Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 17:8 - BAEBOLO ANZƐƐ BULUKU NWUANZANWUANZA

⁸ Aleɛ hyenle na Mosisi hɔle Ndanlɛ Sua ne anu la, ɔnwunle kɛ Aalɔn baka ɛdeɛ ne mɔɔ gyi ɛkɛ maa Livae abusua ekpunli ne la ɛfifi. Baka ne ɛfefɛ nya, ɛbɔ ndotolo na yezo alemɔn ma, bɔbɔ bɛbolo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 17:8 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 40:10

Vanye baka ne lɛ ngane nsa. Ɔfefɛle nya ala la yɛɛ ɔbɔle ndotolo, ɔzole na ma ne mɔ bolole a.

Edwɛndolɛ Buluku ne 110:2

Ɛdɛnkɛma bamaa wɔ belemgbunli kpɔma kpole ne vi Zayɔn ara. Ɔse, “Di wɔ kpɔvolɛma anwo zo belemgbunli.”

Sɔlɔmɔn Edwɛne 2:3

Saa me kulovolɛ gyi mgbavolɛ avinli a, ɔle kɛ ampolo baka gyi ɛbɔ nu mbaka avinli. Me nye die ye alubo ne anu ɛdɛnlanlɛ, yɛɛ ye ma ne yɛ me fɛ.

Ayezaya Buluku ne 4:2

Mekɛ ne anu Ɛdɛnkɛma mbaka ne mɔ ngane bayɛ mgbole ngɛnlɛma. Yizilayɛma mɔɔ baha la anye balie mbaka ne nee bɛ nzoleɛ ne mɔ anwo.

Yizikeɛle Buluku ne 17:24

Mbaka mɔɔ wɔ azɛlɛ ne azo la amuala banwu kɛ medame a mele Ɛdɛnkɛma a. Meka mbaka ndendenle aze, na memaa mbaka nzinrenzinra nyi ndendenle. Memaa mbaka amolɛ kyengye, na memaa mbaka wulera yɛ amolɛ. Medame Ɛdɛnkɛma a mese a; mebayɛ mɔɔ meha kɛ meyɛ la.”

Yizikeɛle Buluku ne 19:12

Noko bɛdule vanye baka ne ɛya nu. Aduduleɛ anwoma ne manle ɔgyengyenle, ye ma ne mɔ kpolole guale. Ye baka ɛsesebɛ ne wule, na bɛdole ye senle nu bɛyelale ye.

Yizikeɛle Buluku ne 19:14

Senle ɛdɔ ye baka ne anu; yeyela ye ngane nee ye ma ne mɔ amuala. Baka ne anwo ɛnyɛ se ko, bɛfa bɛyɛ belemgbunli ɛhɔtɔlɔ a ɔnyɛ boɛ. Ɛhye le nyanelilɛ edwɛne, yɛɛ bɛdo toonwo a yeradwu ɛnɛ a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:5

ɔhanle ɔhilele Kɔla nee ɔ sa zo ne mɔ kɛ, “Ɛhyema nwonlomɔ Ɛdɛnkɛma bahile yɛ sonla holɛ ko mɔɔ le ye ɛdeɛ, na ɔle nwuanzanwuanza, na ɔkɛmaa ye adenle kɛ ɔbikye ye la; mɔɔ ɔdaye ɔkɛye ye la babikye ye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 17:5

Na sonla ne mɔɔ menlea nu meye ye la baka ɛdeɛ ne bafifi. Ɔlua adenle ɛhye azo, mebadua Yizilayɛma mɔɔ tendɛ tia wɔ dahuu la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 17:9

Mosisi vale mbaka ne mɔ kɔsɔɔti vindele na ɔvale ɔhilele Yizilayɛma ne. Bɛdabɛ bɛnwunle mɔɔ ɛzi la, na abusua kpanyinli biala yele ye baka ɛdeɛ ne.

Kɛlata mɔɔ bɛhɛlɛle bɛhɔmanle Hibuluma la 9:4

Ɛke yɛɛ ezukoa azukponle ne mɔɔ bɛkpu ɛyɛlɛ zo yɛɛ Ngyekyeleɛ Ɛlɛka ne mɔɔ bɛva ezukoa nvutuke bɛyɛ ye sɔɔnwo la wɔ a. Ezukoa dwora ne mɔɔ mana wɔ nu la gyi Ɛlɛka ne anu. Aalɔn baka ne mɔɔ kpakyele nya, nee awolɛ ndɛbandɛba nwiɔ ne mɔɔ bɛhɛlɛ mɛla ne zolɛ la wɔ Ɛlɛka ne anu.