Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 2:18 - BAEBOLO ANZƐƐ BULUKU NWUANZANWUANZA

^18-24 “Wɔ adɔleɛ afoa nu, menli mɔɔ wɔ Yifelaem abusua ne fɛlɛnra ne abo la a badɛnla ɛkɛ a. Bɛ mgbanyima a le ɛhye mɔ: Abusua Ekpunli Abusua Kpanyinli Bɛ Dodo Yifelaem Amehɛde ara nrenya Yilaehyama 40,500 Manasɛ Pɛdaazɛ ara nrenya Gameeleɛle 32,200 Bɛngyaman Gedɔyonae ara nrenya Abaedan 35,400 Bɛ muala bɛ dodo le apenle ngoko ɛya ko nee mɔtwɛ, ɛya ko. Yifelaem ekpunli ɛdeɛ ne a badɔ zolɛ nsa a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 2:18 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:5

Gyekɔbo zɔle zolɛ hanle kɛ, “Kɛkala, ɛ mra nwiɔ ne mɔɔ ɛwole bɛ wɔ Yigyibiti ɛke kolaa na meara la le me ɛdeɛ. Yifelaem nee Manasɛ le me mra, kɛmɔ Wulubɛn nee Semɛyɔn de ala la.

Gyɛlɛmaya Buluku ne 31:9

Yizilayɛma bava ɛzunlɛ ara, mebakyekye bɛ rɛle, meava bɛ meazia meara sua nu, mebava bɛ measianle azudenle nloa, bɛbalua ademgbole fɔɔnwo mɔɔ bɛnrɛdu koti nu la anu, ɔluakɛ mele selɛ memaa Yizilayɛ, yɛɛ me belamunli ralɛ nrenya a le Yifelaem.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 10:22

Menli mɔɔ wɔ Yifelaem abusua ekpunli ne anu la toa zolɛ. Amehɛde ara nrenya Yilaehyama a li bɛ ti a.

Mɛla 33:17

Dwosefi anwosesebɛ le kɛ ɛnlankɛ nyinli, ye mɛne ɛsesebɛ le kɛ ɛnlankɛ kokonyinli. Ye mɛne le Manasɛ ɛdeɛ apenle, ɔle Yifelaem ɛdeɛ apenle bulu. Ɔfa ɔpia maanle maanle ne mɔ, ɔpia bɛ toonwo ɔkɔ ewiade ati nee ɔ bo.”