Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:7 - BAEBOLO ANZƐƐ BULUKU NWUANZANWUANZA

⁷ Na ɛdawɔ nee ɛ mra mrenya noko bayɛ bɛ sɛlɛvolɛ gyima ne mɔɔ fane azukponle ne nee Nwuanzanwuanza Nu Nwuanzaanwu ɛleka ne anwo la. Ɛhye mɔ le bɛ gyima, ɔboalekɛ meva sɛlɛvolɛlilɛ ne kɛ ahyɛlɛdeɛ la memaa bɛ. Awie gyɛne biala mɔɔ kɛbikye ninyɛne nwuanzanwuanza ne mɔ la, ɔwɔ kɛ bɛku ye.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:7 ပူးပေါင်းရင်းမြစ်များ

Edwɛndolɛ Buluku ne 115:10

O Aalɔn sua nu amra, bɛva bɛ rɛle bɛwula Ɛdɛnkɛma anu! Ɔle bɛ boavolɛ nee bɛ enyinlike.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:1

“Akee maa ɛ diema Aalɔn nee ɔ mra mrenya ne mɔ, Needabe, Abaehu, Ɛlieza, yɛɛ Yetamaa ɛbikye wɔ na ye bɛ fi Yizilayɛma avinli sie ahane, amaa bɛanyia adenle bɛazonle me kɛ me sɛlɛvolɛma.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:9

wɔava akyeso ne mɔ wɔahye bɛ nze zo na wɔazoa bɛ ahyɛlɛ. Ɛnee kɛ ɛbazi wɔawula Aalɔn nee ɔ mra mrenya ne mɔ sɛlɛvolɛ la ɛne. Ɔwɔ kɛ bɛdabɛ nee bɛ bo zo amra sonle me kɛ sɛlɛvolɛma wɔ mekɛ mɔɔ ɛnlɛ awieleɛ.

Yizikeɛle Buluku ne 44:15

Awulae Nyamenle zele me kɛ, “Livaema sɛlɛvolɛma mɔɔ le Zeedɔko abo zo amra la yɛɛ bara me nyunlu arazonle me a. Bɛmɛ yɛɛ bɛbarazonle me na bɛava nane ɛnlome nee mogya bɛabɔ azu bɛamaa me a, ɔluakɛ bɛmɛ a bɛgyinlanle bɛnleanle me Ɛzonlenlɛ Sua ne azo, bɛlile nɔhalɛ bɛmanle me wɔ mekɛ mɔɔ Yizilayɛma hakyile bɛ nzi zile me la a.

Yizikeɛle Buluku ne 44:16

Bɛmɛ a bɛbawolo me ɛleka nwuanzanwuanza ne, na bɛahɔ me azukponle ne anwo bɛahɔbɔ azu, na bɛanlea me ɛzonlenlɛ zo wɔ Ɛzonlenlɛ Sua ne anu a.

Yizikeɛle Buluku ne 44:8

Bɛannea me ninyɛne nwuanzanwuanza ne mɔ boɛ, na bɛva nyɛvolɛ kɛ bɛmɛ yɛɛ akee bɛnlea ninyɛne mɔɔ wɔ me Ɛleka Nwuanzanwuanza ne la azo a.

Sɛlɛ 16:2

Ɛdɛnkɛma zele Mosisi kɛ, “Ka kile ɛ diema nrenya Aalɔn kɛ ɔmmaba Ɛleka Nwuanzanwuanza ne mɔɔ wɔ mgbɛnu ɛdanlɛ ne akunlu Anwunvɔnezelɛ Ebia ne mɔɔ dua Ngyekyeleɛ Ɛlɛka ne azo la anwo dahuu. Saa ɔyɛ ye zɔhane a, ɔbawu, ɔluakɛ mebaye me nwo meahile wɔ amungu ne mɔɔ wɔ Anwunvɔnezelɛ Ebia ne azo la anu.

Sɛlɛ 7:35

Ɔle Aalɔn nee ɔ mra ne mɔ ɛdeɛ mɔɔ ɔwɔ kɛ bɛfa bɛmaa bɛ, bɛye bɛfi ɛyelalɛ azubɔdeɛ ne mɔ mɔɔ bɛfa bɛabɔ azu bɛamaa Ɛdɛnkɛma la anu a. Mekɛ mɔɔ bɛdule bɛ bɛmanle Ɛdɛnkɛma kɛ bɛle ye sɛlɛvolɛma la yɛɛ bɛdule ɛhye bɛziele ɛkɛ bɛmanle bɛ a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 1:51

Mekɛ biala mɔɔ bɛvi azokoɛleɛ ko bɛlɛkɔ azokoɛleɛ fofolɛ la, Livaema ne badudu Ndanlɛ Sua ne ahɔ azokoɛleɛ fofolɛ ne na bɛakpɔnla ye bieko. Awie gyɛne biala mɔɔ kɛbikye Ndanlɛ Sua ne la, bɛhu ye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:40

Ɛhye yɛle kɔkɔbɔlɛ manle Yizilayɛma kɛ, ɔnle kɛ awie biala mɔɔ ɛnle Aalɔn abo zo sonla la ba azukponle ne anwo bayela ɛyɛlɛ maa Ɛdɛnkɛma. Anrɛɛ bɛkɛzɛkye ye kɛ bɛzɛkyele Kɔla nee ye menli ne la. Ɛlieza yɛle ɛhye mɔ amuala, kɛmɔ Ɛdɛnkɛma luale Mosisi anwo zo zele ye la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:20

Ɛdɛnkɛma zele Aalɔn kɛ, “Ɛnrɛnyia agyadeɛ biala wɔ bɛ azɛlɛ ne azo, yɛɛ ɛnrɛnyia kyɛfoa biala wɔ bɛ avinli. Medame a mele wɔ kyɛfoa nee wɔ agyadeɛ wɔ Yizilayɛma avinli a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:3

Bɛbazonle wɔ na bɛayɛ bɛ gyima ne wɔ Ndanlɛ Sua ne anu, noko ɔnle kɛ bɛbikye ninyɛne nwuanzanwuanza ne mɔ mɔɔ wɔ Ɛleka Nwuanzanwuanza ne la, anzɛɛ azukponle ne anrɛɛ bɛkɛhu bɛ nee ɛdawɔ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 3:10

Akee ye Aalɔn nee ɔ mra ne mɔ maa bɛyɛ sɛlɛvolɛ gyima ne; saa awie gyɛne biala pele kɛ ɔyɛ bie a, bɛhu ye.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 3:38

Ɔwɔ kɛ Mosisi nee Aalɔn nee ɔ mra ne mɔ tɛnla Ndanlɛ Sua ne anyunlu wɔ aduduleɛ afoa nu. Bɛmɛ yɛɛ bɛyɛ ɛzonlenlɛ gyima wɔ Ɛleka Nwuanzanwuanza ne bɛmaa Yizilayɛma a. Awie gyɛne biala mɔɔ kɛpele kɛ ɔyɛ bie la, bɛhu ye.

Edwɛkpa ne kɛmɔ Mateyu hɛlɛle la 10:8

Bɛyɛ wuleravolɛma ayile, bɛdunwue mɔɔ ɛwu la, bɛmaa kokobɛvolɛma ɛde kpɔkɛ, na bɛdu sunsum ɛtane ne mɔ. Bɛnyia tumi ɛhye mgbane mɔɔ bɛandua nwolɛ ɛhwee a, yemɔti bɛva bɛmaa mgbane mɔɔ bɛnlie ɛhwee a.

Dw 3:27

Dwɔn buale kɛ, “Awie biala ɛnrɛnyia ɛhwee kyesɛ Nyamenle fa maa ye.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:8

Mele Nyamenle menli ne anu kakula bɔkɔɔ, noko Nyamenle ɛmaa me adenle ɛhye kɛ membɔ Edwɛkpa ne mɔɔ fane Kelaese anwonyia ne mɔɔ ɛnlɛ neɛnleanu la anwo nolo mengile bɛdabɛ mɔɔ bɛnle Dwuuma la,

Mɛla 18:2

Ɔnle kɛ bɛnyia agyadeɛ mɔɔ le kɛ azɛlɛ la biala kɛ bɛ mediema mbusua ekpunli ekpunli ɛhendeɛ ne mɔ anu amra la. Bɛ afoa nu ɛdeɛ a le Ɛdɛnkɛma, kɛmɔ ɔdaye ɔvale ɔbɔle bɛ ɛwɔkɛ la.

Kɛlata mɔɔ bɛhɛlɛle bɛhɔmanle Hibuluma la 5:4

Awie ko ɔdaye ɔngola ɔnyɛ ɔ nwo sɛlɛvolɛ kpanyinli. Bɛdua Nyamenle ɛvɛlɛlɛ zo a bɛyɛ sonla sɛlɛvolɛ kpanyinli a, kɛmɔ bɛyɛle Aalɔn la.

Dwɔhyua Buluku ne 18:7

Livaema, bɛmɛ bɛnrɛnyia azɛlɛ ne bie, ɔboalekɛ bɛ ɛdeɛ a le kɛ bɛle Ɛdɛnkɛma sɛlɛvolɛma. Na Gaade, Wulubɛn, yɛɛ Manasɛ Aduduleɛ amra, bɛmɛ bɛ sa ɛha bɛ azɛlɛ ɛdeɛ ne mɔɔ Ɛdɛnkɛma sonvolɛ Mosisi vale manle bɛ dɛbadɛba la wɔ Dwɔdan Aduduleɛ lɔ.”

1 Pit 5:2

bɛnlea mboane ekpunli ne mɔɔ Nyamenle ɛva ɛwula bɛ sa nu la boɛ, bɛva ahunlundwolɛ bɛnlea bɛ, kɛmɔ Nyamenle kpondɛ la, na bɛmmatwenlehwenle bɛ bo aze. Bɛyɛ gyima kɛ bɛkulo kɛ bɛsonle la ati ɔ na tɛ kɛ asɛɛ bɛkpondɛ ɔ nzi ahatualɛ la ati ɔ.

1 Pit 5:3

Bɛmmapele kɛ bɛkile bɛ tumi wɔ menli mɔɔ bɛva bɛ bɛwula bɛ bo la anwo zo, na bɛpɛ kilemunli kpalɛ bɛmaa mboane ne ɛlua zo,

1 Sam 2:28

Menyele ye abusua ɛdeɛ ne menvile Yizilayɛ mbusua ekpunli ne mɔ amuala anu kɛ bɛmɛ yɛɛ bɛyɛ me sɛlɛvolɛma, bɛzonle wɔ azukponle ne anwo, bɛyela ɛyɛlɛ bɛbɔ azu na bɛwula Yifɔdo bɛrɛla me nyunlu a. Eza memanle bɛ adenle kɛ bɛva azukponle ne azo azubɔdeɛ ne mɔ mɔɔ Yizilayɛma kɛva kɛra la bie.