Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:29 - BAEBOLO ANZƐƐ BULUKU NWUANZANWUANZA

²⁹ Munzule ɛha wɔ, O Mowabe! Bɛmɛ mɔɔ bɛsonle Kimɔhye! Bɛ awieleɛ ɛwie bɛ! Yemaa ɔ mra mrenya ɛyɛ nriandivoma, Na ɔ mra mraalɛ ɛdɔ donvula Wɔ Amɔle Belemgbunli Saehɔn asa anu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:29 ပူးပေါင်းရင်းမြစ်များ

1 Arl 11:33

Ɔboalekɛ Sɔlɔmɔn ɛkpo me yehɔzonle Saedɛn bozonle raalɛ Asetate nee Mowabe bozonle Kimɔhye nee Amɔn bozonle Melekɔn ne. Sɔlɔmɔn ɛdu me nloa ɛdo. Yeyɛ ɛtane, kɛmɔ ɔ ze Devidi yɛle la.

1 Arl 11:7

Ɔzile Mowabe bozonle anwo ɛzulolɛ ne mɔɔ bɛfɛlɛ ye Kimɔhye la yɛɛ Amɔn bozonle anwo ɛzulolɛ ne mɔɔ bɛfɛlɛ ye Molɛke la mmonle azua wɔ boka ne mɔɔ wɔ Gyɛlusalɛm aduduleɛ la azo.

2 Arl 23:13

Dwosaya eza zɛkyele azukponle ne mɔɔ Belemgbunli Sɔlɔmɔn zile wɔ Gyɛlusalɛm aduduleɛ, wɔ Ɔlivi Boka ne nyiakɛ kɛ bɛva bɛzonle Saedɛn bozonle raalɛ Asetate, Mowabe bozonle Kimɔhye, nee Amɔn bozonle ne la.

Ayezaya Buluku ne 15:5

Medi Mowabema anwo nyane. Maanle ne anu amra nriandi kɔfea Zowaa nee Ɛgelate Hyɛlehyaya. Bie mɔ fo boka ne kɔ Luhete kɔsu; bɛdwu Hɛloneeyem adenle nu a bɛsu toonwo asɛɛ debie yɛ bɛ.

Ayezaya Buluku ne 16:2

Bɛdwu Azule Anɔn ne anloa a bɛdi tutɛnla kɛ nloma mɔɔ bɛvoa bɛ wɔ bɛ sane nu la.

Gyɛlɛmaya Buluku ne 48:13

Na Mowabe anyunlu bagua aze, ɔlua ye bozonle Kimɔhye ati, kɛmɔ Yizilayɛma anyunlu guale aze wɔ Bɛtɛle mɔɔ ɛnee bɛ rɛle wɔ ye nu la.

Gyɛlɛmaya Buluku ne 48:45

Menli nriandi kɔtane Hɛhyebɔn, noko bɛnnyia gyinlagyakɛ, ɔboalekɛ senle ɛdɔ Hɛhyebɔn. Belemgbunli Saehɔn suakunlu ɛkɛ ne ɛlɛyela. Senle ɛzɛkye Mowabe anyunlunyia ne mɔɔ ye ɛlɔnema fa tu bɛ nwo la.

Gyɛlɛmaya Buluku ne 48:46

O Mowabema, bɛ gyakɔ! Bɛzɛkye menli ne mɔɔ sonle bozonle Kimɔhye la, na bɛhye bɛ mra mrenya nee bɛ mra mraalɛ nuokɛ bɛhɔ nlɔnu.

Gyɛlɛmaya Buluku ne 48:7

“Bɛvale bɛ rɛle bɛwulale bɛ anwosesebɛ nee bɛ anwonyia nu, yemɔti bɛbavo bɛ nwo zo; bɛbava bɛ bozonle Kimɔhye, ye ahɔmenle yɛɛ bɛ mgbanyima bɛahɔ nlɔnu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:17

Menwu ye, na tɛ kɛkala ɔ; Me nye gyi nwo, noko ɔmbikye. Belemgbunli bavinde Yizilayɛ, Tumi kpole badwazo Yizilayɛ. Ɔbali Mowabe mgbanyima anwo zo konim Na yeabɛlɛ Sɛte abo zo amra aze.

Maanlebuvolɛma Buluku ne 11:24

Duzu ati yɛɛ bɛnrɛhɔva bɛ maanle ɛdeɛ ne mɔɔ bɛ nyamenle Kimɔhye ne ɛva ɛmaa bɛ la ɛ? Ɔluakɛ azɛlɛ biala mɔɔ Ɛdɛnkɛma, yɛ Nyamenle ne ɛva ɛmaa yɛ la, sinli bɔbɔ, yɛnrɛgyakyi nu.