Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:34 - BAEBOLO ANZƐƐ BULUKU NWUANZANWUANZA

³⁴ Ɛdɛnkɛma zele Mosisi kɛ, “Mmasulo ye. Memaa wɔali ye nee ye menli ne kɔsɔɔti anwo zo konim na wɔava azɛlɛ ne. Yɛ ye kɛ ɛyɛle Amɔle Belemgbunli Saehɔn mɔɔ ziele Hɛhyebɔn la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:34 ပူးပေါင်းရင်းမြစ်များ

2 Sam 5:19

Devidi bizale Ɛdɛnkɛma kɛ, “Mengɔ mengɔteta Filisitiama ɔ? Ɛkɛye bɛ ɛkɛmaa me ɔ?” Ɛdɛnkɛma zele ye kɛ, “Kɔ na mebaye Filisitiama ne meamaa wɔali bɛ nwo zo konim.”

1 Arl 20:13

Nyamenle kpɔmanvolɛ bie rale Ehabe anwo ɛkɛ ne razele ye kɛ, “Ehabe, kɛ Ɛdɛnkɛma se la ɛne, ‘Wɔnwu ɛlɔne pinopino ɛhye ɔ? Mebaye bɛ meamaa wɔ ɛnɛ kenle ye, amaa wɔalie wɔado nuhua kɛ medame a mele Ɛdɛnkɛma a.’ ”

1 Arl 20:28

Nyamenle kpɔmanvolɛ rahanle hilele Yizilayɛ belemgbunli ne kɛ, “Ɛdɛnkɛma se, ‘Seleama se mame mele awoka zo Nyamenle na menle azɛlɛ mɔɔ la aze la Nyamenle. Yemɔti menli pemgbenleamgbe ne mɔɔ wɔnwu bɛ wɔ nehane la, memaa Yizilayɛma abila bɛ teledede zɛhae na wɔanwu kɛ amgba medame a mele Ɛdɛnkɛma a.’ ”

2 Arl 3:18

Ɛhye le debie ekyi wɔ Ɛdɛnkɛma anye zo. Eza ɔbaye Mowabema yeamaa bɛ

Ayezaya Buluku ne 41:13

Ɔluakɛ medame, Ɛdɛnkɛma bɛ Nyamenle, melɛ bɛ sa fema ne anu. Medame yɛɛ melɛka meahile bɛ a: Bɛmmasulo na mebaboa bɛ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:9

Bɛmmate Ɛdɛnkɛma anwo atua; yɛɛ bɛmmasulo menli mɔɔ de azɛlɛ ne azo la, ɔluakɛ bɛnle ɛhwee wɔ yɛ nye zo. Bɛ nwo banebɔlɛ ne ɛbubu, yɛɛ Ɛdɛnkɛma nee yɛ lua; bɛmmasulo, yɛbaza bɛ yɛalie bɛ debie biala.”

Mɛla 2:30

“Na Hɛhyebɔn Belemgbunli Saehɔn amkponle kɛ ɔkɛmaa yɛkɛze ye azɛlɛ ne azo. Ɔluakɛ ɛnee Ɛdɛnkɛma bɛ Nyamenle ne ɛmaa yɛsolo na yeyɛ dapele, amaa yeaye ye yeamaa bɛ, kɛmɔ ɔde kɛkala la.

Mɛla 20:3

‘Yizilayɛma, bɛdie! Ɛnɛ kenle ye bɛra kɛ bɛ nee bɛ kpɔvolɛma baho. Bɛmmamaa bɛ ahonle tu, bɛmmasulo anzɛɛ bɛmmamaa bɛ nwo wozo bɛ bɛmaa bɛ kpɔvolɛma ne anwo yɛ ɛzulolɛ.

Mɛla 3:1

“Akee yɛhakyile yɛ nwo na yɛvale Beehyan adenle zo, na Beehyan Belemgbunli Ɔɔgo vale ye ɛlɔnema amuala rayiale yɛ, na yɛvale konle ne yɛbɔle ye zo wɔ Ɛdelɛyae.

Mɛla 3:11

(Ɛnee Beehyan Belemgbunli Ɔɔgo angomekye yɛɛ ɛha wɔ Rilipeeyemma anu mɔɔ de ngoane nu a. Ye ɛkpa mɔɔ ɔda zolɛ la le bulalɛ, ye tendenle le mita nna yɛɛ ye tɛtɛlɛ le asɛɛ mita nwiɔ. Ɛkpa zɛhae tɛbɔ Amɔlema suakpole bie mɔɔ bɛfɛlɛ ye Relaba la azo kɛkala.)

Mɛla 31:6

Bɛgyinla kpundii na bɛmia bɛ nwo. Bɛmmasulo yɛɛ bɛmmamaa bɛ nwo mɔra tu. Ɔluakɛ Ɛdɛnkɛma bɛ Nyamenle ne a nee bɛ ɛlɛkɔ a. Ɔnrɛgyakyi bɛ yɛɛ ɔ rɛle ɛnrɛye bɛ ɛlɛ.”

Mɛla 7:17

“Bɛmmaka bɛkile bɛ nwo kɛ, ‘Maanle ɛhye mɔ le mgbole tɛla yɛ, na kɛ yɛkɛzi yɛkɛye bɛ ɛkɛ ne ɛ?’

Mɛla 7:18

Bɛmmasulo bɛ. Bɛhakye mɔɔ Ɛdɛnkɛma bɛ Nyamenle ne vale yɛle Yigyibiti belemgbunli ne nee ye maanlema amuala la.

Mɛla 7:21

Ɔnle kɛ bɛsulo bɛ, ɔluakɛ Ɛdɛnkɛma bɛ Nyamenle ne wɔ bɛ avinli. Ɔle Nyamenle kpole mɔɔ anwo yɛ ɛzulolɛ a.

Mɛla 7:24

Ɔbaye bɛ arelemgbunli ne mɔ yeamaa bɛ na bɛamaa bɛ aluma aminli ewiade ye anu. Awie biala ɛnrɛhola bɛ nyunlu gyinla, kɔkpula kɛ bɛkɛzɛkye menli zɔhane mɔ kɔsɔɔti la.

Dwɔhyua Buluku ne 10:25

Akee Dwɔhyua zele safohyenlema ne kɛ, “Bɛmmasulo yɛɛ bɛmmamaa bɛ nwo bubu bɛ. Bɛgyinla ye mrenya zo na bɛmaa bɛ nwo ɛyɛ se, ɔluakɛ ɛhye yɛɛ Ɛdɛnkɛma bava ayɛ bɛ kpɔvolɛma mɔɔ bɛ nee bɛ baho la a.”

Dwɔhyua Buluku ne 10:8

Ɛdɛnkɛma zele Dwɔhyua kɛ, “Mmasulo bɛ na meva konimlilɛ memaa wɔ dɛbadɛba. Bɛ nuhua ko bɔbɔ ɛnrɛhola ɛ nyunlu gyinla.”

Dwɔhyua Buluku ne 8:7

na bɛmɛ bɛavinde arɛlevilɛ nu bɛarava suakpole ne. Ɛdɛnkɛma bɛ Nyamenle ne baye sua ne amaa bɛ.

Maanlebuvolɛma Buluku ne 11:30

Na Gyɛfeta bɔle ɛwɔkɛ wɔ Ɛdɛnkɛma anyunlu kɛ, “Ɛdɛnkɛma, saa ɛmaa medi Amɔnoma anwo zo konim,

1 Sam 23:4

Yemɔti Devidi eza bizale Ɛdɛnkɛma bieko, na Ɛdɛnkɛma zele ye kɛ, “Dwazo kɔ Kiayela, ɔluakɛ mebaye Filisitiama meamaa wɔ.”