Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:46 - BAEBOLO ANZƐƐ BULUKU NWUANZANWUANZA

⁴⁶ na Mosisi hanle hilele Aalɔn kɛ, “Fa wɔ ɛyɛlɛkpunlɛ kyɛnze ne, fa senle wɔ azukponle ne azo gua nuhua, na fa ɛyɛlɛ gua senle ne anu. Akee ka ɛ nwo ndɛndɛ fa kɔ menli ne anwo lɔ na kɔyɛ mgbɔdalɛ nzɛlɛlɛ maa bɛ. Maa ɔyɛ ndɛ! Ɛdɛnkɛma ɛya ne ɛdwu aze, yɛɛ ewulenzane ɛbɔ ɔ bo.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:46 ပူးပေါင်းရင်းမြစ်များ

1 Edk 27:24

Dwowabe mɔɔ ɔ nli a le Zɛluaya la bɔle ɔ bo kɛ ɔtia menli ne, noko yeandwu ɛleka bie. Nyamenle deanle Yizilayɛma wɔ menli ɛdianlɛ ɛhye anwo, yemɔti menli dodo mɔɔ bɛnyianle ye la bɛangɛlɛ ye wɔ Belemgbunli Devidi mbuluku ne mɔ anu.

Edwɛndolɛ Buluku ne 106:29

Bɛvale bɛ nyɛleɛ bɛhanle Ɛdɛnkɛma ɛya, na ewule nzane dɔle bɛ avinli.

Edwɛndolɛ Buluku ne 141:2

Maa me nzɛlɛlɛ ɛyɛ kɛ ɛyɛlɛ evuanlɛ wɔ ɛ nyunlu, na fa me sa mɔɔ memaa ye zo la kɛ nɔsolɛ azubɔlɛ.

Sɛlɛ 10:6

Na Mosisi zele Aalɔn nee ɔ mra mrenya Ɛlieza nee Yetamaa kɛ, “Bɛmmamaa bɛ ti enrinli kendɛhenda nwolɛ yɛɛ bɛmmasuosua bɛ adɛladeɛ nu bɛkile kɛ bɛlɛdi nyane, anrɛɛ bɛkɛwu, na bɛkɛmaa bɛkɛva menli mɔɔ ɛrayia ɛke la amuala anwo ɛya. Noko bɛ mediema Yizilayɛma amuala kola su bɛ wɔ senle ɛhye mɔɔ Ɛdɛnkɛma ɛva ɛyela bɛ la ati.

Sɛlɛ 9:24

Na senle vi Ɛdɛnkɛma ɛkɛ ne rayelale ɛyelalɛ azubɔdeɛ ne nee nane ɛnlome ne mɔɔ wɔ azukponle ne azo la. Menli ne amuala nwunle ye la, bɛdeɛdeanle nuhua na bɛbutubutule bɛ nye aze.

Habakɛke Buluku ne 3:5

Ewulenzane li ɔ nyunlu, ewulenzane li ɔ nzi.

Malakae Buluku ne 1:11

Me duma le kpole wɔ maanle maanle avinli ɔvi sɛnzɛne aduduleɛ kɔdwu adɔleɛ. Ɛleka biala bɛkpu ɛyɛlɛ evuanlɛ na bɛfa azubɔdeɛ mɔɔ anwo te la bɛmaa me, ɔluakɛ me duma ne le kpole wɔ maanle maanle avinli.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 1:53

Na Livaema ne bayɛ azokoɛleɛ abɔ ayia Ndanlɛ Sua ne na bɛazinza, amaa awie ambikye ye na yeaha me ɛya yeamaa meava me ɛya ne meagua Yizilayɛma anwo zo.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:33

Mɔɔ nane ne akee bule bɛ nwo zo la, Ɛdɛnkɛma vale bɛ nwo ɛya na ɔdeanle bɛ, ɔmanle ewule nzane dɔle bɛ avinli hunle bɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:5

Ɔwɔ kɛ ɛdawɔ nee ɛ mra mrenya angomekye a yɛ gyima wɔ Ɛleka Nwuanzanwuanza ne nee azukponle ne anwo a, amaa meanva Yizilayɛma anwo ɛya bieko.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 25:13

ɔdaye nee ɔ bo zo amra bayɛ sɛlɛvolɛma mɔɔ ɛmbɔ aze ɛlɛ a, ɔboalekɛ ɔhwenle ye Nyamenle ne ati nungule ɔvale ɔkpɔdale Yizilayɛma ati.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 25:8

ɔhɔle nrenya ne nee raalɛ ne anwo zo wɔ ndanlɛ sua ne anu, na ɔwowɔle bɛ ɔhunle bɛ. Ɛhye manle ewulenzane mɔɔ rale Yizilayɛma anwo zo la gyakyile,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 8:19

Meye Livaema mevi Yizilayɛma anu meva bɛ mehyɛ Aalɔn nee ɔ mra mrenya kɛ bɛyɛ gyima bɛmaa Yizilayɛma ne wɔ Ndanlɛ Sua ne anu, amaa saa ngyengyene nu bie menli ne bikye Ɛleka Nwuanzanwuanza ne a, bɛayɛ mgbɔdalɛ nzɛlɛlɛ bɛakpa ewulenzane mɔɔ anrɛɛ kɛra bɛ nwo zo la bɛagua.”

Mɛla 9:22

“Wɔ Tabɛla, Manasɛ, nee Kebelo Hateeyava noko, bɛmanle Ɛdɛnkɛma vale ɛya.