Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:13 - BAEBOLO ANZƐƐ BULUKU NWUANZANWUANZA

¹³ Awie biala mɔɔ kɛva ɔ sa kɛha funli na yeambia ɔ nwo la anwo ɛnde. Ɔgua Ɛdɛnkɛma Ndanlɛ Sua ne anwo evinli, yɛɛ ɔnle kɛ ɔboa Nyamenle menli ne mɔ avinli, ɔboalekɛ bɛtɛwolale nzule ne mɔɔ bɛfa bɛnua evinli la bie bɛtɛguale ɔ nwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:13 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 30:33

Awie biala mɔɔ kɛyɛ ye ko ne ala bie, anzɛɛ awie biala mɔɔ kɛva bie kɛkpokpa awie gyɛne biala la, bɛye ye bɛvi ye menli ne avinli.’ ”

Mrɛlɛbulɛ Buluku ne 14:32

Amumuyɛnli ninyɛndane ɛyɛlɛ maa ɔkpo aze, na tenlenenli nyia ɛvealeka wɔ ye nɔhalɛlilɛ nwo.

Yizikeɛle Buluku ne 44:26

Saa evinli ka ye a, ɔwɔ kɛ ɔnyia kenle nsuu na ɔ nwo evinli ne adu.

Sɛlɛ 15:31

“ ‘Zɛhae yɛɛ ɛbayɛ wɔava wɔade Yizilayɛma anwo wɔ evinli mɔɔ kɛha bɛ la anwo a, amaa bɛanva evinli bɛanga me Ndanlɛ Sua ne mɔɔ gyi bɛ avinli la na bɛawu.’ ”

Sɛlɛ 20:3

Medame mumua ne mebava me nye meawula sonla zɔhane anyunlu, na meaye ye meavi ɔdaye ye menli avinli. Mebayɛ ɛhye, ɔboalekɛ yeva ɔ ra yebɔ azu yemaa bozonle Molɛke, yegua me Ɛzonlenlɛ Ɛleka nwuanzanwuanza ne anwo evinli na yezɛkye me duma.

Sɛlɛ 22:3

Ka kile bɛ kɛ, wɔ awolɛndoazo kɔsɔɔti anu, saa evinli ka bɛ bo zo amra ne anu bie, na ɔzo ɔluolua ninyɛne nwuanzanwuanza ne mɔ mɔɔ Yizilayɛma ɛdu ɛzie ahane ɛmaa me la anwo a, bɛbaye sonla zɔhane bɛavi me nye zo. Medame a mele Ɛdɛnkɛma a.

Sɛlɛ 22:4

“Aalɔn abo zo sonla biala mɔɔ le kokobɛvolɛ anzɛɛ anwo twihwi nzule la ɛnlɛ adenle ɛnli aleɛ nwuanzanwuanza ne mɔ bie, kyesɛ ɔ nwo ɛza na ɔ nwo ɛde. Eza awie mɔɔ kɛva ɔ sa kɛha funli anzɛɛ awie mɔɔ anla boɛ la, evinli ɛha ye.

Sɛlɛ 5:17

“Saa awie anye ɛnla nwolɛ na ɔyɛ ninyɛne mɔɔ Ɛdɛnkɛma ɛze kɛ bɛmmayɛ la bie a, yeyɛ ɛtane, yɛɛ ɔdi fɔlɛ, na ye ɛtane zo ye.

Sɛlɛ 5:3

“Anzɛɛ saa ɔ nwo ka awie mɔɔ anwo ɛnde la, saa duzu debie yɛɛ manle evinli hanle ahenle ne bɔbɔ a, saa ɔnze na nzinlii ɔnwu ye a, ɔdi fɔlɛ.

Sɛlɛ 5:6

na ɔfa fɔlɛlilɛ azubɔdeɛ ɔbɛlɛ Ɛdɛnkɛma wɔ ɛtane ne mɔɔ yeyɛ la anwo. Ɔwɔ kɛ ɔfa boane ralɛ belɛ anzɛɛ abɔnkye belɛ ɔyɛ ɛtane azubɔdeɛ, na sɛlɛvolɛ ne yɛ nzɛlɛlɛ di ɔ ti mgbɔdalɛ wɔ ye ɛtane ne anwo.

Sɛlɛ 7:20

Na saa evinli ɛha awie na ɔfa ɔdi anzonudwolɛ azubɔdeɛ ne mɔɔ bɛva bɛbɔ azu bɛmaa Ɛdɛnkɛma la bie a, ɔwɔ kɛ bɛye ye bɛfi ye menli ne avinli.

Sɛlɛ 7:21

Zɔhane ala yɛɛ ɔwɔ kɛ bɛyɛ awie biala mɔɔ anwo kɛha debie mɔɔ anwo ɛnde la, saa sonla o, nane o, anzɛɛ kyibadeɛ biala, na ɔkɛli anzonudwolɛ azubɔdeɛ ne mɔɔ bɛva bɛbɔ azu bɛmaa Ɛdɛnkɛma la aleɛ ne bie la a. Ɔwɔ kɛ bɛye sonla zɔhane bɛfi ye menli ne avinli.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:30

“Na awie biala, saa ɔle ekulomeni anzɛɛ ɛyɛvolɛ, na ɔ nye fuu anzosesebɛ nu ɔyɛ ɛtane a, ɛnee yedindi Ɛdɛnkɛma anyunlu. Ɔwɔ kɛ bɛku sonla zɔhane.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:14

“Saa awie wu ndanlɛ sua nu a, awie mɔɔ ye ewule nu ɔwɔ ɛkɛ ne anzɛɛ awie mɔɔ kɛwolo ndanlɛ sua ne anu la ɛnee evinli ɛha ye toonwo kenle nsuu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:18

Akee sonla mɔɔ evinli ɛnle ɔ nwo la ɛva nyinlanyinla ɛbɔ nzule ne anu ɛkponde ndanlɛ sua ne nee ninyɛne mɔɔ bɛva bɛziezie nu, menli mɔɔ wɔ ɛkɛ, yɛɛ ahenle ne mɔɔ vale ɔ sa hanle sonla funli bowule ne, anzɛɛ sonla ne mɔɔ bɛhunle ye, anzɛɛ funli ne, anzɛɛ sɛka ne la kɔsɔɔti anwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:19

Kenle nsa ne nee kenle nsuu ne azo yɛɛ awie mɔɔ evinli ɛnle ɔ nwo la fa nzule ne kponde ahenle ne mɔɔ evinli ɛha ye la anwo a. Ye kenle nsuu ne azo, ɔnua ye na ahenle ne kpo ye adɛladeɛ na ɔbia ɔ nwo. Ye nɔsolɛ nu ɛnee ɔ nwo evinli ne ɛdu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:20

“Awie biala mɔɔ evinli ɛha ye, na ɔtɛnuanle ɔ nwo la tɛbɔ evinli nu. Bɛnva ye kɛ ɔle Nyamenle menli ne mɔ ko, ɔluakɛ yegua Ɛdɛnkɛma Ndanlɛ Sua ne anwo evinli.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:9

Akee sonla mɔɔ evinli ɛnle ɔ nwo la kuohua nzonle ne anloa na ɔfa ɔsie ɛleka gyɛlɛɛnye wɔ azokoɛleɛ ne anzi. Bɛfa bɛsie na Yizilayɛma ava akpoto nzule mɔɔ bɛfa bɛanlua evinli la anu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 8:7

Na kɛ ɛbazi wɔanlua bɛ la ɛne: Fa ɛnluanlɛ nzule ne kponde bɛ nwo, maa bɛkpa bɛ nwo enrinli biala, na bɛkpo bɛ nwo ninyɛne, na bɛ nwo kɛde.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 9:13

Awie biala mɔɔ evinli ɛtɛkanle ye, yɛɛ ɔtɛtule adenle na yeanli Akpabɛnwo Ɛvoyia ne la, ɔwɔ kɛ bɛye ye bɛfi ye menli ne avinli, ɔboalekɛ mekɛ ne dwule la, yeanva Ɛdɛnkɛma azubɔdeɛ ne yeamaa ye. Sonla zɔhane ɛtane zo ye.

Dw 8:24

Ɛhye ati yɛɛ meha mehile bɛ kɛ bɛbawu bɛala bɛ ɛtane ne mɔ anu la. Saa bɛanlie bɛanli kɛ, ‘Medame a le Medame’ a bɛbawu bɛala bɛ ɛtane ne mɔ anu bɔkɔɔ.”

Kɛlata mɔɔ bɛhɛlɛle bɛhɔmanle Hibuluma la 10:29

Ɛnee ɛdawɔ fa ɛ nye to na nea sonla mɔɔ kɛkpo Nyamenle Ara ne, na yeambu mogya ne mɔɔ bɛlua zo a bɛ nwo te na Nyamenle vale zɔle ngyekyeleɛ ne anloa, na ɔkɛva Nyamenle ɛlolɛ Sunsum ne anyunlu ɔkɛkyikyi aze la ɛ? Ye ndeanlɛ mɔɔ ɔbanyia ye la le kpole kpalɛ.

Kɛlata mɔɔ bɛhɛlɛle bɛhɔmanle Hibuluma la 9:10

Aleɛ nee nza nee bɛ nwo ɛnluanlɛ ngakyile nwo nyɛleɛ yɛɛ bɛyɛ a. Na ɛhye noko le ɛnyelɛ zo debie mɔɔ wɔ ɛkɛ a, kɔkpula mekɛ mɔɔ Nyamenle kɛhakyi ninyɛne kɔsɔɔti fofolɛ la.

Yekile 21:8

Na avoanvoanle, menli mɔɔ ɛnlɛ diedi, ngunzima, ahɔdiawu, adwɔmanema, nindavoma, awozonle ɛzonlenlɛma, nee adalɛma amuala, bɛ ɛleka a le tandane ne mɔɔ senle nee sɔlefa ɛlɛsɔ nu la anu. Senle tandane ɛhye a le ewule ne mɔɔ tɔ zolɛ nwiɔ la.”

Yekile 22:11

Mɔɔ le musuɔfoɔ la ɛhɔ zo ɛyɛ ye munzule ninyɛne ne, mɔɔ yɛ ninyɛne ɛtane ɛtane la ɛhɔ zo ɛyɛ. Mɔɔ le kpalɛ noko la ɛhɔ zo ɛyɛ ye ahunlunyele gyima ne, yɛɛ mɔɔ anwo te nwuanzaanwu la ɛhɔ zo ɛyɛ nwuanzanwuanza.”

Yekile 22:15

Wɔ suakpole ne kandiba lɔ, amumuyɛma, ahɔdiawu, ngonyiayelɛma, adwɔmanema, awozonle ɛzonlenlɛma, yɛɛ adalɛma wɔ nyɛleɛ nee ɛdendɛlɛ nu la a wɔ ɛkɛ ne a.