Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:22 - BAEBOLO ANZƐƐ BULUKU NWUANZANWUANZA

²² Debie biala mɔɔ sonla mɔɔ evinli ɛha ye la kɛzɔ nu la ɛnee evinli ɛha ye, yɛɛ awie mɔɔ kɛva ɔ sa kɛha deɛ ne la anwo ɛnde toonwo ɔkɔdwu nɔsolɛ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:22 ပူးပေါင်းရင်းမြစ်များ

Sɛlɛ 15:1

Ɛdɛnkɛma zele Mosisi nee Aalɔn kɛ,

Sɛlɛ 15:10

Yemɔti awie biala mɔɔ kɛva ɔ sa kɛha debie biala mɔɔ ɔdɛnlanle zolɛ la evinli baha ye toonwo nɔsolɛ; yɛɛ awie mɔɔ kɛzoa debie zɛhae bie la, ɔwɔ kɛ ɔkpo ye adɛladeɛ na ɔbia, yɛɛ ɔ nwo ɛnrɛde toonwo nɔsolɛ.

Sɛlɛ 15:11

Awie biala mɔɔ sonla mɔɔ ye mrenyanu twi nide la anrinzi ɔ sa anwo na ɔ nwo kɛha ye la, ɛnee evinli ɛha ye. Ɔwɔ kɛ ɔkpo ye adɛladeɛ ne mɔ na ɔbia, yɛɛ ɔ nwo ɛnrɛde toonwo nɔsolɛ.

Sɛlɛ 15:21

Awie biala mɔɔ anwo kɛha ye ɛkpa anzɛɛ debie biala mɔɔ ɔkɛdɛnla zolɛ la, ɔwɔ kɛ ɔkpo ye adɛladeɛ ne mɔ na ɔbia, yɛɛ ɔ nwo ɛnrɛde toonwo nɔsolɛ.

Sɛlɛ 15:27

Awie biala mɔɔ anwo kɛha ninyɛne ɛhye mɔ biala la anwo ɛnde. Ɔwɔ kɛ ɔkpo ye adɛladeɛ ne mɔ na ɔbia, yɛɛ ɔ nwo ɛnde toonwo nɔsolɛ.

Sɛlɛ 15:5

Awie biala mɔɔ kɛva ɔ sa kɛha ahenle zɔhane ɛkpa la, ɔwɔ kɛ ɔkpo ye adɛladeɛ na ɔbia ɔ nwo, yɛɛ ɔwɔ evinli nu toonwo nɔsolɛ.

Sɛlɛ 15:6

Awie biala mɔɔ kɛdɛnla debie biala mɔɔ sonla ne mɔɔ ye mrenyanu twi nide la ɛdɛnla zolɛ la azo la, ɔwɔ kɛ ɔkpo ye adɛladeɛ ne mɔ na ɔbia; yɛɛ ɔwɔ evinli nu toonwo nɔsolɛ.

Sɛlɛ 15:7

Awie biala mɔɔ anwo kɛha sonla mɔɔ ye mrenyanu twi nide la, ɔwɔ kɛ ɔkpo ye adɛladeɛ na ɔbia, yɛɛ ɔwɔ evinli nu toonwo nɔsolɛ.

Sɛlɛ 15:8

Saa awie mɔɔ ye mrenyanu twi nide la to nyɛlɛ awie mɔɔ anwo te la anwo a, ahenle mɔɔ bɛdole nyɛlɛ ne ɔ nwo la anwo ɛnde. Ɔwɔ kɛ ɔkpo ye adɛladeɛ ne mɔ na ɔbia, yɛɛ ɔ nwo ɛnrɛde toonwo nɔsolɛ nu.

Sɛlɛ 22:5

Awie mɔɔ kɛva ɔ sa kɛha nane mɔɔ twenle ɔ nwo aze, anzɛɛ kɛva ɔ nwo kɛha awie mɔɔ evinli ɛha ye la, saa duzu a ɔyɛle o, saa duzu ewule a hanle ye o, ɔdaye noko evinli ɛha ye.

Sɛlɛ 22:6

Awie biala mɔɔ evinli kɛha ye wɔ ndenle zɛhae mɔ bie anu la anwo ɛnrɛde toonwo aledwolɛ, yɛɛ ɔnle kɛ ɔdi aleɛ nwuanzanwuanza ne bie, kyesɛ ɔbia kolaa.

Sɛlɛ 5:2

“Anzɛɛ saa awie annwu ye na ɔ nwo ka debie mɔɔ anwo ɛnde la, saa nane bie funli o, saa ɛnlankɛ funli o, saa ngɛkɛba mɔɔ tu la bie funli o, na saa nzinlii ɔnwu ye a, ɔdi fɔlɛ; evinli ɛha ye.

Sɛlɛ 5:3

“Anzɛɛ saa ɔ nwo ka awie mɔɔ anwo ɛnde la, saa duzu debie yɛɛ manle evinli hanle ahenle ne bɔbɔ a, saa ɔnze na nzinlii ɔnwu ye a, ɔdi fɔlɛ.

Sɛlɛ 7:19

Nane mɔɔ kɛha debie mɔɔ anwo ɛnde la, ɔnle kɛ bɛdi Ɔwɔ kɛ bɛyela ye. “Awie biala mɔɔ anwo te la kola di nane ne bie.

Sɛlɛ 7:21

Zɔhane ala yɛɛ ɔwɔ kɛ bɛyɛ awie biala mɔɔ anwo kɛha debie mɔɔ anwo ɛnde la, saa sonla o, nane o, anzɛɛ kyibadeɛ biala, na ɔkɛli anzonudwolɛ azubɔdeɛ ne mɔɔ bɛva bɛbɔ azu bɛmaa Ɛdɛnkɛma la aleɛ ne bie la a. Ɔwɔ kɛ bɛye sonla zɔhane bɛfi ye menli ne avinli.”

Hagae Buluku ne 2:13

Na Hagae bizale bɛ kɛ, “Saa awie mɔɔ ɛva ɔ sa ɛha funli na ɔ nwo ɛnde la fa ɔ sa ka ninyɛne ɛhye mɔ bie a, ɔmaa ɔyɛ aleɛ mɔɔ anwo ɛnde la ɔ?” Sɛlɛvolɛma ne mɔ buale kɛ, “Ɛhɛe, ɔyɛ aleɛ mɔɔ anwo ɛnde la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:7

Ɔyɛ ɛhye ɔwie a akee ɔkpo ye adɛladeɛ ne mɔ, ɔbia ɔ nwo na ɔzia ɔhɔ azokoɛleɛ ne bieko, noko ɛnee ɔtɛbɔ evinli nu, kyesɛ nɔsolɛ nu kolaa na yeawie ye evinli ne tu.