Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:19 - BAEBOLO ANZƐƐ BULUKU NWUANZANWUANZA

¹⁹ Kenle nsa ne nee kenle nsuu ne azo yɛɛ awie mɔɔ evinli ɛnle ɔ nwo la fa nzule ne kponde ahenle ne mɔɔ evinli ɛha ye la anwo a. Ye kenle nsuu ne azo, ɔnua ye na ahenle ne kpo ye adɛladeɛ na ɔbia ɔ nwo. Ye nɔsolɛ nu ɛnee ɔ nwo evinli ne ɛdu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:19 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:2

Kenle nsuu ne azo, Nyamenle wiele ye gyima ne yɛ bɔkɔɔ na ɔliele ye ɛnwomenle wɔ kenle nsuu ne azo, na ɔyele ɔ sa ɔvile gyima mɔɔ yeyɛ la amuala anwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:10

Na Ɛdɛnkɛma zele Mosisi kɛ, “Kɔ na kɔnlua menli ne ɛnɛ nee ɛhyema, bɛkpo bɛ nwo ninyɛne,

Yizikeɛle Buluku ne 36:25

Mebakponde nzule mɔɔ anye te la bɛ nwo, na bɛ nwo bade avi bɛ ɛtane biala nee bɛ mmonle mɔɔ bɛzonlenle la anwo.

Sɛlɛ 14:7

na yeakponde ye ahenle ne mɔɔ bɛnua ye la anwo fane nsuu, na akee yeado duma kɛ ɔ nwo ɛde, na yeadwula anloma anyewɔzo ne yeamaa yeahɔ.

Sɛlɛ 14:9

Kenle nsuu ne azo ɔbakpa ɔ ti bieko, yeakpa ɔ kɛsa, ɔ nye anzi nee ɔ nwo enrinli biala. Ɔbakpo ye adɛladeɛ ne mɔ na yeabia, ɛnee akee ɔ nwo ɛde.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:12

Ɔwɔ kɛ ɔfa nzule ɔbia ɔ nwo wɔ kenle nsa ne nee kenle nsuu ne azo kolaa na ɔ nwo evinli ne adu. Na saa kenle nsa ne nee kenle nsuu ne azo yeanva nzule yeambia ɔ nwo a, evinli ne ɛnrɛdu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:13

Awie biala mɔɔ kɛva ɔ sa kɛha funli na yeambia ɔ nwo la anwo ɛnde. Ɔgua Ɛdɛnkɛma Ndanlɛ Sua ne anwo evinli, yɛɛ ɔnle kɛ ɔboa Nyamenle menli ne mɔ avinli, ɔboalekɛ bɛtɛwolale nzule ne mɔɔ bɛfa bɛnua evinli la bie bɛtɛguale ɔ nwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:18

Akee sonla mɔɔ evinli ɛnle ɔ nwo la ɛva nyinlanyinla ɛbɔ nzule ne anu ɛkponde ndanlɛ sua ne nee ninyɛne mɔɔ bɛva bɛziezie nu, menli mɔɔ wɔ ɛkɛ, yɛɛ ahenle ne mɔɔ vale ɔ sa hanle sonla funli bowule ne, anzɛɛ sonla ne mɔɔ bɛhunle ye, anzɛɛ funli ne, anzɛɛ sɛka ne la kɔsɔɔti anwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:19

Awie biala mɔɔ ɛhu sonla anzɛɛ ɛva ɔ sa ɛha funli la ɛhɔdɛnla azokoɛleɛ ne kandiba toonwo kenle nsuu. Kenle nsa ne nee kenle nsuu ne azo, bɛnlua bɛ nwo na bɛnlua menli mɔɔ bɛhyele bɛ wɔ konle ne anu la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:24

Kenle nsuu ne azo, bɛkpo bɛ nwo ninyɛne, na bɛ nwo kɛde na akee bɛara azokoɛleɛ ɛkɛ.”

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Kɛlata mɔɔ bɛhɛlɛle bɛhɔmanle Hibuluma la 10:22

bɛmaa yɛva ahonle kpalɛ nee diedi mɔɔ si pi, ahonle mɔɔ bɛde nwolɛ bɛvi adwenle nu fɔlɛlilɛ nwo, nee sonlabaka mɔɔ bɛva nzule anye komikomi bɛbia ye la yɛhwe yɛbikye Nyamenle.

1 Dw 1:7

Na saa yɛdua wienyi nu, kɛmɔ Nyamenle de wienyi nu la a, ɛnee yɛle agɔnwolɛma, na ɔ Ra Gyisɛse mogya ne mɔɔ ɔhwinle ɔguale la te yɛ nwo fi ɛtane biala anwo.

Dwuudu Kɛlata ne 1:23

Bɛhwe bie mɔ bɛvi sendɔlɔra ne anu, bɛlie bɛ ngoane. Bɛva ɛzulolɛ bɛze bie mɔ anwunvɔne, na bɛhyi bɛ adɛladeɛ ne mɔ mɔɔ bɛ ɛtane atiakunluwɔzo ɛheha nu la.