Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:24 - BAEBOLO ANZƐƐ BULUKU NWUANZANWUANZA

²⁴ Na Yizilayɛma ne hunle ye na bɛvale ye maanle ne, ɔvi Azule Anɔn ne anloa ɔhɔdwule Azule Gyabɔko ne anloa, toonwo bɛdwule Amɔlema ɛweɛne zo wɔ Gyeezɛ, ɔboalekɛ Amɔlema azɛlɛ ne anloa pɛ Gyeezɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:24 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:22

Kenle ko ne nɔe ne ala Gyekɔbo vale ye mraalɛ nwiɔ ne, ye sonvolɛ mraalɛ nwiɔ ne, yɛɛ ye ngakula bulu nee ko ne amuala pɛle Azule Gyeebɔko ne wɔ ye ɛleka mɔɔ bɛkola bɛwudwu bɛpɛ la.

Nihɛmaya Buluku ne 9:22

“Ɛmanle bɛlile maanle maanle mɔɔ nee bɛ bɔ ɛweɛne la anwo zo konim, na ɛhyɛle bɛ azɛlɛ ne mɔ ɛmanle bɛ. Bɛhonle bɛvale Hɛhyebɔn azɛlɛ ne mɔɔ Saehɔn di zo belemgbunli la, yɛɛ Beehyan maanle ne mɔɔ Ɔɔgo di nu belemgbunli la.

Edwɛndolɛ Buluku ne 136:19

Amɔle Belemgbunli Saehɔn; ɔluakɛ ye ɛhulolɛ kpundii ne wɔ ɛkɛ dahuu.

Emɔzo Buluku ne 2:9

“Noko bɛmɛ bɛ ti, menzɛkyele Amɔlema, mɔɔ bɛ ndendenle le kɛ sida mbaka na bɛ anwosesebɛ le kɛ oku mbaka la bɔkɔɔ membɔle bɛ bo zo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:13

Eza bɛvi ɛkɛ ne bɛdule bɛ bo bɛrazokoɛle Azule Anɔn ne sɔlɔ afoa nu fienemgbole ne mɔɔ di kɔ Amɔle maanzinli nu la anu. (Azule Anɔn le ɛweɛne mɔɔ la Mowabema nee Amɔlema avinli a.)

Mɛla 1:4

Mekɛ ne anu ɛnee Mosisi ɛli Amɔle Belemgbunli Saehɔn mɔɔ de Hɛhyebɔn la anwo zo konim. Ɛnee eza yeli Beehyan Belemgbunli Ɔɔgo mɔɔ de Ahyetalo nee Ɛdelɛyae la anwo zo konim.

Mɛla 29:7

Mɔɔ bɛradwule ɛke la, Hɛhyebɔn Belemgbunli Saehɔn nee Beehyan Belemgbunli Ɔɔgo rale kɛ bɛ nee yɛ baho, na yɛlile bɛ nwo zo konim.

Mɛla 3:16

na menvale azɛlɛ ne mɔɔ vi Geleade toonwo kɔdwu Azule Anɔn bɔnza ne anu la memanle Wulubɛn nee Gaade mbusua ekpunli ne mɔ. Bɛ ɛweɛne ne la bɔnza ne avinli toonwo ɔkɔkpula Azule Dwɔdan ne anloa, wɔ Amɔnoma ɛweɛne zo.

Mɛla 31:4

Ɛdɛnkɛma bayɛ bɛ kɛ ɔyɛle Amɔle Arelemgbunli Saehɔn nee Ɔɔgo nee bɛ azɛlɛ ne mɔ la. Ɔzɛkyele bɛ bɔkɔɔ.

Dwɔhyua Buluku ne 13:12

Belemgbunli Ɔɔgo, mɔɔ ɔ ngome a ɔhale Relɛfeeyem menli ekpunli ne anu, na ɔlile belemgbunli wɔ Ahyetalo nee Ɛdelɛyae la belemgbunli maanle ne boka nwolɛ. Mosisi lile menli ɛhye mɔ anwo zo konim na ɔvoanle bɛ.

Dwɔhyua Buluku ne 24:8

Akee menvale bɛ membale Amɔlema azɛlɛ zo wɔ Dwɔdan aduduleɛ. Amɔlema nee bɛ honle, noko memanle bɛlile Amɔlema anwo zo konim. Bɛvale Amɔlema azɛlɛ ne, na mɔɔ bɛkɛze kɛ bɛkɔ bɛ nyunlu la ɛnee melɛsɛkye bɛ kpɔvolɛma ne meamaa bɛ.

Dwɔhyua Buluku ne 9:10

nee mɔɔ ɔvale ɔhilele Amɔle arelemgbunli nwiɔ ne mɔɔ wɔ Dwɔdan ne anzi mɔɔ di kɔ aduduleɛ la. Arelemgbunli ɛhye mɔ a le Saehɔn, mɔɔ le Hɛhyebɔn belemgbunli ne nee Ɔɔgo mɔɔ le Beehyan belemgbunli ne mɔɔ dɛnlanle Ahyetalo la.

Maanlebuvolɛma Buluku ne 10:11

Na Ɛdɛnkɛma zele Yizilayɛma kɛ, “Na meanlie bɛ meanvi Yigyibitima, Amɔlema, Amɔnoma, yɛɛ Filisitiama asa anu ɔ?

Maanlebuvolɛma Buluku ne 11:13

Amɔn belemgbunli ne buale Gyɛfeta soanvolɛma ne kɛ, “Semunli ne a le kɛ, mɔɔ Yizilayɛma vi Yigyibiti rale la, bɛvale me azɛlɛ, ɔvi Azule Gyabɛke ne anloa toonwo ɔkɔgua Azule Dwɔdan ne anloa. Saa bɛkpondɛ anzonudwolɛ a, ɛnee bɛva me azɛlɛ ne bɛmaa me.”

Maanlebuvolɛma Buluku ne 21:8

Na bɛbizale kɛ, “Yizilayɛ abusua ekpunli ne boni anu amra a bɛ muala bɛamba Ɛdɛnkɛma nyianu ne wɔ Mezepa a?” Na bɛnwunle kɛ awie ko bɔbɔ vi Gyeebɛhye Geleade amba nyianu ne.