Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:6 - BAEBOLO ANZƐƐ BULUKU NWUANZANWUANZA

⁶ Bɛle kɛ mbɔnza mɔɔ tɛlɛ Anzɛɛ tola mɔɔ bɛhye ye azudenle nloa, Bɛle kɛ ‘alo’ mbaka mɔɔ Ɛdɛnkɛma ɛlua, Anzɛɛ sida mbaka mɔɔ gyigyi nzule nloa.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 13:10

Lɔɔto dole ɔ nye nleanle azɛlɛ ne na ɔnwunle kɛ Dwɔdan Bɔnza ne anu, toonwo mɔɔ kɔdwu Zowaa la lɛ nzule dɔɔnwo kɛ Ɛdɛnkɛma tola ne anu nee Yigyibiti azɛlɛ zo la. (Mekɛ ne anu ɛnee Ɛdɛnkɛma ɛtɛsɛkyele azuamgbole Sodɔm nee Gomɔla.)

Edwɛndolɛ Buluku ne 1:3

Ɔle kɛ azule nloa baka, mɔɔ so ma wɔ ye ɛlobɔ nloa, ye nya ɛmkpolo ɛlɛ, yɛɛ ɔkpazi debie biala anu.

Edwɛndolɛ Buluku ne 104:16

Bɛgugua Ɛdɛnkɛma mbaka ne mɔ azo nzule dɔɔnwo, Lɛbanɔn sida mbaka mɔɔ ɔdaye ɔluale la.

Edwɛndolɛ Buluku ne 45:8

Wɔ adɛladeɛ nu bɔ evuanlɛ, ɔbɔnle alufuanlɛ, kasea, yɛɛ kolɔbo. Edwɛndolɛma dielie ɛ nye wɔ arelemgbunli azua mɔɔ bɛva ɛzɛlɛ bɛziezie nu la anu.

Sɔlɔmɔn Edwɛne 6:11

Mengɔle mbakama egyinli ne anu, kɛ mekanlea mbaka mɔɔ wɔ bɔnza ne anu la, saa vanye mbaka ne mɔ ɛyeye nya, na mbaka ne mɔ mɔɔ so ma kɛ akutue la ɛbɔ ndotolo a.

Ayezaya Buluku ne 41:19

Mebamaa sida mbaka afifi fienemgbole nu, akasea, mɛtɛle nee ɔlivi mbaka kɔsɔɔti; mebamaa sepelɛse mbaka afifi ɛsɛlɛ zo, dwunipa nee bolonyia mbaka kɔsɔɔti,

Ayezaya Buluku ne 58:11

Na akee medame Ɛdɛnkɛma, mebazinza bɛ dahuu na meamaa bɛ ninyɛne kpalɛ meamaa bɛ kunlu adwo, na bɛ mbowule nu ayɛ se. Bɛbayɛ kɛ tola mɔɔ nzule dɔɔnwo wɔ nu, kɛ nzubula mɔɔ nuhua nzule ɛnsesa ɛlɛ la.

Gyɛlɛmaya Buluku ne 17:18

Maa menli mɔɔ yɛ me kpɔdekpɔde la anyunlu ɛgua aze, na mmamaa me nyunlu gua aze. Maa bɛ ahonle ɛdu, na mmamaa me ahonle tu. Maa munzule ɛdo bɛ na bɔ bɛ bo zo fane nwiɔ.

Gyɛlɛmaya Buluku ne 31:12

Bɛbara bɛarado edwɛne anyelielɛ nu wɔ Zayɔn Boka, bɛ nye balie Ɛdɛnkɛma ahunlunyele ne anwo, bɛ nye balie abɛlɛ, nwanye nee nwole, yɛɛ mboane mralɛ nee nlankɛ mralɛ ne mɔ anwo. Bɛ ɛbɛlabɔlɛ bayɛ kɛ tola nu ninyɛne mɔɔ bɛgugua zolɛ nzule la, bɛ nwo ɛnrɛhyele bɛ bieko.

Yizikeɛle Buluku ne 47:12

Mbaka ngakyile dɔɔnwo bafifi azule ne anloa foa ko nee foa ko mɔɔ bɛ nzoleɛ bayɛ aleɛ bɛdi a. Bɛ nya ɛnrɛnwoso yɛɛ bɛ nzoleɛ ɛnrɛpe. Siane biala bɛbazo ma fofolɛ, ɔboalekɛ bɛ bo nzule ne vi Ɛzonlenlɛ Sua ne anu a senze ba a. Bɛbali bɛ nzoleɛ na bɛava bɛ nya ne bɛayɛ ayile.”

Dwowɛle Buluku ne 3:18

“Kenle zɔhane nwanye fɛlɛko vi awoka ne mɔ anu bazonyi, meleke baze awoka ngyikyi ne mɔ azo, nzule bayi Dwuda azule kɔsɔɔti; nzufeanvea vi Ɛdɛnkɛma Ɛzonlenlɛ Sua ne anu bazenze aze kɛ azule wɔ Akasea Bɔnza.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:5

Yizilayɛma ndanlɛ azua ne mɔ le ngɛnlɛma, O Yizilayɛma, bɛ azokoɛleɛ le kɛnlɛma.