Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:9 - BAEBOLO ANZƐƐ BULUKU NWUANZANWUANZA

⁹ Ɔkɔ nzia a, ɔda kɛ awenade, Awenade belɛ, ɔda a awie ɛndunwue ye. Mɔɔ kɛyila wɔ la, bɛkɛyila ye, Yɛɛ mɔɔ kɛwa wɔ amonle la, bɛkɛwa ye amonle.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:3

Mebayila bɛdabɛ mɔɔ bɛyila wɔ la, Na meamaa munzule ado mɔɔ kɛzuzu munzule kɛmaa wɔ la; Na ɔlua ɛ nwo zo nyilalɛ aha maanle maanle kɔsɔɔti mɔɔ wɔ ewiade la.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 27:29

Ɔmaa menli ɛzonle wɔ, na maanle maanle ɛbɔ bɛ ti aze ɛmaa wɔ. Ɔmaa ɛzie ɛ mediema ne mɔ, na ɛ nli akunlu amra mrenya ɛbɔ bɛ ti aze ɛmaa wɔ. Awie mɔɔ kɛbɔ wɔ sasa la, munzule ɛha ye, na mɔɔ kɛyileyila wɔ la, nyilalɛ ɛha ye!”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:9

Me ra Dwuda le kɛ awenade ralɛ, Ɔku ye kpɔvolɛ ne na ɔsia ɔbada. Ɔda na ɔtenrɛ ɔ nwo a, awenade belɛ ɔ, Nwane a kola tunwue ye a?

1 Arl 10:20

Bɛze awenade nwiɔ bɛziezie ɔ sa nwiɔ ne mɔ azo: ko gyi bɛne zo yɛɛ ko gyi fema zo. Akee awenade bulu nee nwiɔ gyigyi ebia ne kpolike ne mɔ azo; kpolike ko biala ati nee ɔ ti lɛ awenade nwiɔ. Ebia zɛhae, bie ɛnle ewiade ye anu belemgbunli maanle gyɛne biala anu.

2 Edk 9:18

Ebia ne lɛ kpolike nsia mɔɔ bɛfo kolaa na bɛadɛnla zolɛ a, yɛɛ ɔlɛ ɛleka mɔɔ bɛtɛnla zolɛ a bɛfa bɛ gyakɛ bɛsiezie a. Bɛholole ezukoa nvutuke bɛguale kpolike ne mɔ nee mɔɔ bɛfa bɛ gyakɛ bɛsiezie zolɛ la amuala anwo. Ebia ne lɛ ɔ sa nwiɔ mɔɔ bɛfa bɛ sa bɛgua zolɛ a, yɛɛ awenade ananze nwiɔ gyigyi ɔ sa nwiɔ ne azo.

Ɛseta Buluku ne 6:13

Heeman hanle mɔɔ ɛzi ɔ nwo zo la amuala hilele ɔ ye Zilɛhye nee ɔ gɔnwo mɔ amuala. Na ye menli ne mɔɔ tu ye folɛ la nee ɔ ye Zilɛhye zele ye kɛ, “Saa Mɔdekae mɔɔ kɛkala wɔbɔ ɔ bo kɛ ɛlɛtu ɛtɔ ɔ nyunlu la le Dwuunli ɛdeɛ a, ɛnee noko ɛnrɛhola ye, ɔbali ɛ nwo zo konim.”

Dwobu Buluku ne 41:10

Awie fee anwo ɛnyɛ ɛzulolɛ mɔɔ kɛhola kɛha ye a. Na ɛnee akee nwane a kɛhola me nyunlu gyinla a?

Edwɛndolɛ Buluku ne 122:6

Bɛzɛlɛ anzonudwolɛ bɛmaa Gyɛlusalɛm! “Bɛdabɛ mɔɔ bɛkulo wɔ la ɛkpazi!

Edwɛndolɛ Buluku ne 2:12

anrɛɛ saa ɔfa ɛya a bɛkɛdɔ nzonle, ɔluakɛ ɔngyɛ na yeava ɛya. Nyilalɛ ɛha bɛdabɛ mɔɔ bɛnriandi bɛkɔfea ye nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:22

Saa bɛtie ɔ ne na bɛyɛ mɔɔ menwɔha la a, mebayɛ kpɔvolɛ meamaa bɛ kpɔvolɛma na meaho meatia menli mɔɔ ko tia bɛ la.

Ayezaya Buluku ne 31:4

Ɔluakɛ Ɛdɛnkɛma zele me kɛ, “Kɛmɔ awenade, saa ɔle ekyi bɔbɔ na ɔkye nane na ɔlɛdi a, mboaneneavolɛma ekpunli ɛdeɛdeanlɛ ɛmkputi ye ahonle la, zɔhane ala yɛɛ medame Tumivolɛ Ɛdɛnkɛma mebaraho wɔ Zayɔn Boka nee ye awoka ngyikyi ne mɔ azo a.

Maeka Buluku ne 5:8

Gyekɔbo abo zo amra mɔɔ baha maanle maanle ne mɔ anu la bayɛ kɛ awenade mɔɔ la kpɔkɛ nu nane avinli la; ɔkɔ mboane ne anu, ɔtietia bɛ nwo zo na ɔtete bɛ azinli azinli, yɛɛ awie biala ɛngola bɛ die.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:12

Nyamenle zele Beelam kɛ, “Ɛ nee bɛ mmakɔ; mmayɛ nwolɛ ɛhwee, ɔluakɛ bɛyila bɛ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:6

Bɛzonle bɛtɛla yɛ, yemɔti, mesɛlɛ wɔ, bɛla na bahye bɛ sili maa me. Wɔannea a ɔkɛyɛ kɛ menwɔli bɛ nwo zo konim na meavoa bɛ meavi azɛlɛ ye azo. Ɔluakɛ meze kɛ mɔɔ ɛkɛyila ye la, bɛyila ye, yɛɛ mɔɔ ɛkɛwa ye amonle la, munzule ka ye.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:24

Yizilayɛ maanle ne le kɛ awenade belɛ, Yemaa ɔ nwo zo kɛ awenade; Ɔnla fee, kyesɛ yeli mɔɔ yehye ye la, Na yenlo mɔɔ yehu ye la mogya.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:10

Beelake vale Beelam anwo ɛya kpole, na ɔbɔle ɔ sa botokuma ɔfinle ɔ sa ko anu, na ɔhanle ɔhilele Beelam kɛ, “Menvɛlɛle wɔ kɛ ɛrahye me kpɔvolɛma ne sili, na ye fane nsa ɛne, ɛyilalɛ ala a wɔyila bɛ a.

Edwɛkpa ne kɛmɔ Mateyu hɛlɛle la 25:40

Na mebabua bɛ kɛ, ‘Nɔhalɛ, meka meahile bɛ kɛ, suzuamgba ala mɔɔ bɛyɛle ɛhye mɔ bɛmanle me mediema ɛhye mɔ mɔɔ anwo ɛngyia la anu bie la, bɛyɛle bɛmanle me.’

Edwɛkpa ne kɛmɔ Mateyu hɛlɛle la 25:45

Na mebabua bɛ kɛ, ‘Nɔhalɛ, meka meahile bɛ kɛ, suzuamgba ala mɔɔ bɛkpole kɛ bɛnrɛboa menli ɛhye mɔ mɔɔ anwo ɛngyia la anu ko bɔbɔ la, bɛkpole kɛ bɛnrɛboa medame noko.’

Ɛzoanvolɛma Gyima ne 9:5

Na ɔbizale kɛ, “Awulae, ɛdawɔ nwane ɔ?” Ɛnelɛ ne buale ye kɛ, “Medame a mele Gyisɛse mɔɔ ɛlɛyɛ me kpɔdekpɔde la.

Mɛla 30:7

Na Ɛdɛnkɛma bɛ Nyamenle ne bava munzule ne ahɔgua bɛ kpɔvolɛma ne mɔɔ yɛle bɛ kpɔdekpɔde la anwo zo.