Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:6 - BAEBOLO ANZƐƐ BULUKU NWUANZANWUANZA

⁶ Akee Ɛdɛnkɛma manle nwɔlɛ anwo ɛzulolɛ bie rakekale Yizilayɛma ne hunle bie mɔ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:6 ပူးပေါင်းရင်းမြစ်များ

Ayezaya Buluku ne 14:29

Nrɛlaleɛ ne se, “O Filisitiama amuala, bɛmmadi fɛlɛko kɛ baka ne mɔɔ bilale bɛ la ɛbubu, ɔluakɛ ɛwɔlɛ wu a, ɛwɔlɛ anwo ɛzulolɛ finde ɔ nzi, yɛɛ ɔto kolonvia a ɔbobɔ ɛwɔlɛ mɔɔ tu la.

Ayezaya Buluku ne 30:6

Nyamenle nrɛlaleɛ mɔɔ fane nane ne mɔ mɔɔ wɔ nyiakɛ ɛsɛlɛ ne azo lɔ la anwo la ɛne: “Bɛdua azɛlɛ mɔɔ nyane nee amaneɛnwunlɛ, awenade mbelɛ nee awenade nyinli, bɔna nee nwɔlɛ mɔɔ tu la wɔ zolɛ la avinli bɛfa anwonyia wɔ afunlumu nee asoaso zo bɛbɛlɛ menli mɔɔ bɛnnyia bɛ nwo zo nvasoɛ la.

Gyɛlɛmaya Buluku ne 8:17

“Bɛnlea, memaa nwɔlɛ bɔna mɔ mɔɔ awie ɛngola bɛ sili kye la arakeka bɛ. Medame Ɛdɛnkɛma a mese a.”

Yizikeɛle Buluku ne 14:15

“Saa memaa nanemgbole ba azɛlɛ ne azo kɛ bɛzɛkye debie biala, memaa azɛlɛ ne tɔ mgbane, mɔɔ nanemgbole ne mɔ ati sonla biala ɛngola ɛngɔ zolɛ la a,

1 Kɔl 10:9

Ɔnle kɛ yɛsɔ Awulae yɛnea, kɛmɔ bɛ bie mɔ yɛle a nwɔlɛ kekale bɛ hunle bɛ la.

Mɛla 8:15

Yemɔ yɛɛ ɔvale bɛ gyɛlɛɛnye ɔpɛle ɛsɛlɛ kpole azo ɛzulolɛ ne a. Ɛnee zolɛ le nwɔlɛ anwo ɛzulolɛ nee nyamenleakɛlɛ ngome, yɛɛ eza nzule ɛnle zo, noko ɔmanle nzule vi bodane nu zenle manle bɛ.