Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:16 - BAEBOLO ANZƐƐ BULUKU NWUANZANWUANZA

¹⁶ Bɛvi ɛkɛ ne la, bɛhɔle Biiyɛ, yemɔ a le bula ne mɔɔ ɛkɛ ne a Ɛdɛnkɛma zele Mosisi kɛ, “Boɔboa menli ne anloa na menwɔmaa bɛ nzule la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:16 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 21:19

Akee Nyamenle bukele ɔ nye, na Heega nwunle bula bie mɔɔ nzule wɔ nu la, na ɔhɔle nwolɛ ɔhɔzale bie ɔguale ye nwoma kodoku ne anu ɔmanle ɔyile na ɔnloanle ɔ ra ne bie.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 17:6

Nea, mebagyinla bodane bie azo wɔ ɛ nyunlu wɔ Saenae Boka; ɛbava wɔ kpɔma ne wɔabɔ bolɛ ne, na nzule vi nu bara, amaa menli ne anyia bie anlo.” Na Mosisi yɛle ye zɔhane wɔ Yizilayɛ mgbanyima ne mɔ anyunlu.

Ayezaya Buluku ne 12:3

Ɛbava fɛlɛkolilɛ wɔado nzule wɔavi ngoanelielɛ bula ne mɔ anu.

Ayezaya Buluku ne 15:8

Ɛzunlɛ ɛde Mowabe maanle ne anu ɛleka biala. Ɛzunlɛ ne ɛdwu Yigeleeyem nee Biyɛyilem.

Ayezaya Buluku ne 43:20

Nanemgbole bali me eni, ɛzonlɛ nee soholo ne mɔ kɔsɔɔti, ɔluakɛ memaa nzule finde fienemgbole nu, yɛɛ memaa azule da ɛsɛlɛ zo, amaa me menli ne mɔɔ mekpa nu meye bɛ, me menli ne mɔɔ mebɔ bɛ memaa me nwo la, anyia bie anlo na bɛaye me ayɛlɛ.”

Ayezaya Buluku ne 49:10

Ɛhɔne anzɛɛ nzuhɔne ɛnrɛhu bɛ, sɛnzɛne anzɛɛ anwoma wuluwulu ɛnrɛbɔ bɛ, ɔluakɛ ahenle mɔɔ nwu bɛ anwunvɔne la bali bɛ ti, yɛɛ ɔbava bɛ yeahɔ nzubula nwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 20:8

“Fa kpɔma ne na ɛ nee ɛ diema Aalɔn bɛboɔboa menli ne anloa. Wɔ bɛ nye zo ɛkɛ ne, ka kile bodane ne mɔɔ la bɛ nyunlu ɛkɛ ne la kɛ ɔkpu nzule, na nzule vi nuhua bara na wɔanyia nzule wɔamaa menli ne nee bɛ nyɛmoa anlo.”

Dw 4:10

Gyisɛse buale kɛ, “Saa ɛze kɛ Nyamenle ahyɛlɛdeɛ ne si de, nee ahenle mɔɔ ɛlɛsɛlɛ wɔ nzule ne la a, anrɛɛ wɔbiza ye wɔmaa yemaa wɔ ngoane nzule.”

Dw 4:14

na mɔɔ kɛnlo nzule ne mɔɔ mebava meamaa ye la bie la, nzuhɔne ɛnrɛhu ye ɛlɛ. Nzule ne mɔɔ mebava meamaa ye la bahakyi nzubula wɔ ye nu mɔɔ bamaa ye ngoane nzule nee ngoane mɔɔ ɛnlɛ awieleɛ a.”

Yekile 21:6

Na ɔzele me kɛ, “Bɛwie debie biala yɛ! Mame a mele ‘Alefa’ nee ‘Omiga’ ne a, mɔlebɛbo ne nee awieleɛ ne. Awie mɔɔ nzuhɔne ɛlɛku ye la mebamaa ye nzubula ne mɔɔ maa ngoane la anu nzule ne bie yeanlo mɔɔ ɔndua ɛhwee a.

Yekile 22:1

Nyamenle soanvolɛ ne eza hilele me nzule ne mɔɔ maa ngoane la azudenle ne. Ɔ nye le kɔngyekɔngye kɛ neanleɛ, na ɔse ɔvi Nyamenle nee Boaneralɛ ne belemgbunli ebia kpole ne abo,

Yekile 22:17

Na Sunsum ne nee Atɔfolɛ ne se, “Bɛla!” Awie mɔɔ kɛde la ɔdaye ɔha kɛ, “Bɛla!” Bɛdabɛ mɔɔ nzuhɔne ɛlɛku bɛ la, bɛrɛla bɛralie nzule mɔɔ maa ngoane la bɛnlo. Ɔle ahyɛlɛdeɛ, bɛndɔ. Bɛdabɛ mɔɔ bɛkulo la, bɛranlo bie.

Maanlebuvolɛma Buluku ne 9:21

Na Dwotam nriandile hɔle Biyɛ, ɔhɔdɛnlanle ɛkɛ, ɔluakɛ ɔsulo ɔ diema Abemɛlɛke.