Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:5 - BAEBOLO ANZƐƐ BULUKU NWUANZANWUANZA

⁵ ɔhanle ɔhilele Kɔla nee ɔ sa zo ne mɔ kɛ, “Ɛhyema nwonlomɔ Ɛdɛnkɛma bahile yɛ sonla holɛ ko mɔɔ le ye ɛdeɛ, na ɔle nwuanzanwuanza, na ɔkɛmaa ye adenle kɛ ɔbikye ye la; mɔɔ ɔdaye ɔkɛye ye la babikye ye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:5 ပူးပေါင်းရင်းမြစ်များ

Edwɛndolɛ Buluku ne 105:26

Ɛdɛnkɛma zoanle ye sonvolɛ Mosisi, yɛɛ Aalɔn mɔɔ yekpa nu yeye bɛ la.

Edwɛndolɛ Buluku ne 115:10

O Aalɔn sua nu amra, bɛva bɛ rɛle bɛwula Ɛdɛnkɛma anu! Ɔle bɛ boavolɛ nee bɛ enyinlike.

Edwɛndolɛ Buluku ne 65:4

Nyilalɛ ɛha sonla ne mɔɔ ɛkɛkpa nu ɛkɛye ye, ɛkɛva ye ɛkɛra kɛ ɔradɛnla wɔ ɛleka nwuanzanwuanza ne la. Yɛ kunlu badwo wɔ sua nu, wɔ Ɛzonlenlɛ Sua nwuanzanwuanza ne kpalɛyɛlɛ nwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:1

“Akee maa ɛ diema Aalɔn nee ɔ mra mrenya ne mɔ, Needabe, Abaehu, Ɛlieza, yɛɛ Yetamaa ɛbikye wɔ na ye bɛ fi Yizilayɛma avinli sie ahane, amaa bɛanyia adenle bɛazonle me kɛ me sɛlɛvolɛma.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:41

Fa adɛladeɛ ɛhye mɔ kɔsɔɔti wulowula ɛ diema Aalɔn nee ɔ mra mrenya ne mɔ. Akee kpokpa bɛ nwole, wula bɛ sɛlɛvolɛ, tu bɛ maa medame Ɛdɛnkɛma maa bɛzonle me kɛ me sɛlɛvolɛma.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:43

Kenle biala mɔɔ Aalɔn nee ɔ mra mrenya ne mɔ ɛlɛba me nyunlu wɔ Ndanlɛ Sua ne anu anzɛɛ bɛlɛkɔ azukponle ne anwo wɔ Ɛleka Nwuanzanwuanza ne bɛahɔyɛ bɛ sɛlɛvolɛ gyima ne la, ɔwɔ kɛ bɛwula zɔhane adɛladeɛ ne mɔ, anrɛɛ bɛkɛli ɛzonle na bɛkɛwu. Ɛhye le mɛla mɔɔ wɔ ɛkɛ ne dahuu maa Aalɔn nee ɔ bo zo amra a.

Gyɛlɛmaya Buluku ne 30:21

Bɛ nuhua bie a bali belemgbunli a, bɛ maanlebuvolɛ ne bavi bɛdabɛ bɛ avinli. Mebamaa yeabikye me, yɛɛ ɔbabikye me, ɔluakɛ awie biala ɔdaye ɔnrɛhola ɔnrɛbikye me. Medame Ɛdɛnkɛma a mese a.

Gyɛlɛmaya Buluku ne 49:19

Kɛmɔ awenade vi Dwɔdan kpɔkɛ nu finde ba mboane kpolane nwo zo a bɛnriandi la, zɔhane ala a mebamaa bɛanriandi bɛavi Yidɔm a, na mebaye sonla mɔɔ mekulo la meamaa yeazie suakpole ne. Nwane a nee me sɛ a? Nwane a kɛhola nee me kɛdwudwu a? Belemgbunli boni a kɛhola me nyunlu gyinla a?

Gyɛlɛmaya Buluku ne 50:44

“Kɛmɔ awenade vi Dwɔdan kpɔkɛ nu finde ba mboane kpolane nwo zo a bɛnriandi la, zɔhane ala a mebamaa bɛanriandi bɛavi Babelonia a, na mebaye sonla mɔɔ mekulo la meamaa yeazie maanle ne. Nwane a nee me sɛ a? Nwane a kɛhola nee me kɛdwudwu a? Belemgbunli boni a kɛhola me nyunlu gyinla a?

Yizikeɛle Buluku ne 40:46

Ekpumgbunli ne noko mɔɔ wɔ nyiakɛ na ɔ nye kɔne ɛbɔ nu la le sɛlɛvolɛma mɔɔ yɛ gyima wɔ azukponle ne azo la ɛdeɛ. Sɛlɛvolɛma ɛhye mɔ amuala le Zeedɔko abo zo amra, na bɛmɛ ala a bɛwɔ Livae abusua ekpunli ne anu, mɔɔ ɔwɔ kɛ bɛdi gyima mɔɔ le zɛhae, bɛbikye Ɛdɛnkɛma na bɛsonle ye a.”

Yizikeɛle Buluku ne 43:19

bɛva ɛnlankɛ nyinli ko bɛmaa Livaema mɔɔ le Zeedɔko abo zo amra, mɔɔ bɛmɛ a bɛba me nyunlu la, bɛmaa bɛva bɛyɛ ɛtane azubɔdeɛ.

Sɛlɛ 10:3

Na Mosisi zele Aalɔn kɛ, “Ɛdɛnkɛma se, ‘Mekile meamaa menli mɔɔ bikye me la anwu kɛ mele nwuanzanwuanza, na meamaa menli ne amuala anwu me anyunlunyia ne.’ ” Na Aalɔn andɛ ɔ nloa anu.

Sɛlɛ 8:2

“Fa Aalɔn nee ɔ mra ne mɔ, adɛladeɛ ne mɔ nee ɛkpokpalɛ nwole ne mɔɔ bɛfa bɛtu sonla bɛmaa Nyamenle la, ɛnlankɛ nyinli mɔɔ bɛfa bɛayɛ ɛtane azubɔdeɛ, mboane nyinli nwiɔ ne, yɛɛ akee kpanwo mɔɔ mgbɔvonle ɛnle nu la kɛndɛne ko ne.

Malakae Buluku ne 3:18

Na akee bɛbanwu ngakyile mɔɔ wɔ sonla mɔɔ di pɛlepɛle nee mɔɔ yɛ amumuyɛ la avinli la, nee ngakyile mɔɔ wɔ sonla mɔɔ sonle Nyamenle nee mɔɔ ɛnzonle Nyamenle la avinli la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:3

Na bɛzele bɛ kɛ, “Akee bɛyɛ bɛmaa yebo zolɛ! Ɛlɔne ne kɔsɔɔti le Ɛdɛnkɛma menli, yɛɛ Ɛdɛnkɛma nee yɛ muala lua. Duzu ati a bɛvo bɛdɛnla Ɛdɛnkɛma menli ne akɔme zo zɛhae a?”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:6

Ɛhyema nwonlomɔ ɛ nee ɛ sa zo ne mɔ bɛva ahyɛnze mɔɔ bɛfa bɛkpu ɛyɛlɛ la, bɛva senle bɛgua nu, bɛva ɛyɛlɛ bɛgua nu na bɛva bɛhɔ Ɛdɛnkɛma anyunlu. Na mɔɔ Ɛdɛnkɛma kɛnlea nu kɛye ye la, yemɔ a ɔle nwuanzanwuanza a. Bɛmɛ Livaema, akee bɛyɛ bɛmaa yebo zolɛ!”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 17:5

Na sonla ne mɔɔ menlea nu meye ye la baka ɛdeɛ ne bafifi. Ɔlua adenle ɛhye azo, mebadua Yizilayɛma mɔɔ tendɛ tia wɔ dahuu la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 17:8

Aleɛ hyenle na Mosisi hɔle Ndanlɛ Sua ne anu la, ɔnwunle kɛ Aalɔn baka ɛdeɛ ne mɔɔ gyi ɛkɛ maa Livae abusua ekpunli ne la ɛfifi. Baka ne ɛfefɛ nya, ɛbɔ ndotolo na yezo alemɔn ma, bɔbɔ bɛbolo.

Dw 15:16

Tɛ bɛmɛ a bɛnleanle bɛyele me a; medame a memkpale nu menyele bɛ a, yɛɛ mezoa bɛ kɛ bɛhɔlua Nyamenle edwɛkɛ ne bɛmaa ɔzo ma dɔɔnwo kpalɛ mɔɔ ɛmkpɔlɔ ɛlɛ la a. Yemɔti Selɛ ne bava debie biala mɔɔ bɛkɛbiza ye wɔ me duma nu la amaa bɛ.

Ɛzoanvolɛma Gyima ne 1:2

ɔhɔdwule mekɛ mɔɔ bɛvale ye bɛhɔle anwuma la. Mɔɔ bɛbava ye bɛahɔ anwuma la, ɔluale Sunsum Nwuanzanwuanza ne azo ɔhilehilele ye ɛzoanvolɛma ne mɔɔ yekpa nu yeye bɛ la debie mɔɔ ɔwɔ kɛ bɛyɛ la amuala.

Ɛzoanvolɛma Gyima ne 1:24

Bɛyɛle nzɛlɛlɛ bɛzele kɛ, “Awulae, wɔmɔ yɛɛ ɛze menli kɔsɔɔti ahonle nu a. Zɔhane ati Awulae, ɛdawɔ kilehile yɛ maa yɛye menli nwiɔ ye anu ko mɔɔ wɔvɛlɛ ye la,

Ɛzoanvolɛma Gyima ne 13:2

Mɔɔ ɛnee bɛlɛyɛ nzɛlɛlɛ na bɛlɛkye ɛhɔne la, Sunsum Nwuanzanwuanza ne zele bɛ kɛ, “Bɛdu Baanabase nee Sɔɔlo bɛzie ahane bɛmaa me na memaa bɛhɔyɛ gyima mɔɔ yemɔti menvɛlɛle bɛ la.”

Ɛzoanvolɛma Gyima ne 15:7

Na bɛhehanle nwolɛ bie dedee la, Pita dwazole na ɔzele bɛ kɛ, “Ayi mɔ, bɛze kɛ mekɛ bie mɔɔ ɛraze ɛhɔ la, Nyamenle yele me bɛ avinli manle mengɔmbɔle Edwɛkpa ne nolo mengilele bɛdabɛ mɔɔ bɛnle Dwuuma la, amaa bɛdabɛ noko bɛade edwɛkɛ ne na bɛalie bɛali.

Ɛzoanvolɛma Gyima ne 22:14

Na ɔhanle kɛ, ‘Yɛ nlenya mɔ Nyamenle ne ɛye wɔ ɛzie ɛkɛ kɛ ɛnwu ye ɛhulolɛdeɛ na ɛnwu ye Fɔɔnwonli sonvolɛ ko ne, na ɛde ɔ ne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:13

Kɛkala, bɛ nee Kelaese Gyisɛse ɛyɛ ko, amaa ɔlua zo bɛmɛ mɔɔ anrɛɛ bɛwɔ moa moa la, bɛlua Kelaese mogya ne mɔɔ ɔhwinle ɔguale la azo bɛhwe bɛ bɛbikye Nyamenle.

2 Tem 2:19

Noko adiabo ne mɔɔ Nyamenle ɛwula la gyi kpundii, na bɛhɛlɛ nwolɛ kɛ, “Awulae ze bɛdabɛ mɔɔ bɛle ye ɛdeɛ la,” yɛɛ “Ɔwɔ kɛ awie biala mɔɔ bɔ Awulae duma kɛ ɔle Awulae la twe ɔ nwo fi ɛtane nwo.”

Kɛlata mɔɔ bɛhɛlɛle bɛhɔmanle Hibuluma la 12:14

Bɛbɔ mɔdenle kɛ bɛ nee menli kɔsɔɔti kɛdɛnla anzonudwolɛ nu na bɛmaa bɛ ɛbɛla nwo ɛde nwuanzaanwu, ɔboalekɛ mɔɔ anyɛ ye zɔhane la ɔyɛ se kɛ ɔkɛnwu Nyamenle.

Yekile 1:6

na yeyɛ yɛ arelemgbunli nee sɛlɛvolɛma kɛ yɛzonle ye Nyamenle Selɛ ne. Anyunlunyia nee tumi ɛyɛ ye ɛdeɛ dahuu! Amen.

1 Sam 2:28

Menyele ye abusua ɛdeɛ ne menvile Yizilayɛ mbusua ekpunli ne mɔ amuala anu kɛ bɛmɛ yɛɛ bɛyɛ me sɛlɛvolɛma, bɛzonle wɔ azukponle ne anwo, bɛyela ɛyɛlɛ bɛbɔ azu na bɛwula Yifɔdo bɛrɛla me nyunlu a. Eza memanle bɛ adenle kɛ bɛva azukponle ne azo azubɔdeɛ ne mɔ mɔɔ Yizilayɛma kɛva kɛra la bie.