Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:22 - BAEBOLO ANZƐƐ BULUKU NWUANZANWUANZA

²² Na Mosisi nee Aalɔn dule guale mutule nu na bɛhanle kɛ, “O Nyamenle, menli kɔsɔɔti bɛ Nyamenle, na saa sonla ko yɛ ɛtane a, ɛnee ɔwɔ kɛ ɛfa ɛlɔne ne anwo ɛya ɔ?”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:22 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:32

Na Ebileham hanle kɛ, “O Awulae, mmafa me nwo ɛya, na maa menga kokye ɛhye. Na saa ɛnwu bulu wɔ ɛkɛ ne ɛ?” Ɛdɛnkɛma buale kɛ, “Saa menwu bulu wɔ ɛkɛ a, menli bulu ne ati, menrɛzɛkye suakpole ne.”

2 Sam 24:1

Eza Ɛdɛnkɛma vale Yizilayɛma anwo ɛya bieko, na ɔmanle Devidi ahonle futule bɛ nwo. Ɔzele ye kɛ, “Kɔ kɔdia Yizilayɛma nee Dwudama kɔsɔɔti.”

2 Sam 24:17

Mɔɔ Devidi nwunle Nyamenle soanvolɛ ne mɔɔ ɛlɛkuhu menli ne mɔ la, ɔzɛlɛle Ɛdɛnkɛma kɛ, “Mame, meze kɛ meyɛ ɛtane na mebɔ munzule, na mboane ɛhye mɔ, duzu a bɛyɛ a? Mesɛlɛ wɔ, maa wɔ ndeanlɛ ne ɛyɛ me ngome nee egya awuke nu amra ɛdeɛ.”

Dwobu Buluku ne 12:10

Abɔdeɛ biala ngoane wɔ ɔ sa nu, yɛɛ dasanli biala ngoane wɔ ɔ sa nu.

Edwɛndolɛ Buluku ne 99:6

Mosisi nee Aalɔn boka ye sɛlɛvolɛma ne, Samoɛle boka bɛdabɛ mɔɔ bɛzonlenle ye la. Bɛdeanle bɛvɛlɛle Ɛdɛnkɛma, na ɔliele bɛ zo.

Nolo 12:7

Munlutu bazia ahɔ ndɛtɛlɛ nu kɛ ye dɛba ne ala la, na sunsum ne azia ahɔ Nyamenle mɔɔ vale manle la ɛkɛ.

Ayezaya Buluku ne 57:16

Ɔluakɛ medame a memaa ngoane a, yɛɛ me nuhua a sunsum ne vi ba a; menrɛva bɛ nwo ɛya dahuu, yɛɛ dahuu menrɛbɔ bɛ somolɛ.

Gyɛlɛmaya Buluku ne 32:27

“Nea, mame a mele Ɛdɛnkɛma, menli kɔsɔɔti bɛ Nyamenle ne a; debie biala ɛmbo me nwo zo.

Gyɛlɛmaya Buluku ne 38:16

Na Belemgbunli Zɛdikaya hanle ndane fealera nu hilele Gyɛlɛmaya. Ɔse, “Meka tease Ɛdɛnkɛma ne mɔɔ bɔle yɛ la kɛ, menrɛmaa bɛnrɛhu wɔ anzɛɛ menrɛye wɔ menrɛmaa menli ɛhye mɔ mɔɔ kpondɛ wɔ ahu wɔ la.”

Yizikeɛle Buluku ne 18:4

Bɛnwu ye kɛ awie biala ngoane le me ɛdeɛ. Bɛ nlenya mɔ ngoane ne le me ɛdeɛ, yɛɛ ngakula ne mɔ ngoane le me ɛdeɛ. Awie biala mɔɔ kɛyɛ ɛtane la, bawu.

Sɛlɛ 10:6

Na Mosisi zele Aalɔn nee ɔ mra mrenya Ɛlieza nee Yetamaa kɛ, “Bɛmmamaa bɛ ti enrinli kendɛhenda nwolɛ yɛɛ bɛmmasuosua bɛ adɛladeɛ nu bɛkile kɛ bɛlɛdi nyane, anrɛɛ bɛkɛwu, na bɛkɛmaa bɛkɛva menli mɔɔ ɛrayia ɛke la amuala anwo ɛya. Noko bɛ mediema Yizilayɛma amuala kola su bɛ wɔ senle ɛhye mɔɔ Ɛdɛnkɛma ɛva ɛyela bɛ la ati.

Sɛlɛ 4:3

na saa ahenle le sɛlɛvolɛ mɔɔ bɛkpokpa ye nwole la yɛɛ ɛyɛ ɛtane ɛva evinli ɛha menli ne a, bɛmaa ɔva ɛnlankɛ nyinli edonraa mɔɔ anwo ɛnlɛ dɛne la ɔyɛ azubɔdeɛ ɔmaa Ɛdɛnkɛma wɔ ye ɛtane ne mɔɔ yeyɛ la anwo.

Zɛkalaya Buluku ne 12:1

Ɛdɛnkɛma nrɛlaleɛ mɔɔ fane Yizilayɛma anwo la ɛne: Ɛdɛnkɛma mɔɔ bɔle anwuma, ɔbɔle azɛlɛ, na ɔbɔle sonla sunsum mɔɔ wɔ ye nu la se,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:5

Mosisi nee Aalɔn dule guale Yizilayɛma ne anyunlu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:23

Ɛdɛnkɛma zele Mosisi kɛ,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:4

Mɔɔ Mosisi dele ɛhye la, ɔbutule mutule nu,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:45

“Ɛvi menli ɛhye mɔ avinli twe ɛ nwo, na mesɛkye bɛ wɔ ɛleka mɔɔ bɛgyi ala la!” Bɛ mu nwiɔ bɛdule bɛguale mutule nu,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 27:16

“Ɛdɛnkɛma Nyamenle, ngoane muala menle, mesɛlɛ wɔ, ye sonla maa ɔnlea menli ne anwo zo,

Wulo 5:18

Zɔhane ati, kɛmɔ sonla ko mɛladonlɛ hwenle menli kɔsɔɔti hɔle ewule nu la, zɔhane ala yɛɛ sonla ko tenleneyɛlɛ babua menli kɔsɔɔti benle na yeamaa bɛ ngoane a.

1 Kɔl 13:7

Ɛhulolɛ ɛmkpo aze ɛlɛ; ɔlɛ diedi wɔ debie biala anu, ɔlɛ debie biala anwo anyelazo yɛɛ ye abotane bo ɛndu ɛlɛ.

Kɛlata mɔɔ bɛhɛlɛle bɛhɔmanle Hibuluma la 12:9

Saa yɛ ze mɔ mɔɔ wole yɛ la tea yɛ a, yɛdi bɛ eni. Fane nyɛ yɛɛ akee yɛnrɛli yɛ sunsum nu Selɛ ne eni na yɛnrɛnyia ngoane a?

Dwɔhyua Buluku ne 22:18

Yemɔti ɛnɛ noko eza bɛkpo kɛ bɛnrɛdoa ye ɔ? Saa bɛkpo Ɛdɛnkɛma ɛnɛ a, ɛhyema ɔbava Yizilayɛnli biala anwo ɛya.