Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:7 - BAEBOLO ANZƐƐ BULUKU NWUANZANWUANZA

⁷ Bɛbanyia ezule molozo Bɛalua bɛ ma wɔ azɛlɛ fɔtɔfɔtɔ zo. Bɛ belemgbunli bayɛ kpole adɛla Agage, Na ye belemgbunlililɛ bayɛ kpole.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:7 ပူးပေါင်းရင်းမြစ်များ

2 Sam 5:12

Akee Devidi nwunle ye wienyi kɛ Ɛdɛnkɛma ɛzie ye Yizilayɛ belemgbunli bɔkɔɔ, na ye menli Yizilayɛma ati yekpogya ye belemgbunlililɛ ne zo.

1 Arl 4:21

Sɔlɔmɔn ziele maanle ne kɔsɔɔti, ɛbɔ ye Azule Yufileti mɔɔ bagua Filisitiama azɛlɛ zo, ɔdwu Yigyibiti ɛweɛne zo amuala la rahotole Sɔlɔmɔn na bɛduale adwule mɔɔ fɛta la bɛmanle ye.

1 Arl 5:1

Belemgbunli Helam mɔɔ vi Taya la agɔnwo kokye a le Devidi, yemɔti mekɛ mɔɔ ɔdele kɛ bɛva Sɔlɔmɔn bɛli ebia ne la, ɔzoanle ye sonvolɛma wɔ ɔ nwo ɛkɛ.

1 Edk 14:2

Na Devidi nwunle kɛ Ɛdɛnkɛma ɛzie ye belemgbunli bɔkɔɔ wɔ Yizilayɛma anwo zo, na ye belemgbunlililɛ ɛyɛ kpole wɔ ye menli Yizilayɛma ɛkpazilɛ ti.

Ɛzela Buluku ne 4:20

Ɛnee Gyɛlusalɛm lɛ arelemgbunli anwo ɛzulolɛ mɔɔ anwo yɛ se a, na bɛziele maanle maanle mɔɔ wɔ Azule Yufileti Adɔleɛ afoa nu la amuala. Ɔlua zolɛ bɛmanle menli duale adwule manle bɛ.

Ɛseta Buluku ne 3:1

Nzinlii Belemgbunli Zɛzɛse yɛle nrenya bie mɔɔ bɛfɛlɛ ye Heeman, mɔɔ vi Agage abusua nu na ɔ ze a le Hamɛdeeta la sonvolɛ kpanyinli ɔmanle ɔdɛlale ye suakunlu ɛkɛ ne mgbanyima ne mɔ amuala.

Edwɛndolɛ Buluku ne 18:43

Ɛliele me ɛvile menli mɔɔ dele atua la asa anu; ɛyɛle me maanle maanle belemgbunli; na menli mɔɔ menze bɛ la zonlenle me.

Edwɛndolɛ Buluku ne 68:26

Bɛto edwɛne kɛ, “Bɛye Nyamenle ayɛlɛ wɔ ye menli ɛwolaa ne ayia ne anu, bɛyeyɛ Ɛdɛnkɛma, O bɛmɛ Yizilayɛma abo zo amra!”

Edwɛndolɛ Buluku ne 72:11

Maa arelemgbunli kɔsɔɔti ɛdu ɛgua ɔ nyunlu, na maanle maanle kɔsɔɔti ɛzonle ye.

Edwɛndolɛ Buluku ne 89:27

Na mebayɛ ye me ra mɔɔ lumua, mɔɔ le belemgbunli mɔɔ bo arelemgbunli muala anwo azo wɔ azɛlɛ ye azo a.

Ayezaya Buluku ne 2:2

Ɔbara kɛ mekɛ ne mɔɔ li awieleɛ la, boka ne mɔɔ Ɛdɛnkɛma Ɛzonlenlɛ Sua ne gyi zolɛ la bayɛ boka mɔɔ wale tɛla boka biala; bɛbamaa ye zo wɔ awoka kɔsɔɔti avinli, na maanle maanle kɔsɔɔti banriandi ahɔ zo.

Ayezaya Buluku ne 30:25

Azudenle bazenze awoka mgbole nee ngyikyi zo wɔ mekɛ mɔɔ bɛbahu bɛ kpɔvolɛma ne, bɛabubu bɛ tawa ne mɔ bɛagua la.

Ayezaya Buluku ne 48:1

O Gyekɔbo abo zo amra, bɛdie ɛhye, bɛfa Yizilayɛ duma bɛfɛlɛ bɛ, yɛɛ bɛle Dwuda mogya ne bie; bɛfa Ɛdɛnkɛma duma bɛka ndane, na bɛbɔ Yizilayɛ Nyamenle ne duma, noko bɛmbɔ ye nɔhalɛ nu nee fɔɔnwo zo.

Ayezaya Buluku ne 9:7

Ye maanlebulɛ ne bahɔ zo melɛ mɔɔ ɛnlɛ awieleɛ; ye maanlema anzo nu badwo bɛ dahuu. Ɔbali ye ebia ne kɛ yeli Belemgbunli Devidi agya, yeava nɔhalɛlilɛ nee pɛlepɛlelilɛ yeabu ye maanle ne, ɔvi ɛnɛ mɔɔ kɔ nee mekɛ mɔɔ ɛnlɛ awieleɛ. Tumivolɛ Ɛdɛnkɛma ɛbɔ kpɔkɛ kɛ ɔbayɛ ɛhye.

Gyɛlɛmaya Buluku ne 51:13

O bɛmɛ mɔɔ bɛzua azule dɔɔnwo, mɔɔ nuhua le anwonyia ngome la, bɛ awieleɛ ɛra; bɛpɛ bɛ ɛbɛla nyɛma ne azo.

Daneɛle Buluku ne 2:44

Mekɛ mɔɔ maanle maanle ɛhye mɔ wɔ zolɛ la Nyamenle bamaa maanle ko avinde, na ɔbahomo maanle zɔhane mɔ anwo zo yeamaa bɛagolo. Maanle ɛhye badɛnla ɛkɛ ne dahuu, awie ɛnrɛhola ɛnrɛzɛkye ye kenle bie maanle nu, yɛɛ awie mɔ gyɛne ɛnrɛhola ɛnrɛlie maanle ne ɛnrɛbu,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:20

Akee wɔ ye ɛnyelɛzodeɛnwunlɛ ne anu, Beelam nwunle Amalɛkema na ɔhanle Nyamenle nrɛlaleɛ ɛhye: “Ɛnee Amalɛke a le maanle mɔɔ te kpɔkɛ kpalɛ kpalɛ a, Na awieleɛ ne, ɔbabɔ bɔkɔɔ.”

Dw 1:49

Natanayɛle hanle kɛ, “Kilehilevolɛ, wɔmɔ a ɛle Nyamenle Ara ne. Wɔmɔ a ɛle Yizilayɛ Belemgbunli ne a!”

Yekile 11:15

Akee Nyamenle soanvolɛ ne mɔɔ tɔ zolɛ nsuu la bɔle ye aweɛne tendenle ne anu. Na ɛnelɛ mgbole dɔɔnwo bie vi anwuma hanle kɛ, “Azɛlɛ ye azo tumi muala ɛyɛ Awulae nee yɛ Mɛzaya ne ɛdeɛ; ɔbali belemgbunli ɛvolɛ mɔɔ ɛnlɛ awieleɛ!”

Yekile 17:1

Nyamenle soanvolɛma nsuu ne mɔɔ dedɛ dwora ne mɔ la anu ko rale me nwo ɛkɛ na ɔzele me kɛ, “Bɛla maa mengile wɔ kɛ bɛsi bɛadea tuutuunli ne mɔɔ ɛlie duma la, meka suakpole ne mɔɔ ɛlie duma mɔɔ bɛhye ye wɔ azudenle ne mɔ anloa la.

Yekile 17:15

Nyamenle soanvolɛ ne eza zele me kɛ, “Azule ne mɔ mɔɔ ɛnwunle kɛ tuutuunli ne de ɔ nloa la le maanle maanle, menli, aneɛ ngakyile, yɛɛ mbusua kɔsɔɔti.

Yekile 19:16

Wɔ ye tɛladeɛ ne anu nee ye ɛzɔlɛ nwo, bɛhɛlɛ duma ɛhye, “Arelemgbunli Belemgbunli yɛɛ awulae mɔ Awulae.”