Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:41 - BAEBOLO ANZƐƐ BULUKU NWUANZANWUANZA

⁴¹ Aleɛ hyenle bieko la, menli ne kɔsɔɔti dendɛle tiale Mosisi nee Aalɔn hanle kɛ, “Bɛhu Ɛdɛnkɛma menli ne bie mɔ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:41 ပူးပေါင်းရင်းမြစ်များ

1 Arl 18:17

Ehabe anye bobɔle Yilaegya ala la, ɔbizale ye kɛ, “Ɛnee ɛdawɔ Yilaegya, mɔɔ wɔgyegye Yizilayɛ maanle ye kpole la ɛhye ɔ?”

Edwɛndolɛ Buluku ne 106:13

Noko yeangyɛ biala yɛɛ bɛ rɛle vile ye gyima ne mɔ a; bɛangendɛ bɛandie ye folɛdulɛ.

Edwɛndolɛ Buluku ne 106:23

Yemɔti ɔhanle kɛ ɔbɔ bɛ bo zo, na Mosisi mɔɔ yekpa nu yeye ye la, gyinlanle kpundii wɔ ɔ nyunlu, ɔmanle ɔgyakyile ye ɛya ne, yeanzɛkye bɛ.

Ayezaya Buluku ne 26:11

O Ɛdɛnkɛma, wɔkpogya ɛ sa zo, noko bɛnnwu ye. Maa bɛnwu kɛ ɛsi ɛkulo wɔ menli ne la, na bɛ nyunlu ɛgua aze. Maa wɔ senle ne ɛyela wɔ kpɔvolɛma ɛhu bɛ.

Gyɛlɛmaya Buluku ne 38:4

Na mgbanyima ne mɔ hanle hilele belemgbunli ne kɛ, “Maa bɛhu nrenya ɛhye, ɔluakɛ ɔlɛka edwɛkɛ yeamaa ɛlɔnema mɔɔ ɛha suakpole ye azo nee menli ne amuala asa anu atuto. Nrenya ɛhye ɛnzuzu maanlema boɛ, ɔsuzu bɛ nee ɛtane.”

Gyɛlɛmaya Buluku ne 43:3

Nilaya ara nrenya Bɛlɛke ala a ɛli ɛwula wɔ a, amaa wɔaye yɛ wɔamaa Babeloniama wɔamaa bɛahu yɛ anzɛɛ bɛavula yɛ bɛahɔ nlɔnu wɔ Babelonia.”

Emɔzo Buluku ne 7:10

Amazaya, Bɛtɛle sɛlɛvolɛ ne hɔdoanle Emɔso hilele Yizilayɛ Belemgbunli Gyɛlɔbowam kɛ, “Emɔso ɛlɛmaa menli ne ɛ nwo adwenle ɛtane. Ye ngehanleɛ ne mɔ ɛbo maanle ne anwo zo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:2

Yizilayɛma ne kɔsɔɔti dendɛle tiale Mosisi nee Aalɔn hanle kɛ, “Ɔle kpalɛ kɛ anrɛɛ yɛwule Yigyibiti azɛlɛ zo! Anzɛɛ ɔle kpalɛ kɛ anrɛɛ yɛwule fienemgbole ɛhye anu!

Edwɛkpa ne kɛmɔ Mateyu hɛlɛle la 5:11

“Nyilalɛ ɛha bɛ kɛ bɛle me ɛdoavolɛma la ati bɛbɔ bɛ aholoba, bɛyɛ bɛ kpɔdekpɔde na bɛsoa ɛzonle ngakyile muala bɛgua bɛ nwo zo la.

Ɛzoanvolɛma Gyima ne 21:28

bɛdeɛdeanle nu kɛ, “Yizilayɛma e, bɛrɛla o na sonla ne mɔɔ luolua nuhua ɛlɛkilehile menli atia Yizilayɛma nee Mosisi mɛla ne nee Ɛzonlenlɛ Sua ye la, yemɔ ɛne! Eza noko yehɔva menli bie mɔɔ ɛnle Dwuuma la yera Ɛzonlenlɛ Sua ye anu yemaa evinli ɛha ɛleka nwuanzanwuanza ɛhye.”

Ɛzoanvolɛma Gyima ne 5:28

“Bɛmɛ, yɛbɔ bɛ kɔkɔ kɛ bɛmmabɔ sonla zɔhane duma bɛkilehile menli wɔ ɛleka biala, noko nea mɔɔ akee bɛlɛyɛ a. Bɛva bɛ ngilehilelɛ ne bɛkponde Gyɛlusalɛm amuala; bɛyɛ bɛamaa yɛmɛ yɛali ɛzonle wɔ sonla ne ewule nwo!”

1 Kɔl 10:10

Eza ɔnle kɛ yɛtendɛ yɛ nzo abo, kɛmɔ bɛ bie mɔ yɛle na Ewule soanvolɛ zɛkyele bɛ la.

2 Kɔl 6:8

Bɛdi yɛ eni yɛɛ bɛgua yɛ nyunlu aze; bɛbɔ yɛ aholoba yɛɛ bɛye yɛ ayɛlɛ. Bɛbu yɛ alanema, noko yɛdi nɔhalɛ;

Dwuudu Kɛlata ne 1:16

Menli ɛhye mɔ tendɛ bɛ nzo abo dahuu, bɛ kunlu ɛndwo bɛ nwo ɛlɛ; bɛdi bɛ atiakunluwɔzo ɛtane ne mɔ anzi, bɛtu bɛ nloa anu na bɛbɛlɛbɛla menli wɔ bɛdabɛ bɛ ngome bɛ boɛyɛlɛ ti.