Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:35 - BAEBOLO ANZƐƐ BULUKU NWUANZANWUANZA

³⁵ Na Ɛdɛnkɛma zele Mosisi kɛ, “Ɔwɔ kɛ bɛku nrenya ne; bɛmaa menli ne kɔsɔɔti ɛzi ye awolɛ, ɛhu ye wɔ azokoɛleɛ ne kandiba lɔ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:35 ပူးပေါင်းရင်းမြစ်များ

1 Arl 21:13

Agbamgbanvolɛ nwiɔ ne ragyinlanle Neebɔto anyunlu na bɛhanle bɛzile ɔ nyunlu wɔ menli ne anyunlu kɛ, “Neebɔto, wɔdindi Ɛdɛnkɛma anyunlu; eza wɔwa Yizilayɛ belemgbunli ne amonle.” Na ɛkɛ ne ala bɛvale Neebɔto bɛhɔle suakpole ne kandiba na bɛzile ye awolɛ bɛhunle ye.

Sɛlɛ 20:2

“Ka kile Yizilayɛma kɛ: Yizilayɛnli biala anzɛɛ ɛyɛvolɛ biala mɔɔ de Yizilayɛma avinli, mɔɔ kɛva ɔ ra kɛbɔ azu kɛmaa bozonle Molɛke la, bɛhu ye. Bɛdabɛ mɔɔ bɛwɔ maanle ne anu la ɛzi ye awolɛ ɛhu ye.

Sɛlɛ 20:27

“Nrenya anzɛɛ raalɛ biala mɔɔ tendɛ nwomenle nloa azo anzɛɛ le bayivolɛ la, ɔwɔ kɛ bɛku ye. Bɛzi bɛ awolɛ bɛhu bɛ, na bɛ mogya gua bɛdabɛ bɛ ti zo.”

Sɛlɛ 24:23

Yemɔti Mosisi hanle mɛla ne amuala hilele Yizilayɛma amuala. Bɛvale nrenya ne mɔɔ bɔle sasa ne la bɛhɔle azokoɛleɛ ne kandiba ne na bɛzile ye awolɛ. Yizilayɛma yɛle mɔɔ Ɛdɛnkɛma luale Mosisi anwo zo hanle hilele bɛ la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:36

Yemɔti menli ne vale ye hɔle azokoɛleɛ ne kandiba lɔ na bɛzile ye awolɛ bɛhunle ye, kɛmɔ Ɛdɛnkɛma hanle la.

Edwɛkpa ne kɛmɔ Luku hɛlɛle la 4:29

Bɛzɔle ye nu na bɛhwenlenle ye bɛvile suakpole ne azo bɛhɔle boka ne mɔɔ bɛhye suakpole ne zolɛ la abati kɛ bɛkavuandi ye bɛado kuma ne anu.

Ɛzoanvolɛma Gyima ne 7:58

Bɛhwenle ye bɛ nee ye hɔle suakpole ne kandiba, na bɛzile ye awolɛ. Dasevolɛma ne mɔ yeyele bɛ adɛladeɛ manle kpavolɛ bie mɔɔ bɛfɛlɛ ye Sɔɔlo la lɛle.

Mɛla 21:21

Saa ɔba ye zɛhae a, bɛdabɛ mɔɔ bɛwɔ suakpole ne azo la ɛrazi ye awolɛ ɛhu ye, amaa bɛakpa munzule bɛavi sua ne azo. Yizilayɛma kɔsɔɔti bade na bɛazulo.