Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 20:5 - BAEBOLO ANZƐƐ BULUKU NWUANZANWUANZA

⁵ Duzu ati a bɛye yɛ bɛvi Yigyibiti bɛ nee yɛ ɛra munzule azɛlɛ ɛhye azo a? Ɔnle azɛlɛ bɔbɔ mɔɔ fifi ma, anzɛɛ feege, anzɛɛ vanye, anzɛɛ ma mɔɔ le kɛ akutue la; yɛɛ yɛnnyia nzule yɛnno.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 20:5 ပူးပေါင်းရင်းမြစ်များ

Nihɛmaya Buluku ne 9:21

Ɛvolɛ abulanla, wɔ fienemgbole ne anu, ɛmanle bɛ debie biala mɔɔ bɛhyianle nwolɛ la; bɛ ndanlɛ antete yɛɛ bɛ gyakɛ amkpomgba ɛlɛ.

Gyɛlɛmaya Buluku ne 2:2

“Kɔha kile Gyɛlusalɛmma kɛ Ɛdɛnkɛma se, ‘Mekakye wɔ ngakula nu nɔhalɛlilɛ ne, ɛhulole me kɛ atɔfolɛ raalɛ la, ɛdoale me wɔ fienemgbole ne anu, azɛlɛ mɔɔ bɛtɛduale debie biala zolɛ la azo.

Gyɛlɛmaya Buluku ne 2:6

Bɛambiza kɛ, ‘Ɛdɛnkɛma mɔɔ yele yɛ vile Yigyibiti, Ɛdɛnkɛma mɔɔ vale yɛ pɛle fienemgbole ne, azɛlɛ mɔɔ le ɛsɛlɛ nee ahuma ahuma, mɔɔ ezule ɛndɔ zo na awozinli kabii ɛva ye, mɔɔ awie ɛnva zo, yɛɛ awie ɛnde zo la wɔ nienwu?’

Yizikeɛle Buluku ne 20:36

Kɛ menzile mendeanle bɛ ze mɔ wɔ Saenae Fienemgbole nu la, zɔhane ala yɛɛ mebadea bɛdabɛ noko a. Medame Awulae Nyamenle a mese a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:14

Ɛtɛfale yɛ ɛtɛbale azɛlɛ biala mɔɔ kye aleɛ la azo, yɛɛ ɛtɛmanle yɛ egyinli nee vanye egyinli biala kɛ yɛ ti anwo yɛ ɛdeɛ ɔ. Ndaneani yɛɛ ɛlɛyɛ yɛ a. Yɛnrɛra ɛnɛ, yɛnrɛra ɛhyema!”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 20:24

“Aalɔn ɛnrɛvo azɛlɛ ne mɔɔ meva memaa Yizilayɛma la azo, ɔbawu, ɔluakɛ bɛ mu nwiɔ bɛbulule me mɛla zo wɔ Mɛleba azule ne anloa.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 27:14

Ɔboalekɛ bɛ mu nwiɔ bɛbulule me mɛla zo wɔ Zen fienemgbole ne anu. Mekɛ mɔɔ menli ne kɔsɔɔti dendɛle tiale me wɔ Mɛleba la, bɛkpole kɛ bɛnrɛmaa menli ne ɛnrɛnwu me tumi nwuanzanwuanza ne.” (Mɛleba le nzubula wɔ Keedɛhye mɔɔ wɔ Zen fienemgbole ne anu la.)

Mɛla 8:15

Yemɔ yɛɛ ɔvale bɛ gyɛlɛɛnye ɔpɛle ɛsɛlɛ kpole azo ɛzulolɛ ne a. Ɛnee zolɛ le nwɔlɛ anwo ɛzulolɛ nee nyamenleakɛlɛ ngome, yɛɛ eza nzule ɛnle zo, noko ɔmanle nzule vi bodane nu zenle manle bɛ.