɛzele bɛ kɛ bɛmmafa na bɛandie bɛvale la.

1 Pit 2:5

Bɛrɛla kɛ bɛle tease awolɛ na bɛmaa bɛva bɛ bɛzi sunsum nu ɛzonlenlɛ sua mɔɔ bɛsonle nu, kɛ bɛle sɛlɛvolɛma nwuanzanwuanza na bɛlua Gyisɛse Kelaese anwo zo bɛbɔ sunsum nu azu mɔɔ sɔ ɛnyelɛ la bɛmaa Nyamenle.

1 Pit 2:9

Bɛmɛ a bɛle menli mɔɔ Nyamenle ɛkpa nu ɛye bɛ a. Bɛle Belemgbunli ne sɛlɛvolɛma, maanle nwuanzanwuanza, Nyamenle ɔdaye ye menli mɔɔ yeboɔboa yekpondɛ bɛ bo zo na yevɛlɛ bɛ kɛ bɛvi awozinli nu bɛrɛla ye wienyi ne anu na bɛbɔ ye nwanwane gyima ne nolo a.

1 Dw 2:2

Kelaese a le sonla mɔɔ yɛlua ɔ nwo zo mɔɔ bɛva yɛ ɛtane ne mɔ bɛhyɛ yɛ a, yɛɛ tɛ yɛ ngome, na menli mɔɔ wɔ ewiade la amuala boka nwolɛ.

Yekile 1:6

na yeyɛ yɛ arelemgbunli nee sɛlɛvolɛma kɛ yɛzonle ye Nyamenle Selɛ ne. Anyunlunyia nee tumi ɛyɛ ye ɛdeɛ dahuu! Amen.

1 Sam 2:30

Zɔhane ati, medame, Yizilayɛ Ɛdɛnkɛma Nyamenle, mese: membɔle ɛwɔkɛ kɛ wɔ abusua ne nee ɛ bo zo amra bayɛ me sɛlɛvolɛma dahuu ɛdeɛ na kɛkala, mese wɔ kɛ ɔnrɛyɛ zɔhane bieko. Mebali menli mɔɔ di me eni la eni; na menrɛbu bɛdabɛ mɔɔ bɛkpo me la ɛhwee.