Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 25:11 - BAEBOLO ANZƐƐ BULUKU NWUANZANWUANZA

¹¹ “Ɔlua mɔɔ Sɛlɛvolɛ Aalɔn ara Ɛlieza ara Fenɛhaze ɛyɛ la ati, megyakyi Yizilayɛma anwo ɛya ne mɔɔ menvale la anu. Ɔliele me ti nungule ɔhwenle, yemɔti a meambɔ Yizilayɛma abo zo wɔ me ɛyavalɛ nu a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 25:11 ပူးပေါင်းရင်းမြစ်များ

2 Sam 21:14

Bɛziele Sɔɔlo nee ɔ ra Dwɔnatan mbowule ne mɔ wɔ Sɔɔlo ɔ ze Kehye nla ne anu wɔ Zila, wɔ Bɛngyaman maanzinli nu. Akee bɛyɛle mɔɔ belemgbunli ne hanle hilele bɛ la amuala. Na Nyamenle diele maanlema ne nzɛlɛlɛ.

1 Arl 14:22

Dwudama yɛle ɛtane dɔɔnwo tiale Ɛdɛnkɛma dɛlale bɛ ze mɔ bɔbɔ, na ɔlua zolɛ Ɛdɛnkɛma vale ɛya.

Edwɛndolɛ Buluku ne 106:23

Yemɔti ɔhanle kɛ ɔbɔ bɛ bo zo, na Mosisi mɔɔ yekpa nu yeye ye la, gyinlanle kpundii wɔ ɔ nyunlu, ɔmanle ɔgyakyile ye ɛya ne, yeanzɛkye bɛ.

Edwɛndolɛ Buluku ne 106:30

Na Fenɛhase ragyinlanle kpɔdale bɛ ti, na ewule nzane ne gyakyile.

Edwɛndolɛ Buluku ne 106:31

Bɛkakye ye wɔ ɛhye anwo kɛ ɔle tenlenenli, wɔ awolɛndoazo muala anu.

Edwɛndolɛ Buluku ne 78:58

Bɛvale bɛ ɛleka mɔɔ bɛsonle la bɛhanle ye ɛya; bɛvale bɛ ananze mɔɔ bɛguale la bɛfutule ye ahonle.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:5

Bɛmmabɔ bɛ ti aze bɛmaa bɛ anzɛɛ bɛmmasonle bɛ. Ɔluakɛ medame Ɛdɛnkɛma bɛ Nyamenle ne, mele nungule Nyamenle. Mefa bɛ ze mɔ ɛtane ne mɔ anwo ndeanlɛ metea bɛdabɛ mɔɔ bɛkpɔ me la toonwo ɔkɔdwu awolɛndoazo nsa ne nee nna ne azo,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:5

“Saa awie maa ye nyɛmoa kɔdidi awie vanye egyinli nu, anzɛɛ gyakyi ye nyɛmoa maa bɛkɔdi ɔ gɔnwo ɛya nu bɛyɔba a, ɔwɔ kɛ ɔfa ɔdaye ye ɛya nu bɛyɔba kpalɛ kpalɛ ne mɔ bie ɔsie bɛ bo zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:14

“Ɔnle kɛ ɛsonle nyamenle gyɛne biala, ɔluakɛ medame Ɛdɛnkɛma mɔɔ me duma a le Nungule la, mele Nyamenle mɔɔ twe nungule a.

Yizikeɛle Buluku ne 16:38

Mebabua bɛ ewule fɔlɛ, meadea bɛ kɛ bɛle mraalɛ mɔɔ bɛdo awuvolɛvalɛ mɛla ne na bɛha mogya bɛgua a, na meava me nungule ɛhwenlɛ nee ɛya kpole ne meahu bɛ.

Nahum Buluku ne 1:2

Ɛdɛnkɛma le Nyamenle mɔɔ twe nungule, ɔdi nzenralɛ a; Ɛdɛnkɛma di nzenralɛ yɛɛ ɔfa ɛya; Ɛdɛnkɛma di ye kpɔvolɛma nzenralɛ, yɛɛ ye ɛya wɔ bɛ nwo zo.

Zɛfanaya Buluku ne 1:18

Bɛ ezukoa nvutuke nee dwɛtɛ fufule ɛnrɛhola ɛnrɛlie bɛ wɔ Ɛdɛnkɛma ɛya kenle ne anu. Ewiade amuala bayela wee wɔ ye ɛya senle ne anu, ɔluakɛ ɔbazɛkye bɛdabɛ mɔɔ bɛwɔ azɛlɛ ye azo la arɛlevilɛ nu.

Zɛfanaya Buluku ne 3:8

“Zɔhane ati bɛhendɛ me bɛmaa ɔhɔdwu kenle mɔɔ menwɔdwazo bɛ nwo zo la. Mebɔ kpɔkɛ kɛ meboɔboa maanle maanle kɔsɔɔti nee bɛ arelemgbunli anloa meawola me ɛya kpole ne meagua bɛ nwo zo. Ɔluakɛ me ɛya kpole ne senle ne bayela ewiade amuala yeamaa yeadɔ nzonle.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 25:10

Na Ɛdɛnkɛma zele Mosisi kɛ,

Dw 3:36

Awie biala mɔɔ die Ralɛ ne di la lɛ ngoane mɔɔ ɛnlɛ awieleɛ, na mɔɔ kɛkpo kɛ ɔnrɛlie Ralɛ ne ɔnrɛli la ɛnrɛnyia ngoane mɔɔ ɛnlɛ awieleɛ la ɛlɛ, Nyamenle ndeanlɛ ne wɔ ɔ nwo zo dahuu.

1 Kɔl 10:22

Yɛkulo kɛ yɛka Nyamenle ɛya ɔ? Yɛdwenle kɛ yɛ nwo yɛ se tɛla ye ɔ?

2 Kɔl 11:2

Metwe bɛ nwo nungule, kɛmɔ Nyamenle yɛ ye ala la. Bɛle kɛ bɛlɛra mɔɔ ɛnze nrenya mɔɔ meyia ye kɛ megya ye meamaa nrenya kokye, Kelaese mumua ne.

Mɛla 29:20

Ɛdɛnkɛma ɛnrɛva ye ɛtane ɛnrɛhyɛ ye. Ɛdɛnkɛma bava ɛya ahwe nungule na yeaye ye yeavi ɔ nye zo. Munzule mɔɔ bɛhɛlɛ bɛ buluku ye anu la amuala baha ye, na Ɛdɛnkɛma baye ye duma avi ewiade.

Mɛla 32:16

Bɛvale awozonlezonlenlɛ bɛhanle ye ɛya; bɛyɛle bɛkyi ninyɛne bɛmanle ɔvale ɛya.

Mɛla 32:21

Bɛva debie mɔɔ ɛnle nyamenle la bɛha me ɛya, bɛva bɛ mmonle bɛfutu me ahonle. Yemɔti medame mebava menli mɔɔ ɛndo ɛhwee la meaha bɛ ɛya; mebava maanle kɔnwɔne bie meaha bɛ ɛya.

Mɛla 4:24

Ɔluakɛ Ɛdɛnkɛma bɛ Nyamenle ne le sendɔlɔra. Ɔle Nyamenle mɔɔ twe nungule.

Dwɔhyua Buluku ne 22:13

Yizilayɛma zoanle sɛlɛvolɛ Ɛlieza ara Fenɛhaze wɔ Wulubɛn, Gaade, yɛɛ Manasɛ Aduduleɛ mbusua ne mɔ anwo ɛkɛ wɔ Geleade.

Dwɔhyua Buluku ne 24:19

Dwɔhyua zele menli ne mɔ kɛ, “Bɛnrɛhola Ɛdɛnkɛma sonle! Ɔle Nyamenle Nwuanzanwuanza yɛɛ ɔnrɛva bɛ ɛtane ɔnrɛhyɛ bɛ. Ɔngulo ahola ɛzilɛ,