Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:21 - BAEBOLO ANZƐƐ BULUKU NWUANZANWUANZA

²¹ Ɛdɛnkɛma zele kɛ, “Meva debie biala ngyɛnu bulu ɛkpɔ ko ne mɔɔ Yizilayɛma kɛva kɛrɛlɛ me la memaa Livaema. Ɛhye le gyima mɔɔ bɛyɛ wɔ Ndanlɛ Sua ne anu la kakɛdualɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:21 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 14:20

Ayɛlɛyelɛ ɛha Anwuma Anwuma Nyamenle ne mɔɔ ɛye wɔ kpɔvolɛma ne ɛmaa wɔli bɛ nwo zo konim la.” Na Ebilam hyɛle debie biala mɔɔ ɔnyianle la anu bulu na ɔdule ɛkpɔ ko ɔmanle Mɛlekezɛdɛke.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 47:24

Saa bɛbu bɛ bɛyɔba ne a, ɔwɔ kɛ bɛkyɛ nu nnu na bɛtu ɛkpɔ ko bɛbɛlɛ belemgbunli ne na bɛdabɛ bɛfa nna. Bɛ ɛdeɛ ɛkpɔ nna ne, bie yɛɛ bɛbava bɛalua ɛya fofolɛ a, bɛbali bie na bɛamaa bɛ mra nee bɛ mbusua ne mɔ bie bɛali.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 47:26

Yemɔti Dwosefi lile mɛla kɛ Yigyibiti azɛlɛ ne kɔsɔɔti le belemgbunli ne ɛdeɛ. Mɛla ɛhye tɛbɔ ɛkɛ ne kɛkala kɛ, aleɛ biala mɔɔ kɛvinde azɛlɛ ne azo la, ɔwɔ kɛ bɛkyɛ nu nnu na belemgbunli ne nyia ɛkpɔ ko. Ahɔmenle ne mɔ azɛlɛ ɛdeɛ ne ala yɛɛ anyɛ belemgbunli ne ɛdeɛ a.

2 Edk 31:12

Bɛvale ninyɛne ne mɔɔ bɛdu bɛzie ahane bɛmaa Ɛdɛnkɛma la nee ngyɛnu bulu ɛkpɔ ngoko ne amuala bɛziele nu. Abɔlɔba kpanyinli mɔɔ ɛnee nea zolɛ la a le Livaenli Konanaya, yɛɛ mɔɔ li ɔ nzi la a le ɔ diema Hyemɛyae.

Nihɛmaya Buluku ne 10:29

yɛ nee yɛ mgbanyima yɛbɔ nuhua yɛdi amonle, kɛ saa yɛbulu zolɛ a munzule ɛha yɛ, na yɛse kɛ, yɛbali Nyamenle Mɛla ne mɔɔ ɔluale ye sonvolɛ Mosisi anwo zo ɔvale ɔmanle yɛ la azo; yɛbali mɔɔ Ɛdɛnkɛma, yɛ Awulae ne kɛze yɛ biala la, yɛɛ yɛbali mɛla ne nee ngyehyɛlɛ ne mɔ azo.

Nihɛmaya Buluku ne 10:37

Ɛvolɛ biala yɛbava abɛlɛ mɔɔ bɛkɛlumua bɛkɛbu la ɛdɔkɛ nee nwolɛ ninyɛne mɔɔ le kɛ nwanye, ɔlivi nwole yɛɛ ma ngakyile yɛahɔmaa sɛlɛvolɛma mɔɔ wɔ Ɛzonlenlɛ Sua ne anu la yɛamaa bɛava bɛabɔ azu. Livaema mɔɔ dielie ninyɛne ngyɛnu bulu ɛkpɔ ngoko wɔ namunamu ɛya avule ne mɔ anu la, yɛbava yɛ bɛyɔba ngyɛnu bulu ɛkpɔ ngoko ne mɔ yɛahɔmaa bɛ.

Nihɛmaya Buluku ne 10:38

Saa bɛlɛdielie ngyɛnu bulu ɛkpɔ ngoko ne mɔ a, ɔwɔ kɛ sɛlɛvolɛma mɔɔ le Aalɔn abo zo amra la nee Livaema dua nwolɛ, yɛɛ ɔwɔ kɛ Livaema fa Ɛzonlenlɛ Sua ne anu ngyɛnu bulu ɛkpɔ ko ne kɔsie Ɛzonlenlɛ sua ne ninyɛnezielɛ ɛleka ne.

Nihɛmaya Buluku ne 12:44

Mekɛ ne anu bɛyele menli mɔɔ nea Ɛzonlenlɛ Sua ne ninyɛnezielɛ azua ne mɔ azo la. Ninyɛne mɔɔ kɔ azua zɔhane mɔ anu la a le debie biala mɔɔ bɛkɛnyia ye, abɛlɛ, nee ma mɔɔ bɛkɛlumua bɛkɛde ye ɛvolɛ biala anu la, yɛɛ ngyɛnu bulu ɛkpɔ ngoko ne mɔɔ bɛkɛva bɛkɛra la. Menli ɛhye mɔ a nea dielie ninyɛne ne fi ɛyazonlɛma ne mɔ mɔɔ zuozua azuamgbole ne mɔ la ɛkɛ a. Bɛfa ninyɛne ɛhye mɔ bɛnea sɛlɛvolɛma nee Livaema, kɛmɔ mɛla ne se la. Na Dwudama kɔsɔɔti anye liele sɛlɛvolɛma nee Livaema anwo.

Nihɛmaya Buluku ne 12:47

Wɔ Zɛlɛbabɛle nee Nihɛmaya mekɛ zo, Yizilayɛma kɔsɔɔti vale ahyɛlɛ ninyɛne manle bɛvale bɛnleanle Ɛzonlenlɛ Sua ne anu edwɛndolɛma nee sinzavolɛma ne mɔ. Menli vale azubɔlɛ ninyɛne mɔɔ anwo te la manle Livaema, na Livaema ne noko vale sɛlɛvolɛma ne (Aalɔn abo zo amra ne) afoa nu ɛdeɛ manle bɛ.

Nihɛmaya Buluku ne 13:12

Na menli ne kɔsɔɔti bɔle ɔ bo bieko na bɛvale bɛ abɛlɛ, nwanye nee ɔlivi nwole bɛrale Ɛzonlenlɛ Sua ne ninyɛnezielɛ ɛleka ne.

Nihɛmaya Buluku ne 13:5

Ɔlua zolɛ ɔmanle Tobaya adenle ɔmanle ɔdɛnlanle ekpumgbunli kpole ko anu. Zɔhane ekpumgbunli ne bɛfa aleɛ mɔɔ bɛfa bɛbɔ azu, ɛyɛlɛ, Ɛzonlenlɛ Sua ne anu ninyɛne, abɛlɛ ngyɛnu bulu ɛkpɔ ko ne, nwanye yɛɛ ɔlivi nwole mɔɔ bɛfa bɛmaa sɛlɛvolɛma la a bɛgua nu a.

Malakae Buluku ne 2:4

Ɛhye yɛɛ bamaa bɛanwu kɛ medame yɛɛ meva mɛla ɛhye memaa bɛ a, amaa ngyekyeleɛ mɔɔ me nee Livae yɛkyekyele la anzɛkye.

Malakae Buluku ne 3:10

Ɛkpɔ ne mɔ mɔɔ le me ɛdeɛ la, bɛva bɛ kɔsɔɔti bɛrɛla bɛragua ɛleka mɔɔ mesie me ninyɛne ne la, amaa aleɛ ara me sua nu. Bɛzɔ me bɛnlea wɔ ɛhye anwo na bɛnlea saa menrɛbuke anwuma nlenkɛ menrɛgua nwolɛ menrɛmaa bɛnrɛnyia nyilalɛ dɔɔnwo a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:6

Na nea, meye ɛ mediema Livaema mevi Yizilayɛma avinli kɛ bɛle wɔ ahyɛlɛdeɛ, bɛdu bɛ bɛmaa medame Ɛdɛnkɛma kɛ bɛyɛ gyima wɔ Ndanlɛ Sua ne anu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 3:6

“Fa Livae abusua ekpunli ne bɛla na yɛ bɛ Sɛlɛvolɛ Aalɔn sonvolɛma.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:28

Ɛlɔnema ne afoa nu ɛdeɛ ne, die nwolɛ adwule maa Ɛdɛnkɛma. Menli ɛya nnu biala, bɛye nuhua sonla ko, zɔhane ala yɛɛ bɛyɛ nlankɛ, asoaso, mboane, yɛɛ mbɔnkye ne mɔ a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:6

Bɛmaa awie mɔɔ bɛlɛmaa ye Nyamenle Edwɛkɛ nwo ngilehilelɛ la ɛmaa ye kilehilevolɛ ne debie kpalɛ biala mɔɔ ɔkɛnyia ye la bie.

Mɛla 18:8

Mekɛ mɔɔ ɔkɛze kɛ ɔyɛ ye gyima ne la, ɔwɔ kɛ ɔnyia debie biala mɔɔ bɛ nee ye kɛra la bie, kɛmɔ sɛlɛvolɛma mɔɔ ɛha la nyia ye ala la. Debie biala mɔɔ ye sua nu amra kɛva kɛnwa ye la ɔkola ɔfa ɔsie.

Kɛlata mɔɔ bɛhɛlɛle bɛhɔmanle Hibuluma la 7:5

Livae abo zo amra noko mɔɔ le sɛlɛvolɛma la, mɛla ne kile kɛ Yizilayɛma ɛhyɛ mɔɔ bɛkɛnyia ye biala la anu bulu na bɛdu ɛkpɔ ko bɛmaa bɛ. Ɛhye kile kɛ ɔwɔ kɛ sɛlɛvolɛma ne die zɛhae debie fi bɛdabɛ bɛ maanle nu amra lɔ, wɔ mekɛ mɔɔ bɛ muala bɛle Ebileham abo zo amra la.