Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:12 - BAEBOLO ANZƐƐ BULUKU NWUANZANWUANZA

¹² Akee Mosisi zoanle manle bɛhɔvɛlɛle Deetan nee Abaelam, na bɛzele kɛ, “Yɛnrɛra!

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:12 ပူးပေါင်းရင်းမြစ်များ

Mrɛlɛbulɛ Buluku ne 29:9

Saa nrɛlɛbɛvolɛ nee koasea su kpolera a, koasea ne teɛdea nu sele mgbole mgbole; ɔmmaa bɛnnyia bɛ nzo fee.

Ayezaya Buluku ne 3:5

Menli ne basisi bɛ nwo ngoko ngoko; awie biala basisi ɔ gɔnwo anzɛɛ ɔ diema. Mgbavolɛ nee mbɛlɛra bayɛ mgbanyizonle ahile mgbanyinli, yɛɛ kpamgbanvolɛma badu bɛ nwo ahile menli mɔɔ lɛ dibilɛ la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:1

Yezaa ara nrenya Kɔla mɔɔ vi Livaenli Kohate abusua ekpulike ne anu la dwazole Mosisi anwo zo. Menli nsa mɔɔ vi Wulubɛn abusua ekpunli ne anu, Yilayabe amra mrenya nwiɔ, Deetan nee Abaelam, yɛɛ Pilɛte ara nrenya Ɔɔn rabokale ye. Yizilayɛ mgbanyinli mɔɔ awie biala ze bɛ na menli ne a yɛle bɛ mgbanyinli la ɛya nwiɔ abulanlu noko rabokale bɛ nwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:11

Saa bɛtendɛ bɛtia Aalɔn a, ɛnee Ɛdɛnkɛma a ɛ nee ɛ sa zo ne mɔ ɛlɛko atia ye a. Na nwane a le Aalɔn, na bɛadendɛ bɛatia ye.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:13

Ɛ kunlu ɛtɛdwole ɔ, kɛ wɔva yɛ wɔvi Yigyibiti azɛlɛ ne mɔɔ kye aleɛ la azo, wɔragua yɛ fienemgbole nwenle ye azo kɛ ɛku yɛ? Eza ɛkulo kɛ ɛfo ɛtɛnla yɛ kɔme zo ɔ?

Dwuudu Kɛlata ne 1:8

Zɔhane ala yɛɛ menli ɛhye mɔ de a. Bɛyɛ bɛ nwo kɛ bɛnwu ɛnyelɛzodeɛnwunlɛ na bɛdua zo bɛsɛkye bɛ nwonane ne, bɛkpo Nyamenle tumi ne na bɛtendɛ bɛtia anyunlunyiama mɔɔ wɔ anwuma la.