Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:12 - BAEBOLO ANZƐƐ BULUKU NWUANZANWUANZA

¹² Nyamenle zele Beelam kɛ, “Ɛ nee bɛ mmakɔ; mmayɛ nwolɛ ɛhwee, ɔluakɛ bɛyila bɛ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:2

Mebayila wɔ, meamaa wɔayɛ sonlakpole, ɛ bo zo amra adɛlɛ ayɛ maanle kpole, na ɛ nwo ayɛ aso.

2 Edk 31:10

Na Sɛlɛvolɛ Kpanyinli Azalaya, mɔɔ vi Zeedɔko sua nu la buale ye kɛ, “Sumunli kɛ bɛbɔle ɔ bo kɛ bɛ nee ahyɛlɛ ninyɛne ne mɔ ba Ɛdɛnkɛma Ɛzonlenlɛ Sua ye anu ɛke la, dahuu yɛ sa kɔ yɛ nloa, bie bɔbɔ ka. Yɛnyia ninyɛne ɛwolaa ɛhye yɛzie ɛkɛ, ɔluakɛ Ɛdɛnkɛma ɛyila ye menli ne.”

Edwɛndolɛ Buluku ne 144:15

Nyilalɛ ɛha menli mɔɔ nyilalɛ ɛhye le bɛ ɛdeɛ la! Nyilalɛ ɛha menli mɔɔ Ɛdɛnkɛma le bɛ Nyamenle la!

Edwɛndolɛ Buluku ne 146:5

Nyilalɛ ɛha sonla ne mɔɔ ye boavolɛ a le Gyekɔbo Nyamenle ne, na ye anyelazo wɔ Ɛdɛnkɛma ye Nyamenle ne nu la,

Ayezaya Buluku ne 61:9

Bɛ bo zo amra bali bɛ ti wɔ maanle maanle avinli, Bɛ mra balie duma wɔ maanle maanle avinli. Awie biala mɔɔ kɛnwu bɛ la balie bɛ ado nu, Kɛ bɛle menli mɔɔ Ɛdɛnkɛma ɛyila bɛ a.”

Maeka Buluku ne 6:5

O me menli, bɛhakye adwenle mɔɔ Mowabe Belemgbunli Beelake bɔle ye bɛ nwo, nee Biyɔ ara Beelam mualɛ mɔɔ vale manle ye la, na bɛhakye mɔɔ zile Akasea mɔɔ kɔ Gelegale adenle nu la, amaa bɛanwu nyɛleɛ mɔɔ medame Ɛdɛnkɛma mefa medie menli la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:11

maanle mumua vi Yigyibiti ɛrava ye aze na bɛva maanle ne amuala. Ɔkpondɛ kɛ meyɛ nwolɛ debie, amaa ɔ nee bɛ aho na yeadu bɛ ye maanle ne anu.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:13

Yemɔti Beelam dwazole nwonlomɔ ne na ɔhanle ɔhilele mgbanyima ne mɔɔ Beelake zoanle bɛ la kɛ, “Bɛzia bɛhɔ bɛ sua zo, ɔluakɛ Ɛdɛnkɛma se me nee bɛ mmakɔ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:6

Bɛzonle bɛtɛla yɛ, yemɔti, mesɛlɛ wɔ, bɛla na bahye bɛ sili maa me. Wɔannea a ɔkɛyɛ kɛ menwɔli bɛ nwo zo konim na meavoa bɛ meavi azɛlɛ ye azo. Ɔluakɛ meze kɛ mɔɔ ɛkɛyila ye la, bɛyila ye, yɛɛ mɔɔ ɛkɛwa ye amonle la, munzule ka ye.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:23

Sili ɛngola ɛngye Gyekɔbo, Mizemiza ɛngola Yizilayɛ; Na menli baha ye wɔ Yizilayɛma anwo kɛ, ‘Nea mɔɔ Nyamenle ɛyɛ a!’

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:3

Akee Beelam hanle hilele Beelake kɛ, “Gyinla wɔ ɛyelalɛ azubɔdeɛ ye anwo. Mekɔ meahɔnlea saa Ɛdɛnkɛma nee me kɛyia a, na edwɛkɛ biala mɔɔ ɔkɛha la, mebaraha meahile wɔ.” Yemɔti ɔdaye ɔ ngomekye ɔhɔle boka bie azo,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:8

Kɛ ɔkɛyɛ na meawa mɔɔ Nyamenle ɛtɛwale ye amonle la amonle ɛ, Kɛ ɔkɛyɛ na meakpo mɔɔ Ɛdɛnkɛma ɛtɛkpole ye la ɛ?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:9

Ɔkɔ nzia a, ɔda kɛ awenade, Awenade belɛ, ɔda a awie ɛndunwue ye. Mɔɔ kɛyila wɔ la, bɛkɛyila ye, Yɛɛ mɔɔ kɛwa wɔ amonle la, bɛkɛwa ye amonle.”

Edwɛkpa ne kɛmɔ Mateyu hɛlɛle la 27:19

Eza mɔɔ ɛnee Paelɛte de ye ndɛnebualɛ ebia ne anu la, ɔ ye dole ye nrɛlaleɛ kɛ, “Mmayɛ nrenya ne ɛhwee na ɔnze nwolɛ bie. Ɔlua yemɔ ɔ ti, menwu ɛzulolɛ kpole ɛnɛ nɔe wɔ ɛlalɛ nu.”

Wulo 11:29

Ɔluakɛ Nyamenle ɛngakyi ye adwenle ɛlɛ wɔ menli mɔɔ yekpa nu yeye bɛ na yeyila bɛ la anwo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:3

Yɛyɛ Nyamenle mɔɔ le yɛ Awulae Gyisɛse Kelaese ɔ Ze ne mo. Ɔluakɛ yelua yɛ koyɛlɛ ne mɔɔ yɛ nee Kelaese ɛyɛ la azo yeyila yɛ na yeva anwuma Sunsum nu ahyɛlɛdeɛ muala yemaa yɛ.

Mɛla 2:7

“Ɛdɛnkɛma bɛ Nyamenle ne ɛyila bɛ ɛmaa bɛ sa anloa gyima ɛyɛ boɛ ɛmaa bɛ. Ɔze bɛ ɛhɔlɛ nu nee kɛ bɛzi bɛkpɔsa fienemgbole ye anu la. Yenlea bɛ nwo zo gyɛlɛɛnye wɔ ɛvolɛ abulanla ye anu, yɛɛ bɛtɛkyianle debie biala anwo.

Mɛla 23:5

Noko Ɛdɛnkɛma bɛ Nyamenle ne andie Beelam ane; Ɛdɛnkɛma bɛ Nyamenle ne hakyile amowa ne manle ɔyɛle nyilalɛ ɔmanle bɛ, ɔluakɛ Ɛdɛnkɛma bɛ Nyamenle ne hulole bɛ.

Mɛla 28:6

“Ɛdɛnkɛma bayila bɛ, wɔ bɛ ɛhɔlɛ nee bɛ ɛralɛ nu.

Mɛla 33:29

Yizilayɛma, nyilalɛ ɛha bɛ! Nwane mɔ bɔbɔ a le kɛ bɛdabɛ a? Bɛmɛ mɔɔ Ɛdɛnkɛma ɛlie bɛ, yebɔ bɛ nwo bane, na ɔle bɛ dadeɛ bɛfa bɛdi konim a. Bɛ kpɔvolɛma badu agua bɛ nyunlu, na bɛatietia bɛ nwo zo.

Mɛla 7:14

Bɛbanyia nyilalɛ dɔɔnwo bɛadɛla maanle biala anu amra. Bɛ nrenya anzɛɛ raalɛ anzɛɛ ɛnlankɛ ɛnrɛyɛ mota.