Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:39 - BAEBOLO ANZƐƐ BULUKU NWUANZANWUANZA

³⁹ Nyɛma fufutuu ne mɔ bayɛ ngakyelɛ debie mɔɔ mekɛ biala mɔɔ bɛkɛnwu bɛ la, bɛbahakye me mɛla ne mɔ na bɛali zolɛ; na bɛangakyi bɛ nzi bɛanzi me, bɛanyɛ mɔɔ bɛdabɛ bɛkulo la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:39 ပူးပေါင်းရင်းမြစ်များ

1 Arl 12:33

Kɛmɔ ɔhyehyɛle ala la, siane mɔtwɛ ne kenle bulu nee nnu ne azo, Gyɛlɔbowam hɔle Bɛtɛle kɛ ɔkakpu ɛyɛlɛ yeabɔ azu wɔ azukponle ne mɔɔ yeyɛ la azo yeava yeabɔ ɛvoyialilɛ ne mɔɔ yehyehyɛ yemaa Yizilayɛma la abo.

Dwobu Buluku ne 31:7

Saa mengyakyi nɔhalɛ adenle ne, memaa me nye ɛbɛlɛbɛla me ahonle, na menli ɛtane nwo fɔlɛ a,

Edwɛndolɛ Buluku ne 106:39

Ɛhye ati bɛ nyɛleɛ manle evinli hanle bɛ, na bɛluale bɛ nyɛleɛ zo bɛbɔle nyamenlezonlenlɛ nu tuutuu ɛbɛla.

Edwɛndolɛ Buluku ne 73:27

Na nea, bɛdabɛ mɔɔ bɛ nee wɔ bɛ avinli twe la baminli; ɛmaa bɛdabɛ mɔɔ bɛnli nɔhalɛ bɛmmaa wɔ la abo zo bɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:9

Na ɔbayɛ kɛ sɛkɛlɛneɛ mɔɔ wɔ bɛ sa anwo na yeayɛ kɛ ngakyedeɛ wɔ bɛ nwoma azo, amaa Ɛdɛnkɛma mɛla ne ala bɛ nloa, ɔluakɛ ɔlua tumi kpole zo, Ɛdɛnkɛma ɛye bɛ ɛvi Yigyibiti.

Mrɛlɛbulɛ Buluku ne 28:26

Sonla mɔɔ fa ɔ rɛle to ɔ ngome ɔ nwo zo la le koasea, na mɔɔ fa nrɛlɛbɛ dua la, bɛbalie ye ngoane.

Mrɛlɛbulɛ Buluku ne 3:1

Me ra nrenya, mmamaa ɛ rɛle fi me ngilehilelɛ ne; fa me mɛla ne mɔ sie wɔ ahonle nu,

Nolo 11:9

Mgbavolɛ nee mbɛlɛra, bɛlie bɛ nye wɔ bɛ ngakula nu. Bɛli fɛlɛko wɔ mekɛ mɔɔ bɛtɛde mgbavolɛ nee mbɛlɛra la. Bɛli bɛ atiakunluwɔzo nzi, na bɛyɛ mɔɔ bɛkulo la. Noko bɛhakye kɛ Nyamenle babua bɛ debie biala mɔɔ bɛkɛyɛ la anwo ndɛne.

Gyɛlɛmaya Buluku ne 9:14

Bɛli bɛ ahonle nzi anzosesebɛ nu bɛzonle awozonle Beeyale ne mɔ, kɛmɔ bɛ ze mɔ hilele bɛ la.

Yizikeɛle Buluku ne 6:9

bɛdabɛ mɔɔ bɛvi ɛsalɛ la ahakye me wɔ maanle maanle zɔhane mɔ mɔɔ hyele bɛ nuokɛ hɔle la avinli. Mebaha bɛ ahonle ɛtane ne mɔ mɔɔ manle bɛdele me nwo atua la aze na meazi bɛ nye ne mɔ mɔɔ bɛfa bɛkpondɛ awozonle bɛsonle bɛ la; na bɛ nwo bayɛ nyiane kpole wɔ bɛ ngome bɛ nye zo wɔ amumuyɛ nee bɛkyi ninyɛne ne mɔ mɔɔ bɛyɛ la ati.

Hozia Buluku ne 2:2

Me mra, bɛ nee bɛ nli ɛdendɛ; kɛkala ɔnle me ye bieko, yɛɛ medame noko menle ɔ hu bieko, noko bɛ nee ye ɛdendɛ. Bɛzɛlɛ ye kɛ ɔgyakyi ye tuutuu ɛbɛlabɔlɛ ne nee ye awuvolɛvalɛ mɛladonlɛ ne.

Mɛla 29:19

Bɛnlea na bɛ bie anva andu ɔ nwo kɛ, kɛmɔ yede ngyekyeleɛ ne anu edwɛkɛ la ati saa ɔyɛ anzosesebɛ a, ɔbava ɔ nwo dwɔɔ. Ɛhye ka awie biala, kpalɛ o, anzɛɛ ɛtane o.

Mɛla 4:23

Bɛnlea bɛ nwo boɛ na bɛ rɛle anvi ngyekyeleɛ ne mɔɔ Ɛdɛnkɛma bɛ Nyamenle ne nee bɛ yɛle la. Bɛmmayɛ debie biala ananze, kɛmɔ Ɛdɛnkɛma bɛ Nyamenle ne ɛdua bɛ la.

Mɛla 6:12

anrɛɛ bɛnlea boɛ na bɛ rɛle anvi Ɛdɛnkɛma mɔɔ yele bɛ vile Yigyibiti akɛlɛzonlenlɛ nu rale la.

Mɛla 8:11

“Bɛnlea boɛ na bɛ rɛle anvi Ɛdɛnkɛma bɛ Nyamenle ne. Bɛmmabulu ye mɛla nee ye ngyehyɛlɛ ne mɔ mɔɔ melɛfa meamaa bɛ ɛnɛ la azo.

Mɛla 8:14

anrɛɛ bɛnlea boɛ na bɛammemaa bɛ nwo zo, bɛammaa bɛ rɛle anvi Ɛdɛnkɛma bɛ Nyamenle ne mɔɔ yele bɛ wɔ akɛlɛzonlenlɛ nu vile Yigyibiti azɛlɛ zo rale la.

Gyemise Kɛlata ne 4:4

Boniayɛma! Bɛnze kɛ saa bɛ nee ewiade tila agɔnwolɛ a ɛnee bɛyɛ Nyamenle agbɔvolɛ ɔ? Sonla mɔɔ fa ewiade ye agɔnwolɛ la kile kɛ ɔle Nyamenle kpɔvolɛ.