Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:31 - BAEBOLO ANZƐƐ BULUKU NWUANZANWUANZA

³¹ Ɔboalekɛ yebulu Ɛdɛnkɛma edwɛkɛ zo na yedo ye mɛla ne. Ɔwɔ kɛ bɛku sonla zɔhane, yɛɛ ɔdaye ye munzule zo ye.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:31 ပူးပေါင်းရင်းမြစ်များ

2 Sam 12:9

Duzu ati a wɔbulu Ɛdɛnkɛma edwɛkɛ ne azo na wɔyɛ ɛtane ɛhye ɛ? Wɔmaa bɛhu Yulaya wɔ konle nu. Wɔmaa Amɔnoma ɛhu ye na wɔva ɔ ye.

Edwɛndolɛ Buluku ne 107:11

ɔluakɛ bɛde Nyamenle edwɛkɛ ne anwo atua, na bɛkpo Anwuma Anwumanli ne folɛdulɛ ne.

Edwɛndolɛ Buluku ne 119:126

Mekɛ ɛdwu mɔɔ ɔwɔ kɛ Ɛdɛnkɛma keha ɔ nwo a, ɔluakɛ bɛtietia wɔ mɛla ne mɔ azo.

Edwɛndolɛ Buluku ne 38:4

Ɔluakɛ me amumuyɛ ɛbo me nwo zo, bɛ ɛnlomboɛ ɛyɛ adesoa ɛbo me nwo zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 30:33

Awie biala mɔɔ kɛyɛ ye ko ne ala bie, anzɛɛ awie biala mɔɔ kɛva bie kɛkpokpa awie gyɛne biala la, bɛye ye bɛvi ye menli ne avinli.’ ”

Mrɛlɛbulɛ Buluku ne 13:13

Sonla mɔɔ kpo folɛdulɛ la fa ɔ nwo to munzule nu, na mɔɔ di mɛla zo la banyia nwolɛ ahyɛlɛdeɛ.

Ayezaya Buluku ne 30:12

Yemɔti kɛ Yizilayɛ Nwuanzanwuanza Ko ne se la ɛne, “Kɛmɔ bɛkpo me nloa edwɛkɛ ɛhye, na bɛ adwenle wɔ nzisi nee mgbane mgbane ɛyɛlɛ zo, na bɛva bɛ adwenle bɛwula nu la,

Ayezaya Buluku ne 53:6

Yɛ muala yɛminli kɛ mboane la; yɛ nuhua biala ɔdaye yeva ye adenle ɛdeɛ zo; Ɛdɛnkɛma ɛva yɛ ɛtane ne mɔ amuala ɛgua ɔ nwo zo.

Yizikeɛle Buluku ne 18:20

Sonla biala mɔɔ kɛyɛ ɛtane la, bawu. Ralɛ nrenya ɛnrɛnwu amaneɛ wɔ ɔ ze ɛtane ne mɔ ati, yɛɛ selɛ ɛnrɛnwu amaneɛ wɔ ralɛ nrenya ɛtane ne mɔ ati. Sonlakpalɛ biala banyia ye kpalɛyɛlɛ nwo ahatualɛ, yɛɛ amumuyɛnli biala banyia ye amumuyɛ nwo ahatualɛ.

Sɛlɛ 26:15

saa bɛbulu me mɛla ne mɔ azo, na bɛkpo me ngyehyɛlɛ ne mɔ, na yemɔti bɛnrɛyɛ mɔɔ meze bɛ la amuala, na bɛtulu me ngyekyeleɛ ne a,

Sɛlɛ 26:43

Noko bɛbagyakyi azɛlɛ ne bɛamaa yealie ye ɛnwomenle wɔ mekɛ mɔɔ bɛnde zolɛ la; eza ɔwɔ kɛ bɛsia bɛ nzi bɛfi bɛ amumuyɛ nwo, ɔboalekɛ bɛbulule me ngyehyɛlɛ ne mɔ azo, yɛɛ bɛanli me mɛla ne mɔ azo.

Sɛlɛ 5:1

“Saa awie yɛ ɛtane mɔɔ kile kɛ bɛvɛlɛ ye kɛ ɔrali daselɛ wɔ mɔɔ ɔnwunle ye nee mɔɔ ɔdele wɔ edwɛkɛ mɔɔ zile bagua nu na ɔdi nwolɛ daselɛ la anwo, na yeanga a, ɔdaye ɔ ngome ye ɛtane zo ye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 9:13

Awie biala mɔɔ evinli ɛtɛkanle ye, yɛɛ ɔtɛtule adenle na yeanli Akpabɛnwo Ɛvoyia ne la, ɔwɔ kɛ bɛye ye bɛfi ye menli ne avinli, ɔboalekɛ mekɛ ne dwule la, yeanva Ɛdɛnkɛma azubɔdeɛ ne yeamaa ye. Sonla zɔhane ɛtane zo ye.

Mɛla 17:12

Awie biala mɔɔ kɛli ɔ ti anwo na yeanli mɔɔ sɛlɛvolɛ ne mɔɔ gyi Nyamenle agyakɛ anu, anzɛɛ yeanli mɔɔ ndɛnebuavolɛ ne kɛha la azo, na ɔkɛyɛ debie gyɛne biala la, ɔwɔ kɛ bɛku ye; bɛyɛ ye zɔhane bɛva bɛdu munzule ne abo bɛvi Yizilayɛ maanle ne anu.

1 Tɛs 4:8

Zɔhane ati, mɔɔ kɛkpo ngilehilelɛ ɛhye la ɛmkpo sonla, na yekpo Nyamenle ne mɔɔ ɛva ye Sunsum Nwuanzanwuanza ne ɛmaa bɛ la.

1 Pit 2:24

Kelaese ɔdaye mumua ne ɔliele yɛ ɛtane ne mɔ wɔ ye sonlabaka ne anu ɔhɔle meanubaka ne azo, amaa yɛawu yɛamaa ɛtane na yɛadɛnla yɛamaa pɛlepɛlelilɛ. Bɛlua ye ɛbodalɛ nganlɛ ne mɔ azo a bɛyɛ bɛ ayile a.

2 Pit 2:21

Ɛnee noko bɔbɔ ɔle kpalɛ kɛ anrɛɛ bɛannwu pɛlepɛlelilɛ adenle ne fee, tɛla kɛ bɛkɛnwu ye na bɛkɛhakyi bɛ nzi bɛkɛzi mɛla nwuanzanwuanza ne mɔɔ bɛva bɛmaa bɛ la.

1 Sam 3:14

Zɔhane ati meka meka kɛ, Yilae abusua ne, azubɔlɛ anzɛɛ azubɔdeɛ biala ɛnrɛmaa ndeanlɛ mɔɔ la bɛ nwo zo la ɛnrɛzi aze ɛlɛ.”