Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:33 - BAEBOLO ANZƐƐ BULUKU NWUANZANWUANZA

³³ Yemɔti bɛ nee bɛ nwo ninyɛne kɔsɔɔti hɔle Ɛbolɔ anyewɔzo. Azɛlɛ ne hedale bɛ nwo zo na bɛ bo zo minlinle.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:33 ပူးပေါင်းရင်းမြစ်များ

Edwɛndolɛ Buluku ne 141:7

Kɛ sonla mɔɔ bɛkɛde ye bodane zo la mbowule si sande la, zɔhane ala yɛɛ bɛ mbowule bazande Ɛbolɔ anuhɔlɛ ne a.

Edwɛndolɛ Buluku ne 143:7

O Ɛdɛnkɛma, ka ɛ nwo bua me! Me ɛnwomenle ɛwie! Mmafa ɛ nye ɛfea me, anrɛɛ menwɔyɛ kɛ bɛdabɛ mɔɔ bɛwu la.

Edwɛndolɛ Buluku ne 55:15

Maa ewule ɛhu bɛ; maa bɛzie bɛ anyewɔzo! Amumuyɛ ɛyi bɛ awuke nee bɛ ahonle nu tɛkɛɛ.

Edwɛndolɛ Buluku ne 55:16

Mesu mefɛlɛ Nyamenle; na Ɛdɛnkɛma balie me.

Edwɛndolɛ Buluku ne 55:23

Na wɔmɔ, O Nyamenle, ɛbavuandi bɛ wɔagua kuma kpole ne anu; ahɔdiawu nee ngunzima ɛnrɛli bɛ mekɛ ne foa ko bɔbɔ. Na mame, mebava me rɛle meawula wɔ nu.

Edwɛndolɛ Buluku ne 69:15

Mmamaa azuyilɛ ne fa me, anzɛɛ menoma buma ne abo, anzɛɛ ewule kuma keda me nwo zo.

Edwɛndolɛ Buluku ne 9:15

Menli mɔɔ ɛnze Nyamenle la ɛzua ɛhane ɛhye bɛ nwo; bɛgua kuma mɔɔ bɛdabɛ bɛvu la anu.

Ayezaya Buluku ne 14:15

Na wɔmɔ a bɛ nee wɔ ɛra ɛbolɔ sua zo ɛke wɔ ewule kuma ye abo la.

Ayezaya Buluku ne 14:9

“Ɛbolɔ ɛboɔboa ɔ nwo kɛ saa ɛba a ɔbarayia wɔ adenle. Azɛlɛ ye azo mgbanyima nwomenle badwazo arayɛ wɔ akoaba, yɛɛ bɛdabɛ mɔɔ anrɛɛ bɛle arelemgbunli wɔ maanle maanle ne mɔ anu la badwazo bɛ arelemgbunli mbia zo ayia wɔ.

Ayezaya Buluku ne 38:18

Ɛbolɔ amra ɛngola ɛnyɛ wɔ mo, Menli mɔɔ ɛwu la ɛngola ɛnye wɔ ayɛlɛ, Bɛdabɛ mɔɔ bɛwɔ ewule kuma nu la Ɛngola ɛnva bɛ rɛle ɛnwula wɔ nɔhalɛlilɛ nu.

Yizikeɛle Buluku ne 31:14

Meyɛ ɛhye mɔ amuala, amaa baka biala mɔɔ gyi azule nloa la annyi angɔ anwuma somaa, anzɛɛ ɔ ti annyi andwu amungu ne mɔ anu, na mbaka mɔɔ no nzule la annyi ndendenle zɔhane, ɔluakɛ bɛye bɛ muala bɛmaa ewule, kɛmɔ menli wu la, bɛboka bɛdabɛ mɔɔ bɛkɔ ewule kuma nu la anwo.”

Yizikeɛle Buluku ne 32:18

Ɔse, “Sonla ra, su gua Yigyibitima amuala ati zo, na pia bɛ kɔsɔɔti, ɔdaye nee menli mɔɔ lɛ tumi wɔ maanle maanle ne mɔ anu la amuala kɔgua mɔwuamra ewiade ne anu, maa bɛhɔboka bɛdabɛ mɔɔ bɛhɔ ɛbolɔ la anwo.

Yizikeɛle Buluku ne 32:30

“Arelemgbunli mɔɔ wɔ Sɔlɔ la wɔ ɛkɛ; bɛmɛ yɛɛ Saedɛnema amuala, bɛhunle bɛ anyiemgba nu wɔ konle nu. Bɛ nwo ɛzulolɛ ne mɔɔ bɛvale bɛ anwosesebɛ kpole ne bɛhanle la anzi, bɛwu kɛ bɛdabɛ mɔɔ bɛnze Nyamenle la bɛboka bɛdabɛ mɔɔ bɛhu bɛ konle nu la anwo; bɛ anyiemgba doa bɛ kɛ bɛdabɛ mɔɔ bɛwɔ ɛbolɔ la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:32

na ɔmenle bɛ nee bɛ mbusuafoɔ, nee Kɔla asa azo ne mɔ nee bɛ nwo ninyɛne kɔsɔɔti.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:34

Yizilayɛma kɔsɔɔti mɔɔ wɔ ɛkɛ na bɛdele menli ne ɛdeɛdeanlɛ ne la nriandile, na bɛhanle kɛ, “Angɔ a angɔ o! Anrɛɛ azɛlɛ ne kɛme yɛdayɛ noko o!”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:33

Wɔ asoaso ne nwunle me na ɔhwenle ahane fane nsa. Saa yeanyɛ ye zɔhane a anrɛɛ mehu wɔ na megyakyi yemɔ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 26:11

Kɔla amra mrenya ne mɔ, bɛmɛ bɛanwu.)

Mɛla 32:22

Ɔluakɛ me ɛya sɔ kɛ senle, ɔsɔ toonwo ɔdwu ɛbolɔ. Ɔyela azɛlɛ ye nee zolɛ debie biala, na ɔmaa awoka ne mɔ adiabo yela.

Dwuudu Kɛlata ne 1:11

Abule ɛbu bɛ! Bɛva Keen agyakɛ. Bɛdoa ezukoa fɛlɛko bɛvo kɛ Beelam la. Bɛde atua kɛ Kɔla dele la, na bɛminli bɛ bo zo.