Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:40 - BAEBOLO ANZƐƐ BULUKU NWUANZANWUANZA

⁴⁰ Ɛhye yɛle kɔkɔbɔlɛ manle Yizilayɛma kɛ, ɔnle kɛ awie biala mɔɔ ɛnle Aalɔn abo zo sonla la ba azukponle ne anwo bayela ɛyɛlɛ maa Ɛdɛnkɛma. Anrɛɛ bɛkɛzɛkye ye kɛ bɛzɛkyele Kɔla nee ye menli ne la. Ɛlieza yɛle ɛhye mɔ amuala, kɛmɔ Ɛdɛnkɛma luale Mosisi anwo zo zele ye la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:40 ပူးပေါင်းရင်းမြစ်များ

Edwɛndolɛ Buluku ne 115:10

O Aalɔn sua nu amra, bɛva bɛ rɛle bɛwula Ɛdɛnkɛma anu! Ɔle bɛ boavolɛ nee bɛ enyinlike.

Yizikeɛle Buluku ne 40:46

Ekpumgbunli ne noko mɔɔ wɔ nyiakɛ na ɔ nye kɔne ɛbɔ nu la le sɛlɛvolɛma mɔɔ yɛ gyima wɔ azukponle ne azo la ɛdeɛ. Sɛlɛvolɛma ɛhye mɔ amuala le Zeedɔko abo zo amra, na bɛmɛ ala a bɛwɔ Livae abusua ekpunli ne anu, mɔɔ ɔwɔ kɛ bɛdi gyima mɔɔ le zɛhae, bɛbikye Ɛdɛnkɛma na bɛsonle ye a.”

Yizikeɛle Buluku ne 43:19

bɛva ɛnlankɛ nyinli ko bɛmaa Livaema mɔɔ le Zeedɔko abo zo amra, mɔɔ bɛmɛ a bɛba me nyunlu la, bɛmaa bɛva bɛyɛ ɛtane azubɔdeɛ.

Sɛlɛ 22:10

“Ɔnle kɛ awie biala mɔɔ ɛmboka sɛlɛvolɛma abusua ekpunli ne anwo la di aleɛ nwuanzanwuanza ne bie. Sɛlɛvolɛ biala ɛyɛvolɛ mɔɔ ɔ nee ye de anzɛɛ ye sonvolɛ mɔɔ yebɔ ye ɛkpa la, ɔnle kɛ ɔdi aleɛ nwuanzanwuanza ne bie.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 1:51

Mekɛ biala mɔɔ bɛvi azokoɛleɛ ko bɛlɛkɔ azokoɛleɛ fofolɛ la, Livaema ne badudu Ndanlɛ Sua ne ahɔ azokoɛleɛ fofolɛ ne na bɛakpɔnla ye bieko. Awie gyɛne biala mɔɔ kɛbikye Ndanlɛ Sua ne la, bɛhu ye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:39

Yemɔti Sɛlɛvolɛ Ɛlieza vale ɛyɛlɛkpunlɛ ahyɛnze ne mɔ bolole bɛ ndɛtɛlɛ ndɛtɛlɛ yɛɛ bɛfa bɛkeda azukponle ne azo a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 3:10

Akee ye Aalɔn nee ɔ mra ne mɔ maa bɛyɛ sɛlɛvolɛ gyima ne; saa awie gyɛne biala pele kɛ ɔyɛ bie a, bɛhu ye.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 3:38

Ɔwɔ kɛ Mosisi nee Aalɔn nee ɔ mra ne mɔ tɛnla Ndanlɛ Sua ne anyunlu wɔ aduduleɛ afoa nu. Bɛmɛ yɛɛ bɛyɛ ɛzonlenlɛ gyima wɔ Ɛleka Nwuanzanwuanza ne bɛmaa Yizilayɛma a. Awie gyɛne biala mɔɔ kɛpele kɛ ɔyɛ bie la, bɛhu ye.

Kɛlata mɔɔ bɛhɛlɛle bɛhɔmanle Hibuluma la 5:4

Awie ko ɔdaye ɔngola ɔnyɛ ɔ nwo sɛlɛvolɛ kpanyinli. Bɛdua Nyamenle ɛvɛlɛlɛ zo a bɛyɛ sonla sɛlɛvolɛ kpanyinli a, kɛmɔ bɛyɛle Aalɔn la.

Dwɔhyua Buluku ne 4:7

bɛze bɛ kɛ mekɛ mɔɔ Ɛdɛnkɛma Ngyekyeleɛ Ɛlɛka ne pɛ Azule Dwɔdan ne la, azule ne tikale na ɔgyakyile ɛzenlɛ. Awolɛ ɛhye mɔ bayɛ ngakyelɛ sɛkɛlɛneɛ amaa Yizilayɛma kɔsɔɔti wɔ mɔɔ zile la anwo.”

Dwuudu Kɛlata ne 1:11

Abule ɛbu bɛ! Bɛva Keen agyakɛ. Bɛdoa ezukoa fɛlɛko bɛvo kɛ Beelam la. Bɛde atua kɛ Kɔla dele la, na bɛminli bɛ bo zo.