Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:20 - BAEBOLO ANZƐƐ BULUKU NWUANZANWUANZA

²⁰ Ɛdɛnkɛma zele Aalɔn kɛ, “Ɛnrɛnyia agyadeɛ biala wɔ bɛ azɛlɛ ne azo, yɛɛ ɛnrɛnyia kyɛfoa biala wɔ bɛ avinli. Medame a mele wɔ kyɛfoa nee wɔ agyadeɛ wɔ Yizilayɛma avinli a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:20 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:1

Ɛhye mɔ anzi, Ebilam dele Ɛdɛnkɛma edwɛkɛ ne wɔ ɛnyelɛzodeɛnwunlɛ nu kɛ, “Ebilam, mmasulo, na mebabɔ ɛ nwo bane. Wɔ ahatualɛ bayɛ kpole kpalɛ.”

Edwɛndolɛ Buluku ne 142:5

O Ɛdɛnkɛma, mesu mefɛlɛ wɔ; mese, “Wɔmɔ a ɛle me ɛvealeka a, ɛle me ɛdeɛ wɔ teasema azɛlɛ zo.”

Edwɛndolɛ Buluku ne 16:5

Ɛdɛnkɛma a le me afoa nu ɛdeɛ nee me debie biala a; wɔmɔ yɛɛ ɛlɛ me a.

Edwɛndolɛ Buluku ne 73:26

Me nwonane bawie, me ahonle ayɛ bɛtɛɛ, noko Nyamenle le me anwosesebɛ nee me kyɛfoa dahuu.

Gyɛlɛmaya Awolɛyelɛ 3:24

Me ɛkɛla se, “Ɛdɛnkɛma le me afoa nu ɛdeɛ, yemɔti mebanyia anyelazo wɔ ye nu.”

Yizikeɛle Buluku ne 44:28

“Sɛlɛvolɛ ne ɛnlɛ agyadeɛ biala, medame a mele bɛ agyadeɛ a. Ɔnle kɛ bɛnyia agyadeɛ wɔ Yizilayɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:7

Na ɛdawɔ nee ɛ mra mrenya noko bayɛ bɛ sɛlɛvolɛ gyima ne mɔɔ fane azukponle ne nee Nwuanzanwuanza Nu Nwuanzaanwu ɛleka ne anwo la. Ɛhye mɔ le bɛ gyima, ɔboalekɛ meva sɛlɛvolɛlilɛ ne kɛ ahyɛlɛdeɛ la memaa bɛ. Awie gyɛne biala mɔɔ kɛbikye ninyɛne nwuanzanwuanza ne mɔ la, ɔwɔ kɛ bɛku ye.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 26:62

Livaema mɔɔ ɛnee ɛli siane ko nee mɔɔ bo ekyi la dodo le apenle ngoko abulanwiɔ nee nsa. Bɛdianle bɛ ngome, bɛandia bɛ bɛamboka Yizilayɛma ne anwo, ɔboalekɛ bɛammaa bɛ agyadeɛ biala wɔ Yizilayɛ.

Mɛla 10:9

Ɛhye ati Livae abusua ekpunli ne anu amra ɛnlɛ azɛlɛ anzɛɛ agyadeɛ, kɛmɔ bɛ mediema ne mɔ lɛ ye la. Bɛ agyadeɛ anzɛɛ azɛlɛ ɛdeɛ mɔɔ bɛdidi zolɛ la a le kɛ, bɛle Ɛdɛnkɛma sɛlɛvolɛma, kɛmɔ ɔdaye Ɛdɛnkɛma bɛ Nyamenle ne zele la.)

Mɛla 12:12

Na bɛ nee bɛ mra mrenya nee mraalɛ, bɛ sonvolɛ mrenya nee mraalɛ yɛɛ Livaema mɔɔ wɔ bɛ azua ne mɔ azo, mɔɔ ɛnlɛ agyadeɛ la, bɛ nye balie wɔ Ɛdɛnkɛma anyunlu.

Mɛla 14:27

“Anrɛɛ bɛmmamaa bɛ rɛle fi Livaema mɔɔ wɔ bɛ azua ne mɔ azo la, ɔboalekɛ bɛampɛ bɛ gya yɛɛ bɛnlɛ agyadeɛ biala wɔ bɛ avinli.

Mɛla 14:29

Aleɛ zɛhae le Livaema ne mɔ ɛdeɛ, ɔboalekɛ bɛmɛ, bɛampɛ bɛ gya yɛɛ bɛnlɛ agyadeɛ. Eza ɔwɔ ɛkɛ ne ɔmaa nyɛvolɛ, nrisa, nee ahunlanvolɛ mɔɔ wɔ bɛ azua ne mɔ azo la. Ɔwɔ kɛ bɛba na bɛbadie aleɛ biala mɔɔ bɛkɛhyia nwolɛ la wɔ ɛkɛ. Bɛyɛ ɛhye na Ɛdɛnkɛma bɛ Nyamenle ne bayila bɛ wɔ debie biala mɔɔ bɛyɛ la anu.

Dwɔhyua Buluku ne 13:14

Mosisi anva azɛlɛ ammaa Livae abusua ekpunli ne. Kɛmɔ Ɛdɛnkɛma zele Mosisi la, bɛ afoa nu ɛdeɛ a le azubɔlɛ ninyɛne ne mɔɔ bɛyela bɛabɔ azu bɛamaa Yizilayɛ Ɛdɛnkɛma Nyamenle ne la anu bie.

Dwɔhyua Buluku ne 13:33

Na Mosisi anva azɛlɛ biala ammaa Livae abusua ekpunli ne. Ɔzele bɛ kɛ Yizilayɛ Ɛdɛnkɛma Nyamenle ne a le bɛ agyadeɛ a.

Dwɔhyua Buluku ne 14:3

Azɛlɛ ne mɔɔ la Dwɔdan Aduduleɛ la, Mosisi hyɛle manle Yizilayɛma mbusua ekpunli nwiɔ nee foa ne dɛba. (Dwosefi abusua ekpunli ne bɛhyɛle nu nwiɔ: Manasɛ yɛɛ Yifelaem.) Livae abusua ekpunli ne ɛdeɛ, Mosisi manle bɛmanle bɛ azuamgbole nee azɛlɛ mɔɔ bɛdidi zolɛ, bɛsie bɛ mboane nee nlankɛ zolɛ la kɛ bɛdɛnla zo, na bɛammaa bɛ azɛlɛ kpalɛ biala.

Dwɔhyua Buluku ne 18:7

Livaema, bɛmɛ bɛnrɛnyia azɛlɛ ne bie, ɔboalekɛ bɛ ɛdeɛ a le kɛ bɛle Ɛdɛnkɛma sɛlɛvolɛma. Na Gaade, Wulubɛn, yɛɛ Manasɛ Aduduleɛ amra, bɛmɛ bɛ sa ɛha bɛ azɛlɛ ɛdeɛ ne mɔɔ Ɛdɛnkɛma sonvolɛ Mosisi vale manle bɛ dɛbadɛba la wɔ Dwɔdan Aduduleɛ lɔ.”

Yekile 21:3

Mendele ɛnelɛ kpole bie wɔ belemgbunli ebia kpole ne anwo, ɔse, “Kɛkala, akee Nyamenle sua nu a le ye menli avinli. Ɔ nee bɛ badɛnla na bɛayɛ ye menli. Nyamenle mumua ne nee bɛ badɛnla na yeayɛ bɛ Nyamenle.