Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:23 - BAEBOLO ANZƐƐ BULUKU NWUANZANWUANZA

²³ Mɔɔ asoaso ne nwunle Nyamenle soanvolɛ ne kɛ ɔgyi adenle ne anu na yehwe konle dadeɛ la, ɔbɔle ɔ ti kpɔkɛ nu. Beelam finle asoaso ne na ɔmanle ɔrale adenle ne anu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:23 ပူးပေါင်းရင်းမြစ်များ

2 Arl 6:17

Akee ɔzɛlɛle kɛ, “Ɛdɛnkɛma, buke me sonvolɛ ye anye maa ɔnwu debie.” Ɛdɛnkɛma diele nzɛlɛlɛ ne na ɔbukele kpavolɛ ne anye na ɔnwunle kɛ ɛlɔnema mɔɔ de senle mgbɔnwɔ zo nee senle ehwili nu la ɛbɔ ɛyia Yilaehya na bɛ somaa ɛva boka ne amuala.

1 Edk 21:16

Devidi manle ɔ nye zo la, ɔnwunle Ɛdɛnkɛma soanvolɛ ne kɛ ɔgyi anwomanyunlu, na yehwe dadeɛ wɔ Gyɛlusalɛm anwo zo. Na Devidi nee ye mgbanyima ne mɔ kɔsɔɔti mɔɔ ɛnee wula ɛrele adɛladeɛ la butubutule bɛ nye aze.

Gyɛlɛmaya Buluku ne 8:7

Akoso bɔbɔ mɔɔ lua anwomanyunlu la ze ye mekɛ; yɛɛ mɔlɔnoma, nyamenleakatiba, yɛɛ azuazuanloma ze bɛ mekɛ mɔɔ bɛsia bɛba a, noko me menli ne ɛnze medame Ɛdɛnkɛma me mɛla ne.

Daneɛle Buluku ne 10:7

Medame Daneɛle, me ngome ala a menwunle ɛnyelɛzodeɛnwunlɛ ne a. Menli mɔɔ nee me wɔ ɛkɛ ne la annwu ɛhwee. Ɛzulolɛ kpole bie hanle bɛ manle bɛnriandile bɛhɔveale.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:22

Na Nyamenle vale ɛya kɛ Beelam nee bɛ ɛlɛkɔ a. Mɔɔ Beelam de ye asoaso ne azo ɛlɛkɔ, na ye sonvolɛma nwiɔ ne li ɔ nzi la, Ɛdɛnkɛma soanvolɛ ragyinlanle ademgbole ne anu duale adenle ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:24

Akee Ɛdɛnkɛma soanvolɛ ne hɔgyinlanle vanye ɛya avule nwiɔ avinli, ɛleka mɔɔ adenle ne kye na bane wɔ ye foa nee ye foa la.

Ɛzoanvolɛma Gyima ne 22:9

Menli mɔɔ nee me lua la nwunle wienyi ne, na bɛande ɛnelɛ ne mɔɔ dendɛle hilele me la.

Dwɔhyua Buluku ne 5:13

Mɔɔ Dwɔhyua bikyele Gyɛleko la, arɛlevilɛ nu ala ɔnwunle nrenya ko kɛ ɔlɛ konle dadeɛ ɔ sa nu ɔgyi ɔ nyunlu ɛkɛ ne. Dwɔhyua hɔle ɔ nwo ɛkɛ ne na ɔbizale ye kɛ, “Ɛboka yɛ nwo anzɛɛ ɛle kpɔvolɛ?”

2 Pit 2:16

na bɛdeanle ye wɔ ɛtaneyɛlɛ nwo la agyakɛ. Asoaso bɔbɔ mɔɔ ɔde zolɛ la vale sonla ɛnelɛ dendɛle ye na ɔduale Nyamenle kpɔmanvolɛ ne ɔmanle ɔgyakyile ye ɛzɛlɛ ninyɛne ne.

Dwuudu Kɛlata ne 1:11

Abule ɛbu bɛ! Bɛva Keen agyakɛ. Bɛdoa ezukoa fɛlɛko bɛvo kɛ Beelam la. Bɛde atua kɛ Kɔla dele la, na bɛminli bɛ bo zo.