Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:8 - BAEBOLO ANZƐƐ BULUKU NWUANZANWUANZA

⁸ Ɛdɛnkɛma zele Aalɔn kɛ, “Nea, meva azubɔdeɛ biala mɔɔ bɛva bɛrɛlɛ me, debie biala mɔɔ Yizilayɛma ɛdu ɛzie ɛkɛ ɛmaa me la memaa wɔ. Meva memaa wɔ nee ɛ bo zo amra kɛ ɔle bɛ ɛdeɛ dahuu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:8 ပူးပေါင်းရင်းမြစ်များ

2 Arl 12:16

Ezukoa mɔɔ bɛkɛva bɛkɛdua azubɔdeɛ kakɛ, anzɛɛ mɔɔ bɛkɛva bɛkɛyɛ ɛtane nwo azubɔdeɛ la, yemɔ bɛnva bɛmba Ɛzonlenlɛ Sua ne anu. Ɔle sɛlɛvolɛma ne mɔ ɛdeɛ.

2 Edk 31:4

Eza belemgbunli ne zele menli mɔɔ wɔ Gyɛlusalɛm la kɛ bɛva azubɔlɛ ninyɛne ne mɔ mɔɔ le sɛlɛvolɛma nee Livaema ne ɛdeɛ la bɛrɛlɛ bɛ, amaa bɛanyia adenle bɛava bɛ mekɛ muala bɛali bɛ gyima ne, kɛmɔ Ɛdɛnkɛma kpondɛ la.

2 Edk 31:5

Mɔɔ edwɛkɛ ɛhye kpondenle na ɔdwule amaanvoa la, Yizilayɛma vale bɛ ma mɔɔ bɛlumuale bɛdele la, nwanye, nwole, wolɛ, nee bɛ bɛyɔba biala dɔɔnwo rale, yɛɛ bɛvale bɛ ninyɛne ngyɛnu bulu ɛkpɔ ko ne bɛrale.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:43

Kenle biala mɔɔ Aalɔn nee ɔ mra mrenya ne mɔ ɛlɛba me nyunlu wɔ Ndanlɛ Sua ne anu anzɛɛ bɛlɛkɔ azukponle ne anwo wɔ Ɛleka Nwuanzanwuanza ne bɛahɔyɛ bɛ sɛlɛvolɛ gyima ne la, ɔwɔ kɛ bɛwula zɔhane adɛladeɛ ne mɔ, anrɛɛ bɛkɛli ɛzonle na bɛkɛwu. Ɛhye le mɛla mɔɔ wɔ ɛkɛ ne dahuu maa Aalɔn nee ɔ bo zo amra a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:21

Akee ɛbava mogya ne mɔɔ wɔ azukponle ne azo la nee ɛkpokpalɛ nwole ne bie wɔakponde Aalɔn nee ɔ mra mrenya ne mɔ anwo nee bɛ adɛladeɛ ne mɔ anu. Ɔdaye, ɔ mra mrenya ne mɔ, nee bɛ adɛladeɛ ne mɔ kɔsɔɔti anwo kɛde.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:28

Ɛhye le kpɔkɛ mɔɔ mebɔ mɔɔ menrɛhakyi ye ɛlɛ a. Saa me menli ne fa anzonudwolɛ azubɔdeɛ ne mɔ ba a, bɛ kɛnrazo ne nee bɛ ɛzɔlɛ ne mɔ le sɛlɛvolɛma ne mɔ ɛdeɛ. Ɔle menli ne ahyɛlɛdeɛ ɔmaa medame, Ɛdɛnkɛma.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:29

“Saa Aalɔn wu a bɛva ye sɛlɛvolɛ adɛladeɛ ne mɔ bɛmaa ɔ mra mrenya ne mɔ, amaa bɛakpokpa bɛ nwole na bɛwula bɛ sɛlɛvolɛ a bɛawula.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:13

Fa sɛlɛvolɛ adɛladeɛ ne mɔ wulowula Aalɔn, kpokpa ye nwole na tu ye sie ahane maa me, amaa yeazonle me kɛ ɔle sɛlɛvolɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:15

Akee kpokpa bɛ nwole, kɛmɔ ɛkpokpale bɛ ze ala la, amaa bɛazonle me kɛ bɛle me sɛlɛvolɛma. Ɛkpokpalɛ ɛhye bamaa bɛayɛ sɛlɛvolɛma dahuu.”

Ayezaya Buluku ne 10:27

Mekɛ ne anu, mebaye ye kpomgbolo ne bɛ kɔme na meabubu ye gyɛnvayile ne mɔɔ la bɛ kɔme zo la.”

Sɛlɛ 21:10

“Sɛlɛvolɛ ne mɔɔ bɛkɛgua nwole ɔ ti zo kɛ yemɔ a ɔle kpanyinli wɔ ɔ mediema ne mɔ anu, na bɛdu ye bɛzie ahane bɛmaa Nyamenle kɛ yemɔ a ɔwɔ kɛ ɔwula Sɛlɛvolɛ Kpanyinli adɛladeɛ ne mɔ la, ɔnle kɛ ɔgyakyi ɔ ti enrinli ɔgua zolɛ mɔɔ ɔntoli a, yɛɛ ɔnle kɛ ɔsuosua ye adɛladeɛ nu ɔkile kɛ ɔlɛdi nyane.

Sɛlɛ 23:20

Sɛlɛvolɛ ne bava bɛ muala aboka kpanwo ne mɔɔ le bɛyɔba mɔɔ lumua la nee mboane nyinli nwiɔ ne anwo yeado bɛ ehono yeabɔ azu yeamaa Ɛdɛnkɛma. Bɛle ahyɛlɛdeɛ mɔɔ sonle bolɛ maa sɛlɛvolɛma ne yɛɛ ɔle azubɔdeɛ nwuanzanwuanza ɔmaa Ɛdɛnkɛma.

Sɛlɛ 6:16

Aalɔn nee ɔ mra mrenya ne mɔ bali mɔɔ kɛha la. Ɔnle kɛ bɛfa mgbɔvonle bɛwula nu na bɛali, yɛɛ ɔwɔ kɛ bɛdi ye ɛleka mɔɔ te la. Ɛdɛnkɛma Ndanlɛ Sua ne alie ne anwo a ɔwɔ kɛ bɛdi zɔhane aleɛ ne a.

Sɛlɛ 6:18

Aalɔn abo zo amra mrenya biala kola di bie. Meyɛ ɛhye mɛla mɔɔ wɔ ɛkɛ ne dahuu, wɔ awolɛndoazo biala anu na ɔfane ɛyelalɛ azubɔdeɛ mɔɔ bɛva bɛrɛlɛ Ɛdɛnkɛma la anwo. Awie biala mɔɔ anwo kɛha bie la anwo kɛde saanwu.”

Sɛlɛ 6:20

“Azubɔdeɛ mɔɔ ɔwɔ kɛ Aalɔn nee ɔ mra mrenya ne mɔ fa bɛlɛ Ɛdɛnkɛma wɔ kenle mɔɔ bɛkɛkpokpa ye nwole kɛ ɔle sɛlɛvolɛ la ɛne. Ɔwɔ kɛ ɔfa esamo kilo ko ɔyɛ ma azubɔdeɛ dahuu biala. Ɔbava foa ko nwonlomɔ na yeava foa ko ne nɔsolɛ.

Sɛlɛ 6:26

Sɛlɛvolɛ ne mɔɔ kɛbɔ ɛtane azu ne la ɔwɔ kɛ di ye wɔ ɛleka mɔɔ te la, wɔ Ɛdɛnkɛma Ndanlɛ Sua ne alie ne anwo.

Sɛlɛ 7:14

Ɔbava kpanwo ndɛbandɛba ɛhye mɔ ko yeaboka azubɔdeɛ ko biala anwo kɛ ɔle azubɔdeɛ yeamaa Ɛdɛnkɛma. Ɛhye le sɛlɛvolɛ ne mɔɔ to anzonudwolɛ azubɔdeɛ mogya ne gua azukponle ne anwo yia la ɛdeɛ.

Sɛlɛ 7:28

Ɛdɛnkɛma zele Mosisi kɛ,

Sɛlɛ 7:6

Nrenya biala mɔɔ wɔ sɛlɛvolɛma ne anu la kola di bie Ɔwɔ kɛ bɛdi ye wɔ ɛleka mɔɔ te la. Ɔle nwuanzanwuanza kpalɛ kpalɛ.

Sɛlɛ 8:30

Akee Mosisi vale nwole ne na ɔvale mogya ne mɔɔ wɔ azukponle ne azo la bie ɔkpotole nuhua na ɔvale ɔkpondenle Aalɔn anwo nee ye adɛladeɛ ne mɔ anu. Ɔvale bie ɔkpondenle ɔ mra ne mɔ anwo na ɔvale bie ɔkpondenle bɛ adɛladeɛ ne mɔ anu. Yemɔti ɔbɔle Aalɔn nee ye adɛladeɛ yɛɛ ɔ mra mrenya ne mɔ nee bɛ adɛladeɛ ne mɔ nu ɔdule bɛ ɔmanle Nyamenle.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:9

Azubɔdeɛ nwuanzanwuanza kpalɛ kpalɛ ne mɔ mɔɔ bɛanyela bɛ wɔ azukponle ne azo, bɛ azubɔdeɛ biala, bɛ ma azubɔdeɛ ne mɔ, mɔɔ bɛva bɛmaa me la le nwuanzanwuanza maa wɔ nee ɛ mra mrenya ne mɔ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:9

Eza Yizilayɛma azubɔdeɛ biala nee ninyɛne nwuanzanwuanza mɔɔ bɛkɛva bɛkɛrɛlɛ sɛlɛvolɛ ne la le ye ɛdeɛ.

1 Kɔl 9:13

Nɔhalɛ, bɛze kɛ menli mɔɔ yɛ Ɛzonlenlɛ Sua nu gyima la nyia bɛ aleɛ fi Ɛzonlenlɛ Sua ne anu, yɛɛ bɛdabɛ mɔɔ bɛboa azubɔlɛ nu wɔ azukponle ne anyunlu la nyia ninyɛne ne mɔ mɔɔ bɛfa bɛbɔ azu ne la bie.

Mɛla 12:11

yɛɛ bɛbahɔ ɛleka mɔɔ ɔdaye Ɛdɛnkɛma bɛ Nyamenle ne kɛhile kɛ bɛva ye duma bɛvɛlɛ ye la, na bɛahɔzonle a. Ɛkɛ ne yɛɛ bɛbava mɔɔ meha mehile bɛ la amuala: bɛ ɛyelalɛ azubɔlɛ ninyɛne, bɛ azubɔlɛ ngakyile ne mɔ ninyɛne, bɛ ngyɛnu bulu ɛkpɔ ngoko ne mɔ, bɛ ahyɛlɛ ninyɛne nee bɛ ɛwɔkɛ mɔɔ bɛbɔ Ɛdɛnkɛma la ɛyelɛ kɔsɔɔti bɛahɔ a.

Mɛla 12:6

Ɛkɛ ne yɛɛ bɛbava bɛ ɛyelalɛ azubɔlɛ ninyɛne ne mɔ bɛahɔ a. Bɛbava bɛ azubɔlɛ ninyɛne ngakyile kɔsɔɔti, bɛ ngyɛnu bulu ɛkpɔ ngoko ne mɔ nee azubɔdeɛ biala, bɛ ahyɛlɛ ninyɛne, azubɔdeɛ mɔɔ bɛkɛyeye bɛ ahonle nu bɛkɛva bɛkɛmaa, yɛɛ bɛ nyɛmoa mralɛ mɔɔ bɛkɛlumua bɛkɛwo bɛ la noko bɛahɔ ɛkɛ.

Mɛla 18:1

“Ɔnle kɛ Livae abusua ekpunli ne anu amra mɔɔ le sɛlɛvolɛma la nyia Yizilayɛ azɛlɛ ne bie. Bɛmɛ, ninyɛne mɔɔ bɛkɛva bɛkɛrabɔ ɛyelalɛ azu bɛkɛmaa Ɛdɛnkɛma la bie yɛɛ bɛbado bɛali a, yɛɛ azubɔlɛ ninyɛne ngakyile ne mɔ kɔsɔɔti le bɛ ɛdeɛ.

Mɛla 26:13

Akee bɛbaha wɔ Ɛdɛnkɛma bɛ Nyamenle ne anyunlu ɛkɛ ne kɛ, ‘Meye ngyɛnu bulu ɛkpɔ ko nwuanzanwuanza ne mevi me awuke ye anu, na meva memaa Livaema ne, nyɛvolɛ, nrisa, nee ahunlanvolɛ, kɛmɔ wɔ mɛla ne mɔɔ ɛvale ɛmanle yɛ la se la. Metɛbulule wɔ mɛla ne mɔɔ ɛvale ɛmanle yɛ la azo, yɛɛ me rɛle ɛtɛfile bɛ.

Kɛlata mɔɔ bɛhɛlɛle bɛhɔmanle Hibuluma la 1:9

Ɛkulo mɔɔ le fɔɔnwo la na ɛkyi mɔɔ ɛnli mɛla zo la. Ɛhye ati yɛɛ Nyamenle, wɔ Nyamenle ne, ɛkpa nu ɛye wɔ na yemaa wɔ nidi nu anyelielɛ kpole mɔɔ tɛla mɔɔ yeva yemaa ɛ gɔnwo mɔ amuala la a.”

1 Dw 2:20

Na bɛmɛ, Nwuanzanwuanza Ko ne ɛmaa bɛ ye Sunsum ne bie, bɛdabɛ bɛze debie biala.

1 Dw 2:27

Bɛmɛ, Sunsum ne mɔɔ Kelaese ɛwola ɛgua bɛ nwo zo la tɛbɔ bɛ nwo, yemɔti bɛngyia kilehilevolɛ bieko, ɔluakɛ ye Sunsum ne bahilehile bɛ debie biala, yɛɛ ɔnle adalɛ, ɔka nɔhalɛ. Ngilehilelɛ mɔɔ yeva yemaa bɛ la bɛli zo na bɛ nee Kelaese ɛyɛ ko ɛdɛnla.