Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 25:1 - BAEBOLO ANZƐƐ BULUKU NWUANZANWUANZA

¹ Mɔɔ Yizilayɛma yɛle azokoɛleɛ wɔ Akasea Bɔnza la, Yizilayɛ mrenya bɔle ɔ bo kɛ bɛ nee Mowabe mraalɛ bɔ adwɔmane ɛbɛla.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 25:1 ပူးပေါင်းရင်းမြစ်များ

2 Arl 23:7

Belemgbunli Dwosaya eza manle bɛzɛkyele ɛleka mɔɔ bɛzieziele bɛmanle tuutuuma wɔ Ɛzonlenlɛ Sua ne anu la. (Ɛkɛ ne yɛɛ mraalɛ ne mɔ nwo adɛladeɛ mɔɔ bɛfa bɛsonle bozonle raalɛ Ahyela ne la a.)

Edwɛndolɛ Buluku ne 106:28

Akee Nyamenle menli ne zonlenle bozonle Beeyale wɔ Piyɔ, na bɛlile aleɛ mɔɔ bɛdo bɛmaa mɔwuamra la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:19

“Bɛhu nrenya biala mɔɔ nee nane kɛla la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:15

Ɛ nee menli mɔɔ wɔ maanle ne anu la mmayɛ ngyekyeleɛ biala, amaa saa bɛdi bɛ awozonle ɛzonlenlɛ tuutuu ne na bɛabɔ azu bɛamaa bɛ awozonle ne mɔ a, bɛando ɛsalɛ bɛanvɛlɛ wɔ kɛ ɛraboka bɛ, na sɔnea ara ɛ nwo zo kɛ ɛli bɛ awozonle azubɔlɛ aleɛ ne bie.

Nolo 7:26

Menwunle debie mɔɔ yɛ ɛzulolɛ tɛla ewule la; yemɔ a le raalɛ mɔɔ ye ɛhulolɛ le kɛ ɛhane anzɛɛ avonle, na ɔ sa mɔɔ ɔfa ɔbɛla ye kulovolɛ la le kɛ nwɔnzɔnwɔnzɔ la. Sonla mɔɔ sɔ Nyamenle anye la kola die ɔ nwo; na ɛtanevolɛ ɛdeɛ ɔkye ye.

Gyɛlɛmaya Buluku ne 40:11

Dwuuma mɔɔ wɔ Mowabe, Amɔn, Yidɔm, yɛɛ maanle gyɛne gyɛne nu la dele kɛ Babelonia belemgbunli ne ɛmaa Dwuuma bie mɔ ɛha Dwuda maanle ne anu na yeyɛ Gɛdalaya amɛnlado kɛ ɔnlea bɛ nwo zo.

Yizikeɛle Buluku ne 20:21

“Noko bɛ awolɛndoazo zɔhane dele me nwo atua. Bɛanli me mɛla ne mɔ azo, yɛɛ bɛanli me ngyehyɛlɛ ne mɔ mɔɔ bɛdi zolɛ a bɛkɛnyia ngoane la azo. Eza bɛambu me Ɛnwomenlelielɛ Kenle ne mɔ bie. Menyɛle me adwenle kɛ mewola me ɛya ne meagua bɛ nwo zo, na meazɛkye bɛ wɔ fienemgbole ne anu.

Hozia Buluku ne 9:10

Ɛdɛnkɛma se, “Mɔɔ mekanwu Yizilayɛ la, ɛnee ɔle kɛ vanye ma mɔɔ ɛfifi fienemgbole nu la. Mɔɔ mekanwu bɛ nlenya mɔ la, ɛnee bɛle kɛ feege mɔɔ ɛlɛdumua azo la ma mɔɔ ɛbolo la. Na mɔɔ bɛrale Piyɔ Boka la, bɛdule bɛ nwo bɛmanle bozonle Beeyale ne, na mengyile bɛ bɔkɔɔ kɛ bɛ bozonle ne mɔɔ bɛhulole ye la.

Maeka Buluku ne 6:5

O me menli, bɛhakye adwenle mɔɔ Mowabe Belemgbunli Beelake bɔle ye bɛ nwo, nee Biyɔ ara Beelam mualɛ mɔɔ vale manle ye la, na bɛhakye mɔɔ zile Akasea mɔɔ kɔ Gelegale adenle nu la, amaa bɛanwu nyɛleɛ mɔɔ medame Ɛdɛnkɛma mefa medie menli la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 25:17

“Kɔteta Medeanema na ku bɛ,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:2

“Kɔdua Medeanema kakɛ wɔ mɔɔ bɛvale bɛyɛle Yizilayɛma la anwo. Ɛhye anzi, ɛbawu.”

1 Kɔl 10:8

Ɔnle kɛ yɛbɔ adwɔmane ɛbɛla biala kɛmɔ bɛ bie mɔ bɔle a bɛ nuhua apenle ngoko abulanwiɔ nee nsa dɔle kenle ko la.

Mɛla 3:29

“Yemɔti yɛdɛnlanle bɔnza ne ɛleka mɔɔ nee sua Bɛtepiyɔ anye bɔ zolɛ la anu.”

Mɛla 32:38

mɔɔ lile bɛ azubɔdeɛ mgbole ne mɔ, nlonle bɛ nwanye azubɔdeɛ ne mɔ la wɔ ni? Bɛmaa bɛdwazo bɛboa bɛ ɛ! Bɛmaa bɛlie bɛ ti ɛ!

Mɛla 4:3

Bɛ nye ɛnwu mɔɔ Ɛdɛnkɛma yɛle wɔ Beeyale Piyɔ Boka la. Ɛdɛnkɛma bɛ Nyamenle ne zɛkyele bɛdabɛ mɔɔ ɛnee bɛsonle Beeyale ne mɔɔ wɔ Piyɔ la.

Dwɔhyua Buluku ne 2:1

Akee Nɛn ara Dwɔhyua zoanle menli nwiɔ awozinli nu, vi Akasea azokoɛleɛ ne kɛ, “Bɛhɔli busia bɛnleɛnlea kɛ Keena maanle ne anu si de la, bɔbɔ suakpole Gyɛleko.” Menli ne mɔ dwule suakpole ne azo la, bɛhɔlale raalɛ tuutuunli bie mɔɔ bɛfɛlɛ ye Releehabe la sua nu.

Dwɔhyua Buluku ne 22:17

Bɛkakye ɛtane mɔɔ yɛyɛle wɔ Piyɔ la. Mekɛ ne anu Ɛdɛnkɛma vale ewule nzane a deanle ɔdaye ye menli ne a. Ɛnɛ nee ɛnɛ ala yɛtɛnwu nwolɛ amaneɛ. Ɛtane zɔhane, yɛyɛ bie yɛvɛ!

Dwɔhyua Buluku ne 3:1

Aleɛ hyenle la Dwɔhyua nee Yizilayɛma amuala dwazole nwonlomɔ mangyee ne ala; bɛvi Akasea azokoɛleɛ ne bɛdule bɛ bo bɛrazokoɛle Dwɔdan ne anloa bɛrahendɛle bɛ nwo kolaa na bɛapɛ.

Yekile 2:14

Noko melɛ edwɛkɛ ekyi bie metia wɔ. Ɛlɛ menli bie mɔɔ li Beelam ngilehilelɛ ne anzi a. Beelam hilehilele belemgbunli Beelake manle ɔdole Yizilayɛma agyiba, ɔmanle bɛlile aleɛ mɔɔ bɛva bɛzɔ amonle la na bɛbɔle adwɔmane ɛbɛla.